Xov xwm luv tshaj tawm hnub zwm Quag (Tuesday news 11.02.2025):
Donald Trump tau kos xeem mem tes tsub se 25% rau tej hlau thiab aluminium xav muag rau nws lub teb chaws. Thiab nws qhia tias yuav tsis zam rau leej twg txawm tias Australia tus thawj pwm tsav Anthony Albanese hais tias tej zaum nws yuav zam rau Australia. Ces Peter Dutton hais tias yog tseem ua li no ces ''yog tej yam yuam kev lawm.''
Australia tus noj tswj dej num noj qab haus huv hais tias tseem tshuav hauj lwm ntau yuav tau xyuas kom muaj neeg tau siv cov bulk billing kho mob ntau tuaj ntxiv vim tej neeg mob thiab kws kho mob txhawj heev. Raws li tau muaj xov xwm qhia ces kuj muaj tej neeg tsawg dua li 78% tau siv cov kev kho mob no ntsib kws kho mob lub 12 hlis ntuj 2024, uas pom tias txhua lub xeev tau siv ntau tuaj ntxiv lawm.
Tau muaj ib tug txiv neej yuav raug coj mus haus plaub hnub no raug liam tias cuam tshuam nrog ib co xwm txheej nyiag yees tej poj niam hnav tiab luv tej video ntawm Ballarat ntawm Melbourne. Ballarat lub tuam chav Sexual Offences and Child Abuse Investigation Team thiaj liam ib tug txiv neej tias tau ua tej xwm txheej no nrog ib cov poj niam ntawm tej chaw ua kev lom zem thiab tej khw muag khoom lub 1 hlis ntuj thiab 2 hlis ntuj.
Australia tej txhab nyiaj loj tau raug nom tswv txwv tsis pub kaw lawv tej ceg txhab nyiaj rau lub caij 2 xyoos ntxiv no ntawm tej zos toj siab thiab zos cheeb tsam vim txhawj tsam tej neeg tsis tau nyiaj siv. Jim Chalmers uas yog tus nom tswj yiaj txiaj hais tias tau pom zoo nrog tej txhab nyiaj ncua txog rau thaum xaus lub 7 hli ntuj xyoo 2027. NAB los kuj pom zoo nrog cov kev pom zoo tshiab. CBA thiab Westpac los kuj tau txuas lub sij hawm ntev dua qhov npaj thaum xub thiab.
Lia Finocchiaro uas yog tus hau xeev Nothern Territory tau tsis ua raws li tej tswv yim tsim kom muaj kev pom zoo nrog neeg txum tim thiab hais tias nws pab nom Country Liberal Party yuav kub siab los kho tej zejzog kom muaj peev xwm tswj tau tej nom tswv zos toj siab.
Nom tswv xeev California thiab teb chaws Meskas tau tsim ib co cai tshiab los rau txim rau tej neeg tub sab uas pheej nyiag lwm tus tej cuab yeej cuab tam tom qab tau muaj ntau caum tus raug txhom rau lub caij muaj hav zoov kub hnyiab ntawm Los Angeles.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab mloog tau caum los yog lwm cov podcast platforms (, , thiab ).
