សម្រាប់អ្នកដែលមានសិទ្ធិបោះឆ្នោត ក្រោយពីទទួលបានសំបុត្រឆ្នោតរួចហើយ លោកអ្នកត្រូវ បំពេញលេខរៀង នៅខាងក្នុងប្រអប់ដែលនៅពីមុខឈ្មោះបេក្ខជនទាំងអស់គ្រប់គ្នា តាមលំដាប់លំដោយដែលលោកអ្នកពេញចិត្ត ដោយការបង់លេខ ១ លេខ ២… រហូតដល់គ្រប់ចំនួនបេក្ខជនដែលឈរឈ្មោះក្នុងមណ្ឌលរបស់លោកអ្នក។
បន្ទាប់មក ដាក់សន្លឹកឆ្នោតនោះ ចូលទៅក្នុងស្រោមសំបុត្រ ដែលលោកអ្នកទទួលបានមកជាមួយសន្លឹកឆ្នោតនោះ រួចហើយបិទឱ្យជិត ។
ចុះហត្ថលេខា លើសេចក្តីប្រកាសដែលនៅពីខាងក្រោយស្រោមសំបុត្រនោះ ដែលគេនឹងហែកវាចេញនៅមុនពេលរាប់សន្លឹកឆ្នោត ដើម្បីរក្សាការសម្ងាត់របស់លោកអ្នក។ (សម្រាប់អ្នកដែលមិនអាចចុះហត្ថលេខាបាន ដោយសារតែ ពិកាភ្នែក ងងឹតមើលមិនច្បាស់ ឬមិនចេះភាសាអង់គ្លេស អាចពឹងឱ្យនរណាម្នាក់ចុះហត្ថលេខាជំនួសបាន ដោយបុគ្គលនោះត្រូវចុះហត្ថលេខា និងសរសេរឈ្មោះរបស់គាត់នៅពីក្រោយស្រោមសំបុត្រនេះ។)
ដាក់សន្លឹកឆ្នោតនេះចូលទៅក្នុងស្រោមសំបុត្រដែលមានបិតតែមរួចជាស្រេច ដែលលោកអ្នកទទួលបានមកជាមួយសន្លឹកឆ្នោតនោះ រួចហើយបិទឱ្យជិត និង ផ្ញើត្រឡប់ទៅវិញតាមរយៈប៉ុស្តិ៍ប្រៃសណីយ៍ឱ្យបានមុនម៉ោង៦ល្ងាច ថ្ងៃទី២៥ ខែតុលា ឆ្នាំ២០២៤។
ជាបន្តសូមជួបជាមួយអ្នកស្រីឡៅ ដាណេ អំពីតួនាទីសំខាន់ៗរបស់ គណៈកម្មការរៀបការបោះឆ្នោតរដ្ឋវិចថូរៀ និងថាតើមានបេក្ខជនខ្មែរយើងណាខ្លះឈរឈ្មោះនៅក្នុងការបោះឆ្នោតក្រុមប្រឹក្សាក្រុមសង្កាត់នៅក្នុង City of Greater Dandenong ជាក្រុងដែលមានប្រជាជនខ្មែរយើងរស់នៅច្រើនជាងគេ។
