Ntsiab lus tseem ceeb:
- Tej khoom fiab tau yeej muaj kev cuam tshuam nrog tej neeg fiab, lub teb chaws thiab tej koj koob yawm koob.
- Cov kev fiab khoom yog ib co siv coj los pab kom kaj siab thiab yog ib cov kev pab kom tau sib ntsib sib cuag nrog lwm tus.
- Tej neeg fiab yeej tsim tau ib cov khoom fiab txawv uas qhia txog tej khoom lawv fiab tau.
- Poj niam thiab txiv neej yeej fiab tib si.
Yeej muaj ntau yam khoom fiab tib yam li ntau yam neeg txum tim uas yog cov neeg fiab khoom uas tsim tej khoom no thiab. Ib yam khoom fiab tseem ceeb twg yeej muaj kev sib cuam tshuam ntawm tus neeg fiab, ntawm lub teb chaws thiab ntawm lawv tej poj koob yawm ntxwv.
Cov txheej txheem fiab no ces yog pib ntawm cov kev mus sau thiab npaj tej khoom yuav siv li raj, kav nroj, tawv ntoo thiab tej nroj tsuag uas yuav siv coj los fiab. Ces mam li coj tej khoom no coj los fiab ua ib co khoom li pob tawb, tais, qhaib ua xov thiab ua tej ntxaij.
Cherie Johnson uas yog ib tug poj niam neeg txum tim caj cej neeg Gomeroi thiab yog ib tug artist thiab yog tus neeg qhia lwm tus ntawm Northern NSW hais tias “Lo lus fiab 'Weaving' no ces lus Askiv tsuas muaj tib lo siv xwb. Tab sis neeg txum tim yeej muaj ntau lo lus siv. Qhov tseem ceeb heev txog peb cov kev fiab no ces yog peb tej txuj ci kab lis kev cai ntawm yam khoom fiab ntawd li cov kev paub txog tias yuav siv tej nroj tsuag twg los ua, yuav nrhiav tau lub caij twg ntawm lub xyoo los siv, thiab ho nrhiav tau dab tsi noj kom thiaj muaj noj ntev txuas ntxiv.”
ADELAIDE, AUSTRALIA: Neeg txum tim ib co sob kawm qhia fiab khoom ntawm Precinct Village thaum tseem muaj poj niam ib cov kev sib tw AFLW. Credit: Kelly Barnes/AFL Photos/via Getty Images
Cov kev fiab pab kom tej neeg tau sib ntsib sib cuag
Cov kev fiab tsis yog ib cov kev kawm txog cov kev xaws thiab ntos ntaub ntos xov xwb tab sis tseem yuav tau kawm txog tej txheej txheem thiab.
Yeej muaj ntau phaum neeg sib txawv los saum ua ke thiab qhia lawv tej dab neeg thiab qhia txog tej txuj kab lis kev cai tias vim li cas tej neeg thiaj fiab.
Ms Johnson hais tias “Qhov tseem ceeb tiag ces yog cov kev nkag siab txog tias yuav siv dab tsi coj los fiab, vim li cas tej khoom ntawd thiaj tseem ceeb, thiab ho yuav fiab tej khoom dab tsi coj los siv, thiab ho yuav siv li cas thiaj siv raug. Ces thiaj muaj ntau yam cuam tshuam.”
Txiv neej fiab khoom siv thiab
Luke Russell yog ib tug neeg txum tim Worimi uas tswj thaj chaw Newcastle ntawm NSW. Ces nws thiaj muaj feem txog cov kev kawm thiab qhia tej txuj ci txog cov kev tsim tej twj siv uas nws tej coj tau qhia rau nws coj los siv tej tawv ntoo coj los siv ua tej nkoj ib txwm siv, tsim tej hmuv nkaug ntses thiab tsim lwm yam twj siv.
Ntawm kuv ces cov kev fiab hais tsi ntsees rau cov kev qhaib xov yog ib feem tseem ceeb rau peb tej txiv neej tej twj siv.Luke Russell, Cultural Knowledge Holder
Nws kuj siv tej txuj fiab sib chab sib chaws heev coj los fiab kom ua tau nws lub nkoj ob tog tw ruaj los yog siv muab tej xov coj los pav tej twj siv.
