Australia will observe a public holiday on September 22 in mourning for the Queen's death
- The Queen's funeral will take place on Monday, September 19
- The sessions of the Federal Parliament has been suspended to mourn the death of the Queen
လၢတၢ်ကမၤမူးတၢ်ရဲၣ်တၢ်ကျဲၤလၢ တၢ်သ့ၣ်နီၣ်ထီၣ်က့ၤ နီၣ်ပၤမုၣ် အဲလ်စဘဲး ၂ဂၤတဂၤအံၤကသ့အဂီၢ် အီစထြ့လယါကီၢ် ပာ်ပနီၣ်ဝဲ လါစဲးပထ့ဘၢၣ် ၂၂သီ ဒ်အမ့ၢ် ကမျၢၢ်နံၤသဘျ့န့ၣ်လီၤ။
ဘၣ်ဆၣ်သနာ်က့ တၢ်ပာ်ပနီၣ် လါစဲးပထ့ဘၢၣ် ၂၂သီ ဒ်အမ့ၢ် ကမျၢၢ်နံၤသဘျ့အမုၢ်နံၤအံၤ ကမ့ၢ်ထဲတဘျီအဂီၢ်ဒီး တမ့ၢ်လၢကိးနံၣ်ဒဲးအဂီၢ်ဘၣ်န့ၣ်လီၤ။
ဖဲလါစဲးပထ့ဘၢၣ် ၁၁သီအနံၤ ကိတိာ်ခိၣ်ကျၢၢ် Albanese ဘိးဘၣ်သ့ၣ်ညါလီၤ တၢ်ပာ်ပနီၣ် ကမျၢၢ်နံၤသဘျ့အဂီၢ်အခါ အဝဲစံးလၢ နီၣ်ပၤမုၣ်လဲၤပူၤကွံာ် ဟီၣ်ခိၣ်ဝံၤအလီၢ်ခံ ကမျၢၢ်သ့ၣ်တဖၣ် ဟ့ၣ်ထီၣ်တၢ်ယူၤယီၣ်ပာ်ကဲကသ့အဂီၢ် ဘၣ်တၢ်ပာ်ပနီၣ်န့ၢ် ကမျၢၢ်နံၤသဘျ့အံၤန့ၣ်လီၤ။
တချုးဖဲလၢအဝဲဘိးဘၣ်သ့ၣ်ညါလီၤတၢ်ပာ်ပနီၣ်ကမျၢၢ်နံၤသဘျ့အံၤဒ်ဘၣ်တသီန့ၣ် ကိတိာ်ခိၣ်ကျၢၢ်အံၤ ထံၣ်လိာ်အိၣ်ဖှိၣ်သကိးဝဲဒီး ကီၢ်စဲၣ်တဘ့ၣ်စုာ်စုာ်၊ တၢ်ပၢလီၤဆီတဘ့ၣ်စုာ်စုာ် အခိၣ်အနၢ်သ့ၣ်တဖၣ်န့ၣ်လီၤ။
အဝဲသ့ၣ်ခဲလၢာ် သးလီၤပလိာ်လၢတၢ်ကပာ်ပနီၣ် ကမျၢၢ်နံၤသဘျ့ တသီ ထဲတဘျီအဂီၢ်အံၤန့ၣ်လီၤ။
တၢ်လဲၤပာ်လီၤ နီၣ်ပၤမုၣ် တၢ်သံအမူးန့ၣ် တၢ်ကမၤအီၤဖဲ လါစဲးပထ့ဘၢၣ် ၁၉သီအနံၤ ဖဲဝ့ၢ်လိဒိၣ် (Lodon) န့ၣ်လီၤ။
Britain's Queen Elizabeth sits at a desk in the 1844 Room at Buckingham Palace Source: AAP
