ស្វែងយល់អំពីប្រភេទទិដ្ឋាការបណ្តោះអាសន្ន “Bridging Visa” នៅក្នុងប្រទេសអូស្រ្តាលី

នៅពេលដែលនរណាម្នាក់ដាក់ពាក្យសុំទិដ្ឋាការនៅក្នុងប្រទេសអូស្ត្រាលី ពួកគេត្រូវបានផ្តល់ជូននូវទិដ្ឋាការបណ្តោះអាសន្នមួយហៅថា Bridging Visa ដើម្បីឱ្យពួកគេអាចស្នាក់នៅក្នុងប្រទេសនេះបានដោយស្របច្បាប់ រហូតដល់មានការសម្រេចចិត្តលើការស្នើសុំទិដ្ឋាការរបស់ពួកគេ។ មានទិដ្ឋាការបណ្តោះអាសន្នឬ Bridging Visa ជាច្រើនដែលភ្ជាប់មកជាមួយនូវលក្ខខណ្ឌផ្សេងៗគ្នា អាស្រ័យលើកាលៈទេសៈរបស់អ្នកដាក់ពាក្យសុំ។ របាយការណ៍នៃមគ្គុទេសក៍តាំងទីលំនៅនេះ ពន្យល់អំពី Bridging Visa ដែលទូទៅបំផុត ព្រមទាំងសិទ្ធិនិងលក្ខខណ្ឌមួយចំនួនដែលភ្ជាប់មកជាមួយ។