Txij thaum tseem yau txog rau thaum nto nraug ces tej me nyuam tub yeej ib txwm siv caj mus kawm nrog poj niam tej coj kom tau kawm fiab khoom ua ke nrog tej me nyuam ntxhais.
Mr Russell hais tias “Tam li ib tug hluas, uas yeej tau kawm cov kev fiab txij thaum yog ib tug me nyuam tub los txog rau lub caij yog ib tug txiv neej yawg lawm, ces yog thaum nws muaj peev xwm siv tau tag nrho tej txuj ci ntawd lawm. Thiab yeej yog tej poj niam yog cov qhia txhua yam txuj ci rau nws los txog ntua rau lub caij ntawd.”
Australia Explained: Neeg txum tim cov kev fiab - daim lev uas xuas cov nplooj txoos pandanus palm ua. Credit: Richard I'Anson/Getty Images
Cov kev fiab yog ib cov kev tswj siab kom tus
Cherie Johnson yeej siv cov kev fiab los teev txog nws cov kev xav. Nws yeej siv cov kev fiab khoom los tswj nws siab kom tus thiab siv nws cov kev xav coj los fiab tej khoom.
Nws hais tias “Ntawd ces yeej yog peb tej zejzog tej tswv yim los txheeb ntau yam. Ces peb thiaj tau koom los ua tej no ua ke raws li peb txoj kev nyiam, thiab yog ib txoj kev sib hwm tam li ib tse neeg. Thiab ntawd ces yog cov kev fiab no. Ua pab kom tej neeg tau tuaj sib ntsib sib cuag sib tham thiab tuaj ntos ntaub ntos xov. Muaj qee zaus ces ntawm tej neeg uas tuaj kawm fiab khoom ces tsuas yog tuaj nrog lwm tus haus dej tshuaj yej ua ke los yog tuaj ntsib lwm tus viv ncaus xwb.”
Yeej fiab tau tej khoom sib txawv
Tej nroj tsuag ntau yam li tej nroj thiab tej tawv ntoo ces yeej sib txawv thoob teb chaws no, ces thiaj muaj cov kev fiab sib txawv ntawm ib cheeb tsam rau lwm cheeb tsam thiab.
Tab sis tej neeg fiab nyias yeej nyiam fiab raws nws lub tswv yim uas yeej fiab tau lawv tej khoom txawv lwm tus thiab.
Ib txoj xub kev ntxiv ces yog siv tej kob (xim) uas nrhiav tau ntawm tej zos li tej paj, tej tawv ntoo, tej txab tej ciab ntoo los yog tej cag ntoo coj los siv thiab.
Cherie Johnson hais tias “Yeej muaj ib tug neeg tsim khoom ntawm ib thaj chaw twg yeej txhob txwm siv ib co xwm twg clo los pleev rau tej khoom lawv fiab tau uas yog tej yam tseem ceeb heev rau tus neeg ntawd thiab.”
Tej neeg paub yeej muaj peev xwm qhia tau tias yam khoom fiab ntawd ua rau thaj chaw twg, thiab tej thaum yeej muaj peev xwm qhia tau tias tus neeg fiab ntawd siv cov xwm dab tsi, nws nyiam fiab li cas thiab ho siv tej khoom dab tsi los fiab.Cherie Johnson, artist and educator
Muaj qee zaus ces yus saib yam khoom fiab ntawd xwb yeej muaj peev xwm qhia tau tias tus neeg fiab yog leej twg lawm.
Nephi Denham yog ib tug artist ntawm cov neeg txum tim Girramay ntawm Cardwell sab qaum teb xeev Queensland hais tias nws tus txiv hlob/txiv ntxawm qhia nws fiab.
