Touacha Her yog tus sau thiab yog tus tsim pob yeeb yaj duab (movie) "Tus ntsuj plig ntawm kuv ib sab" los yog "Spirit beside me". Nws yog ib zaj dab neeg cuav uas tsim coj los qhia txog Hmoob tej dab neeg, qhia txog Hmoob tej teej tug li lus, paj ntaub thiab Hmoob keeb kwm.
Raws li Tuaocha Her tau qhia nws siv sij hawm li 7 los 8 lub xyoo los xav thiab npaj sau thiab tsim pob yeeb yaj duab (movie) no. Thaum xub yog tau txais kev txhawb nqa los ntawm plaub puas tawm leej ntawm cov nyiaj tshaj USD50,000 thiaj muaj peev xwm ua tau thawj toom yeeb yaj duab (Pilot Episode) ntawm zaj dab neeg Ntsuj Plig Ntawm Kuv Ib Sab no.
Lengendary princess and Hmong king-Spirit Beside Me-Windstruck Production-Touacha Her Source: Spirit Beside Me, Touacha Her
hais tias zaj dab neeg no yog pib thaum xub uas Hmoob tseem muaj huab tais, thiab tau txib cov peeb zeej los sib tua nrog cov ntsuj plig dab, ces lawv mam li rov qab yug dua rau tiam neej tshiab no.
Mws tsuas ua raws li Hmoob keeb kwm uas muaj huab tais tab sis ho tau muab hloov los ua raws yam yus xav xwb tsis muaj tseeb (fantasy) raws li keeb kwm tiag tiag piv txwv li muaj zaj, muaj ntsuj plig dab los sib tua kom ho muaj neeg nyiam saib xwb.
Hos toom 2 txuas ntxiv no (next episode) yog yuav ua txog cov neeg no rov qab los yug dua tshiab rau tiam neej vam meej tam sim no ces mam li rov qab los daws tej teeb meem sib ntaus sib tua sib tawm tsam no.
Yujin Thao as Royal Guard Warrior and his men-Windstruck Production-Spirit Beside Me-Touacha Her Source: Spirit Beside Me, Touacha Her
18 Dragons keys to the underworld - Windstruck Production- Spirit Beside Me-Touacha Her Source: Spirit Beside Me, Touacha Her
Kim Hawj xub pib sau zaj dab neej ua ntej ces mam li los nrhiav cov neeg yuav los ua cov yeeb yam thiab nrhiav cov neeg los yees zaj yeeb yaj duab no raws zaj dab neeg ntawd kom zaj dab neeg no ras los ua tau thawj toom ntawm zaj dab neeg Ntsuj Plig Ntawm Kuv Ib Sab no.
Nws hais tias yuav coj thawj toom Pilot Episode no coj los tso rau hauv internet rau sawv daws saib li cov neeg Korean los yog Thaib cov dab neeg ua ntau toom xwb thiab yuav xav ua coj mus tso rau hauv NETFLIX rau sawv daws saib. Tab sis tam sim no ces muaj peev xwm mus saib tau. Tam sim no tseem tsis tau coj mus tso rau hauv movie theatre rau sawv daws saib tab sis yog leej twg xav saib ces mus txheeb xyuas tau xov xwm ntxiv ntawm los yog ntawm tau.
Mloog tau Touacha Her thiab Yujin Thao nkawv cov lus nrog xov tooj cua SBS Radio Hmong Program tham hnub tim 2018.10.07 ntawm daim duab hauv qab no: https://www.facebook.com/plugins/video.php?href=https%3A%2F%2Fwww.facebook.com%2Fhmong.sbs%2Fvideos%2F2125613914371073%2F&show_text=0&width=267
hais tias kev ua yeeb yam yog tej yam ua rau yus tau koom hauj lwm nrog ntau tus neeg tshiab thiab muaj kev lom zem heev. Yog ib txoj hauj lwm uas yog yus muaj peev xwm thiab yus nyiam ua thiab tshaj lij rau fab kev ua yeeb yam ces hnub tsis ntev thiab tsis nco dhuav. Yog tej yam tsis yog tau koob npe thiab tau qhov zoo rau yus tus kheej xwb tab sis tau rau yus tsev neeg, tau rau yus tej zejzog yus haiv neeg thiab yus lub teb chaws.
