Ntsiab lus tseem ceeb:
- Cov kev kawm ua luam dej tsim nyog yuav tsum muaj cov kev qhia kom yus pab tau yus tus kheej hauv dej thiab kom kawm tau tej txuj ci pab kom yus tau txais kev nyab xeeb.
- Yeej teev tias tej me nyuam muaj hnoob nyoog li cas tsim nyog muaj tej txuj ci ua tau luam dej li zoo li cas.
- Primary schools (tsev kawm qib pib) yeej qhia cov sob kawm ua luam dej thiab kev nyab xeeb txog dej, thiab tej tej nom tswv xeev yeej muaj cov sports vouchers rau tej me nyuam mus kawm tej sob kawm xyaum ua luam dej.
Txawm tias cov kev muaj feem cuam tshuam nrog dej yeej yog ib feem ntawm cov kev loj hlob ntawm Australia no, los cov kev poob deg yeej tseem yog tej yam uas rau tej me nyuam yaus tas sim neej thiab raug mob coob tshaj plaws thiab.
Tej me nyuam hnoob nyoog qes dua tsib xyoos yog cov yuav raug kev phom sij poob deg ntau dua, vim txhua lub xyoo twg thoob Australia yeej muaj tus zauv nrab ntawm tej me nyuam no txog li 23 tug poob deg tuag thiab muaj 183 tug raug coj mus kho ntawm tej tsev kho mob.
Txawm li cas los yeej yog ib cov xwm txheej phem uas muaj peev xwm tiv thaiv tau tshaj plaws thiab yog tias paub txog txoj kev nyab xeeb cuam tshuam txog dej thiab qhia kom paub ua luam dej.
Dr SV Soundappan uas yog ib tug kws phais tej neeg raug mob ntawm lub tsev kho mob Children's Hospital ntawm Westmead hais tias ''Feem ntau mas peb pheej xav tias, 'Tej xwm txheej poob deg no yuav tsis tshwm sim rau yus'. Tab sis xav kom peb tsis txhob xav li ntawd. Vim yeej muaj peev xwm tshwm sim tau rau ib tug twg. Hais tsi ntsees rau tej me nyuam yaus hnoob nyoog pib txij yug los txog rau hnoob nyoog tsib xyoos ntawd, uas tsuas tib pliag ntshis uas yus tsis nco faj xwb ces twb raug tej xwm txheej no lawm."
Learning to swim and be safe around water can open the way to a range of outdoors recreation activities Credit: Mike Kemp/Getty Images/Tetra images RF
Australia yeej yog lub teb chaws nyiam kov dej, peb yeej nyiam cov kev sib tw hauv peb tej dej, tej ntug hiav txwv, thiab tej pas da dej. Peb yuav tau ua tib zoo xyuas kom peb mus ncav rau lub caij muaj tej neeg no tseem koom tej no es qhia rau lawv kom lawv nco ntsoov xyuas kom lawv tej me nyuam tau txais kev nyab xeeb thaum cuam tshuam tej dej.Dr SV Soundappan, Children's Hospital at Westmead
Dr Soundappan tshab txhais tias, txawm tias dim ntawm tej xwm txheej uas yuav laug poob deg ntawd lawm los yeej tseem yuav ua rau muaj teeb meem mob nkeeg tau thiab.
Nws hais tias “Peb yeej paub tseeb lawm tias, yog tias koj twb ploj hauv dej ntev txog li peb (3) ntiag tiv los yog ntev tshaj ntawd lawm, ces yeej yuav ua rau muaj teeb meem rau tej hlab txais kev paub lawm. Txawm tias yog lub sij hawm luv luv xwb los kuj yuav ua rau ib tug me nyuam ntawd tsis muaj peev xwm kawm tau ib yam dab tsi zoo lawm."
For young children, active supervision means an adult being in the water and within arm’s reach. Source: Moment RF / Yasser Chalid/Getty Images
Lub hnoob nyoog twg yog yog lub hnoob nyoog 'zoo tshaj plaws' mus kawm xyaum ua luam dej?
