តើអ្វីគឺជាជំងឺធ្លាក់ទឹកចិត្តពេល​មានផ្ទៃពោះ និងក្រោយពេលសម្រាលបុត្រ? តើយើងស្វែងរកជំនួយបានតាមរបៀបណា?

ប្រសិនបើអ្នកជាមាតាឬបិតាថ្មីថ្មោង អ្នកប្រហែលជាធ្លាប់បានឮពីការផ្លាស់ប្តូរអ័រមន ដែលហៅថា 'baby blues' - គឺជាអារម្មណ៍ដ៏លំបាកដែលជួបប្រទះដោយម្តាយថ្មោងថ្មី 4 នាក់ ក្នុងចំណោម 5 នាក់បន្ទាប់ពីសម្រាលកូនរួច។ ទោះជាយ៉ាងណាក៏ដោយ ការធ្លាក់ទឹកចិត្តក្រោយពេលសម្រាលគឺខុសគ្នា។ វាអាចប៉ះពាល់ដល់ទាំងលោកឪពុក ឬអ្នកម្តាយ និងមានរោគសញ្ញាធ្ងន់ធ្ងរខុសប្លែកគ្នា ហើយ រយៈពេលក៏ខុសគ្នាដែរ។ នៅក្នុងរបាយការណ៍ពន្យល់ពីអូស្រ្តាលី ឬAustralia Explained វគ្គនេះ យើងសិក្សា ពីសេវាកម្មនានាដែលមាននៅក្នុងប្រទេសអូស្ត្រាលី ដើម្បីជួយគាំទ្រ និងព្យាបាលដល់អ្នកដែលមានជំងឺធ្លាក់ទឹកចិត្តក្រោយពេលសម្រាលបុត្រ។