Cag Nuj Tsim Thoj hais tias yog Hmoob tej hluas nyiam kev ua yeeb yam los sis yog kev nqua yas suab (hu nkauj) ces kom kav tsij ua vim yog tej yam zoo thiab thiaj pab Hmoob kom caum cuag mab sua. Nws kuj qhia tias yog nyiam fab txuj no ces yuav tau kawm ntawm tej neeg txawj thiab paub li mab sua uas luag twb ua tau ib tug qauv zoo lawm ces thiaj ua tau thaum muaj neeg hu kom yus mus ua yeeb yam rau luag.
Touacha Her xav thov ua tsaug rau cov neeg 494 xub xub tau pab txhawb nws lub tswv yim ntawm zaj dab neeg no kom thiaj li muaj peev xwm ua tau pob movie no thiab thov ua tsaug rau cov fan cov neeg nyiam nws lub tswv yim no kom peb ua tau yeeb yam tib yam li tej pej kum haiv ua ntawm Hollywood. Twb vim yog muaj cov kev txhawb nqa los ntawm cov neeg no kawg siab kawg ntsws kom ua tau pob yeeb yaj duab no kom tsis yog tias Hmoob nyiam saib xwb tab sis xav kom tej mab sua los nyiam saib tib yam thiab.
Evil spirit, Hmong's enemy-Spirit Beside Me-Windstruck Production-Touacha Her Source: Spirit Beside Me, Touacha Her
Hais txog ntawm Hmoob communities ces nws xav qhia kom Hmoob paub tias yog qhov no tsis yog ib qho kev ua yeeb yam xwb tab sis yog ib qho cultural revolution thiaj xav kom Hmoob yuav tsum khaws Hmoob teej tug thiab ceev Hmoob tej cultural history ntwam tej yeeb yam tseg cia. Yog li txawm tias tsuas yog ib zaj dab neeg cuav xwb los yeej tseem yog ib feem ntawm Hmoob keeb kwm txawm tias yog ib zaj dab neeg cuav xwb, thiab Hmoob tej hluas los kuj tau siv cov technology los pab kaws tej no nrog rau Hmoob tej paj ntaub tseg cia lawm thiab.
Yujin Thao (Cag Nuj Tsim Thoj) hais tias nws muaj kev cia siab heev rau zaj yeeb yaj duab (movie) no heev, nws yeej yuav siv kom tag nws lub tsab peev xwm los koom ua zaj yeeb yam no kom zoo tshaj plaws li qhov nws ua tau. Tab sis cov kev yuav ua kom tau ib zaj movie zoo no yeej yuav tau siv dag zog thiab peev txheej nyiaj txiaj ntau heev ces thiaj xav kom Hmoob sib pab thiab kom sawv daws paub txog tias pawg neeg ua pov movie no muaj lub hom phiaj li cas thiab ho yuav ua tau dab tsi zoo rau Hmoob thiab kom tau txais txiaj ntsim ntau tshaj ntawd. Thiaj xav kom sawv daws pom txog qhov tseem ceeb li tau hais no es tig los sib pab txhawb dag zog thiab muaj kev cia siab rau lawv kom lawv thiaj tuaj zog ua pob movie no thiab. Yog tias tsis muaj ib tsoom Hmoob pab txhawb ces ntshe yuav tsis pom qab ua li cas, tab sis twb vim yog muaj ib tsoom Hmoob sawv daws es lawv thiaj pheej kub siab ua movie tas zog.#
Mloog tau xov xwm ua lus Hmoob ntawm xov tooj cua SBS Radio Hmong Program ntxiv tau rau ntawm lub vas sab rau ob hnub xws li hnub zwj Teeb (Thursday) 6pm AEDT-Australian Eastern Standard Time thiab hnub zwj Hnub (Sunday) 11 am AEDT; download tau SBS Radio App kom koj mloog tau xov tooj cua SBS Radio Hmong Program tau ntawm App Store thiab ntawm Google Play los yog download xov xwm kaw ua suab (Podcasts) ua lus Hmoob thiab lus Askiv tau ntawm los sis download tau ntawm thiab ntawm iTunes los yog mloog tau ntawm tuaj koom ua tub koom siab thiab koom mloog tau tau ntawm #SBSHmong lub Facebook page tau.