Raws li Stacey Pidgeon uas yog tus National Manager uas tswj cov hauj lwm Research thiab Policy ntawm lub koom haum Royal Life Saving hais tias muaj ntau yam tseem ceeb uas yuav pab tiv thaiv kom tsis txhob poob deg thiab.
Tej me nyuam yaus hnoob nyoog qes dua tsib (5) xyoos ces yuav tau saib ntsoov, tej niamtxiv yuav tsum paub siv cov CPR (pab pab kom tus me nyuam ua tau pa), thiab muab tej chaw muaj dej thaiv los yog muab vov.
Tsis hais tej me nyuam yuav muaj hnoob nyoog li cas li, tsim nyog yuav tau muab cov kev kawm txog kev nyab xeeb txog dej no kawm nrog tej sob kawm ua luam dej uas tej niamtxiv xaiv rau lawv tej me nyuam kawm thiab.
“Piv txwv li kawm kom paub ua luam dej kom yus ntab, paub pab ib tug twg yam tsis ua rau yus raug teeb meem, thiab paub tias puas tsim nyog hu rau tus xov tooj los yog mus thov kev pab cuam ntawm tej neeg pab cawm neeg poob deg (lifesavers).”
“Anak-anak secara alami penasaran dengan air; namun mereka tidak memahami bahaya yang ditimbulkannya,” kata Dr Soundappan. Source: Moment RF / Isabel Pavia/Getty Images
Ms Pidgeon hais tias muaj peb yam uas yeej teev meej rau tej me nyuam yaus hnoob nyoog 6, 12 thiab 17 xyoo tias muaj peev xwm ua tau dab tsi.
Thaum ib tug me nyuam twg muaj hnoob nyoog 12 xyoos lawm, ces tus me nyuam ntawd tsim nyog muaj peev xwm ua tau luam dej deb txog 50 metres, txawj pab kom nws ntab ntev txog ob (2) ntiag tiv (minutes), thiab muaj peev xwm pab tau lwm tus, thiab txawm hnav ris tsho los nws muaj peev xwm pab tau nws.Stacey Pidgeon, National Manager for Research and Policy at Royal Life Saving
“Peb xav ua tib zoo xyuas kom thaum tej me nyuam kawm tiav primary school lawm, lawv muaj tej txuj ci tseem ceeb no.”
Thoob teb chaws Australia no ces tej me nyuam yaus uas kawm ntawv hauv tej teej kawm yeej muaj cib fim mus kawm ua luam dej thiab kawm cov program pab kom tau txais kev nyab xeeb hauv dej rau ib lub caij twg thaum tseem kawm primary shcool ntawd.
Tej niam txiv los kuj muaj peev xwm siv cov sports vouchers (tej tw ntawv koom kev sib tw) uas tau los ntawm tej xeev (txheeb tau ntxiv hauv qab ntawm zaj xov xwm kawg no ces yuav muaj ib co links qhia) rau tuas yuav coj lawv cov me nyuam mus koom cov sob kawm ua luam dej li cas.
Ms Pidgeon tshab txhais tias “Ib lub xeev twg nyias yeej muaj nyias cai siv txawv, thiab yeej muaj ob (2) lub xeev tsi ntsees tsuas muaj cov vouchers (tw ntawv) uas siv mus kawm ua luam dej thiab kawm cov program kom paub txog kev nyab xeeb hauv dej ntsi ntsees xwb.”
Parents are encouraged to ensure their children don’t drop out early from swimming classes before reaching minimum competencies for their age. Credit: FatCamera/Getty Images
Tej niam txiv lub luag hauj lwm
Brendon Ward uas yog tus coj ntawm lub koom haum Australian Swimming Coaches and Teachers Association.
Nws hais tias tej me nyuam yeej pib swm nrog dej txij thaum lawv muaj hnoob nyoog rau (6) hli lawm, thiab yeej muaj ib txhia teej kawm qhia ua luam dej tseem qhia tej me nyuam muaj hnoob nyoog qes tshaj ntawd thiab.
