នៅថ្ងៃពុធនេះ ប្រធានមន្រ្តីសុខាភិបាលលោក Paul Kelly បានប្រាប់សវនាការប៉ាន់ស្មានព្រឹទ្ធិសភាថា មន្ទីរពេទ្យនៅក្នុងប្រទេសអូស្រ្តាលី "ទប់ទល់បានយ៉ាងល្អ" ជាមួយនឹងរលកកូវីដ-១៩នាពេលបច្ចុប្បន្ននេះ។
លោកបាននិយាយថា ប្រព័ន្ធសុខាភិបាលអូស្រ្តាលីស្ថិតក្នុងទីតាំងដ៏ល្អទប់ទល់នឹងវ៉ារ្យង់ថ្មីៗនាពេលអនាគត។
លោកសាស្រ្តាចារ្យ Kelly បាននិយាយថា អូស្រ្តាលីនឹងផ្តោតជាសំខាន់ទៅលើការកាត់បន្ថយគ្រោះថ្នាក់នៃប្រជាជនដែលវិវត្តន៍ទៅជាជំងឺធ្ងន់ធ្ងរ ជាជាងផ្តោតលើការកាត់បន្ថយការឆ្លង ក្នុងពេលអនាគត។
រដ្ឋមន្រ្តីក្រសួងសុខាភិបាលរដ្ឋញូសៅវែល លោក Brad Hazzard បានធ្វើតេស្តឃើញមានកូវីដវិជ្ជមាន។ លោក Hazzard បានចាក់វ៉ាក់សាំងពេញលេញរួចហើយ និងគ្រោងចូលរួមកិច្ចប្រជុំការងារពីចម្ងាយ។
រដ្ឋនេះបានកត់ត្រាការកើនឡើងនៃចំនួនករណីឆ្លងថ្មីនៃកូវីដ-១៩ និងការស្លាប់។ នៅថ្ងៃពុធនេះ គេបានរាយការណ៍ករណីថ្មីចំនួន 24,151ករណី និងស្លាប់ចំនួន 15 នាក់ បើប្រៀបធៀបទៅនឹងករណីឆ្លងថ្មីកាលពីថ្ងៃអង្គារមានចំនួន 19,183 ករណីនិងស្លាប់ចំនួន 12 នាក់។
រដ្ឋវិចថូរៀត្រូវចែកចាយឧបករណ៍តេស្តអង់ទីហ្សែនរហ័សចំនួន 16 លានតេស្ត ដោយឥតគិតថ្លៃ ចាប់ពីសប្តាហ៍នេះ ជូនដល់កូនសិស្ស បុគ្គលិក និងកុមារនៅទូទាំងប្រព័ន្ធអប់រំ រហូតដល់យ៉ាងហោចណាស់ 4 សប្តាហ៍ដំបូងនៃត្រីមាសទី 2 ។
កាលពីថ្ងៃអង្គារ នាយករដ្ឋមន្ត្រី Scott Morrison បានជំរុញឱ្យអភិបាលរដ្ឋនានាបន្ធូរបន្ថយច្បាប់ផ្តាច់ខ្លួនឯងចេញឆ្ងាយពីគេ សម្រាប់អ្នកដែលមានទំនាក់ទំនងជិតស្និទ្ធទៅនឹងករណីវិជ្ជមាន ទោះបីជាមានការព្រមានថា ករណីឆ្លងអាចកើនឡើងក្នុងរដូវរងាក៏ដោយ។
អាជ្ញាធរសុខាភិបាលអូស្ត្រាលីកំពុងតាមដានយ៉ាងដិតដល់នូវជំងឺរាតត្បាតសកលកូវីដ-19 និងការលេចចេញនូវប្រភេទ COVID-19 វ៉ារ្យង់ថ្មី 'XE'។ គេជឿថាវ៉ារ្យ៉ង់ថ្មីនេះ គឺជាការឆ្លងរវាង BA.1 ដែលជាប្រភេទដើមនៃ Omicron និង BA.2 ដែលត្រូវបានគេស្គាល់ថា 'stealth Omicron' ។
XE ត្រូវបានរកឃើញជាលើកដំបូងនៅក្នុងចក្រភពអង់គ្លេសកាលពីបីខែមុន។ អ្នកស្រាវជ្រាវជឿថាវាអាចឆ្លងបានឆាប់ជាង BA.2 ដល់ទៅ 10 ភាគរយ ប៉ុន្តែត្រូវការការស្រាវជ្រាវបន្ថែមទៀត។