Mr Denham hais tias “Peb tej neeg artists coob tus suav kuv nrog thiab yeej pib fiab sib txawv, vim li ntawd peb thiaj muaj peev xwm qhia tau tias tus neeg ntawd fiab ntawd xis sab laug los yog sab xis. Ces peb thiaj muaj peev xwm qhia tau tias leej twg yog tus neeg fiab yam khoom ntawd.”
Australia Explained: Neeg txum tim cov kev fiab - Ib tug poj niam tab tom siv cov nplooj txoob pandanus palm fiab pob tawb. Credit: Richard I'Anson/Getty Images
Peb puas muaj peev xwm koom tau?
Cassie Leatham ces yog ib tug artist siv ntau yam txuj thiab kuj yog ib tug kws fiab ntawm cov neeg txum tim caj ceg neeg Taungurung ntawm haiv neeg Kulin ntawm xeev Victoria. Nws kuj yog tus tsim cov sob kawm qhia txog neeg txum tim tej txuj fiab khoom rau tej neeg tsis yog neeg txum tim. Ces thiaj txhawb nqa kom tej neeg kawm ua tib zoo mloog kom thiaj totaub tob tshaj qub txog tias neeg txum tim tej neeg fiab khoom ho zoo li cas thiab ho muaj kev sib cuam tshuam nrog lawv tej poj koob yawm koob li cas.
Ms Leatham hais tias “Yog tej yam tseem ceeb xav kom lawv paub tias tsim nyog neeg txum tim uas tus tswj tej sob kawm no, thiab kom lawv pom txog qhov tseem ceeb ntawm peb tej cai ntawm peb tej txuj ci thiab laj lim tswv yim ntawm peb tej kab lis kev cai ntawm Australia no.”
Yog tej yam qhia txog cov kev hwm. Thiab tab nrho peb sawv daws yeej muaj peev xwm coj tej txuj uas peb kawm tau coj mus qhia rau lwm tus, tab sis tsis xav kom coj mua ua luam kom tau nyiaj rau peb - thiab peb yuav tsum tau lees paub txog peb tej lees kais neeg txum tim.
Koj muaj peev xwm nrhiav tau tej neeg txum tim tej zejzog uas qhia txog cov kev fiab khoom thiab tej koom txoos fiab khoom uas sawv daws yeej koom tau. Thiab tsis tas li ntawd los yeej ib txwm muaj tej nom tswv zos ua cov txhawb nqa tej sob kawm fiab no, los yog muaj cov kev txhawb nqa hauv social media thiab ntawm tej neeg ib tug twg qhia rau lwm tus.
Zej tsoom cov kev kub siab txog tej khoom fiab
Tej khoom fiab tau yeej raug coj mus tso rau sawv daws saib los yog coj mus muag rau ntawm tej chaw khaws duab tsis hais loj los me thoob Australia uas yeej muaj ib txhia ces lawv yeej nrhiav lawv ntiag tug chaw ho ib txhia ces yog siv zej tsoom chaw thiab kuj tseem muaj cov kev coj tej khoom fiab tau no coj mus tso rau ntawm tej koom txoos hnav zam fashion rau sawv saws saib thiab.
Tsis tas li ntawd los kuj yog tej yam tseem ceeb uas tej chaw khaws thiab tso duab rau lwm tus saib no tsim nyog qhia txog ntau tsav neeg txum tim tej kab lis kev cai thiab lawv tej ib chaw ib puag ncig thiab.
Cassie Leatham hais tias “Tej khoom fiab tau uas zej tsoom pom yog tej yam qhia txog yav dhau los, uas yog lub caij tam sim no, thiab tag nrho peb tej neeg fiab uas tseem yuav qhia rau peb cov phaum neeg txuas ntxiv rau yav pem suab thiab. Yog li ntawd thaum tej neeg ho mus xyuas tej chaw khaws duab, ces xv kom lawv ras txog tias peb yeej muaj peb tej kev fiab khoom siv thoob Australia, thiab txhua tus yeej muaj nyias ib zaj dab deeg tseem ceeb rau tej kab lis kev cai txog cov kev fiab thiab tej ntaub xo sib txawv.”
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