“Tsuas yog cov kev pab kom tej me nyuam swm dej xwb thiab pab kom lawv paub tej yam txuj yooj yim, uas yuav pab kom lawv npaj txhij kawm ua luam dej xwb.”
Mr Ward hais tias lub caij uas tej me nyuam muaj hnoob nyoog peb los yog plaub xyoos ntawd ces tej me nyuam yeej pib kawm tau tej txuj yooj yim txog kev nyab xeeb hauv dej thiab kawm ua luam dej lawm.
Tej niam txiv yeej muaj ib lub luag hauj lwm tseem ceeb los pab kom lawv tej me nyuam ras los ua cov neeg ua luam dej uas tau txais kev nyab xeeb yog tias lawv tsim ib cov cai siv thiab qhia kom tej me nyuam paub txog tej kev phom sij thaum tseem yau.
Introducing your toddler to the feel of water can be a special parent-child bonding experience. Source: Moment RF / Navinpeep/Getty Images
Thiaj yog tej yam tseem ceeb uas tej laus yuav tsum ntseeg lawv tus kheej thiab muaj peev xwm ua tau luam dej hauv tej dej, mas thiaj yuav ua rau lawv yog ib cov neeg uas saib xyuas tau ib tug me nyuam twg.
Tab sis yeej muaj ib txhia niam txiv uas tau tuaj txog ntawm teb chaws Australia no rau lub caij lawv twb muaj hnoob nyoob nyoog lawm tej zaum yeej tsis paub ua luam dej ntawm lawv lub teb chaws li.
Dr Soundappan kwv yees tias muaj tej me nyuam yaus ib tug tawm tsib tug twg uas poob deg ntawd yeej yog tej me nyuam ntawm tej neeg coj ntseeg ntau yam kab lis kev cai sib txawv.
Nws los yeej yog ib tug uas twb muaj hnoob nyoog lawm mam li mus kawm tej sob kawm ua luam dej ntawm teb chaws Australia no, yog li ntawd nws thiaj txhawb nqa tej niam txiv thiab tej me nyuam kom mus kawm kom ntxov npaum li ntxov tau.
“Kuv yeej tau kawm qee cov sob kawm kom pab kuv ntab tau me ntsi hauv tej dej. Yog li ntawd ces ntshe yeej muaj tej neeg coj ntseeg ntau yam kab lis kev cai, uas tej niam txiv yog cov neeg tsis paub ua luam dej thiab."
“Tab sis muaj hmoo heev ntawm Australia no, peb muaj peev xwm cia tej me nyuam mus kov dej ntawm tej chaw uas tau txais kev nyab xeeb, yeej muaj tej chav kawm qhia tej me nyuam pib txij li thaum tseem yog me nyuam mob liab tuaj. Cov kev pib kawm thaum ntxov thiaj yog tej yam zoo vim tej me nyuam ntawd yeej yog tej neeg nyob ntawm lub teb chaws no lawm, thiab lawv yeej yuav muaj feem ua ib yam dab tsi uas cuam tshuam txog dej xwb.”
Getting your child used to putting on their swim wear in the days before their first lesson can help them feel comfortable and excited about the upcoming class. Credit: FatCamera/Getty Images
Mr Ward thiaj muaj qee cov lus taw qhia tias kom txheeb dab tsi li hauv qab no:
- Lub teej kawm qhia ua luam dej ntawd puas muaj tej xib fwb uas paub qhia?
- Tej xwb fwb qhia ntawv puas muaj ntaub ntawv qhia tau raug cai?
- Lub teej qhia ua luam dej ntawd puas muaj tej kev qhia raws li qhov koj xav tau?
- Lub teej kawm qhia ua luam dej ntawd puas huv thiab puas tu du dais?
- Puas muaj neeg sau ntawv tawm tswv yim dab tsi txog lub teej kawm qhia ua luam dej ntawd tias zoo li cas uas koj muaj peev xwm nyeem tau?
Voucher Schemes for swimming/sports across states and territories
NSW
NT
QLD
SA
TAS
VIC
WA
program