ដែនដីភាគខាងជើងបានបន្ធូរបន្ថយនូវ។ ឧទាហរណ៍ អ្នកស្រុកមិនចាំបាច់ត្រូវបង្ហាញភស្តុតាងចាក់វ៉ាក់សាំងទៀតទេនៅពេលចូលទៅ បារ ផាប់ ក្លឹបរាត្រី ភោជនីយដ្ឋាន កាស៊ីណូ រោងកុន និងរោងល្ខោនជាដើម។
អ្នកជំនាញផ្នែករោគរាតត្បាតអូស្ត្រាលីជឿថា ចំនួនករណីពិតប្រាកដនៃ COVID-19 នៅក្នុងប្រទេសអាចខ្ពស់ជាងនេះ ដោយសារហេតុផលជាច្រើន រួមទាំងមនុស្សដែលមិនមានរោគសញ្ញា និងអ្នកដែលមិនបានធ្វើតេស្ត RAT ឬ PCR ផងដែរ។
អង្គការសុខភាពពិភពលោកបានផ្អាកការផ្គត់ផ្គង់ថ្នាំ Covaxin ដែលជាវ៉ាក់សាំងការពារជំងឺកូវីដ-១៩ បន្ទាប់ពីរកឃើញ 'កង្វះនៃការអនុវត្តផលិតកម្មល្អ'។ WHOបានស្នើឱ្យប្រទេសដែលប្រើប្រាស់វ៉ាក់សាំងនេះ ចាត់វិធានការសមស្រប។
ប្រទេសអូស្ត្រាលីទទួលយកវ៉ាក់សាំង Covaxin (Bharat Biotech) សម្រាប់គោលបំណងធ្វើដំណើរ។
ស្ថិតិកូវីដ-19នៅក្នុងប្រទេសអូស្រ្តាលិសម្រាប់ថ្ងៃទី 6 មេសា ឆ្នាំ2022COVID-19 Australian Stats for 6 April 2022
រដ្ឋញូសៅវែល៖ ករណីឆ្លងថ្មី 24,151 ករណី, 1,444នាក់នៅក្នុងមន្ទីរពេទ្យ, 51 នៅក្នុងបន្ទប់ ICU និង 15 នាក់ស្លាប់។
រដ្ឋវិចថូរៀ៖ ករណីឆ្លងថ្មី 12,150 ករណី, 331នាក់នៅក្នុងមន្ទីរពេទ្យ, 16 នៅក្នុងបន្ទប់ ICU និង 3 នាក់ស្លាប់។
រដ្ឋគ្វីនស្លេន៖ ករណីឆ្លងថ្មី 8,534 ករណី, 468 នាក់នៅក្នុងមន្ទីរពេទ្យ, 14 នៅក្នុងបន្ទប់ ICU និង 1 នាក់ស្លាប់។
រដ្ឋអូស្រ្តាលីខាងលិច៖ ករណីឆ្លងថ្មី 8,499 ករណី, 259 នាក់នៅក្នុងមន្ទីរពេទ្យ, 9 នៅក្នុងបន្ទប់ ICU និង 5 នាក់ស្លាប់ ដែលរួមបញ្ចូលការស្លាប់ពីមុន៤នាក់។
រដ្ឋថាសម៉ាញៀ៖ ករណីឆ្លងថ្មី 2,408 ករណី, 39 នាក់នៅក្នុងមន្ទីរពេទ្យ, 1 នៅក្នុងបន្ទប់ ICU និង 1 នាក់ស្លាប់។
ដែនដីភាគខាងជើង៖ ករណីឆ្លងថ្មី 513ករណី, 20 នាក់នៅក្នុងមន្ទីរពេទ្យ, 0 នៅក្នុងបន្ទប់ ICU និង0 នាក់ស្លាប់។
ស្វែងរកគ្លីនីកធ្វើតេស្តកូវីដ-១៩
ចុះបញ្ជីលទ្ធផលតេស្តរហ័ស (RAT) របស់អ្នកនៅទីនេះប្រសិនបើអ្នកទទួលបានលទ្ធផលវិជ្ជមាន
មុនពេលអ្នកធ្វើដំណើរចេញទៅក្រៅប្រទេស
