Tej xovxwm dab tsi yuav ua rau peb raug kev phom sij hauv online

Tej zaum peb kuj tsis ras txog tias peb niaj hnub qhia thiab faib peb tej xov xwm ntiag tug hauv online rau lwm tus paub thaum peb mus siv tej social media platforms, websites los yog siv search engine nrhiav ib yam dab tsi. Tej kev siv internet los yog online li hais no yuav ua rau tej chaw li hais ntawv xav tau peb tej xov xwm ntiag tug ntau yam uas yog tias peb tsis ceev faj ces tsam yuav ua rau peb raug teeb meem. Tab sis tsim nyog peb yuav qhia tej xov xwm ntiag tug ntau npaum li cas xwb los sis yog peb ho yuav tau siv tej xub ke twg los tiv thaiv kom txhob muaj neeg nyiag tau los yog coj peb tej xov xwm mus siv txhaum cai los yog tsim teeb meem tau rau peb tam sim no los yog txuas ntxiv rau lub neej pem suab? Lub caij uas muaj ntau caum millions tus neeg Australia uas siv lub tuam txhab xov tooj thiab internet Optus raug neeg phem nyiag ib limtiam dhau los no tej neeg Australia thiaj tig los kub siab pov puag lawv tej xov xwm ntiag tug ntau tuaj ntxiv lawm. Tab sis peb ho yuav ua li cas thiaj pov puag tau peb kom tau txais kev nyab xeeb?