ស្ថានទូតខ្មែរប្រចាំនៅអូស្រ្តាលីចេញសេចក្តីជូនដំណឹង ព្រមានកុំឲ្យចាញ់បោកការផ្សព្វផ្សាយបំផ្លើសរឿងនាំកសិករខ្មែរមកធ្វើការនៅប្រទេសអូស្រ្តាលី

ស្ថានឯកអគ្គរាជទូតកម្ពុជាប្រចាំអូស្រ្តាលី កាលពីថ្ងៃទី១ ខែកញ្ញា ឆ្នាំ២០២១នេះ បានចេញនូវសេចក្តីជូនដំណឹងមួយ ស្តីអំពីគម្រោងទិដ្ឋាការកសិកម្ម (Australian Agriculture Visa) របស់ប្រទេសអូស្រ្តាលី ជាមួយនឹងការព្រមានឲ្យប្រយ័ត្នចំពោះ ក្រុមហ៊ុនឯកជន និងបុគ្គលមួយចំនួនដែលបានដើរបំផុសបំផុលផ្តល់ពត៌មានពុំច្បាស់លាស់ ឬបំភ្លៃការពិតក្នុងចេតនាបោកប្រាស់ជ្រើសរើសពលករខ្មែរមកធ្វើការនៅប្រទេសអូស្រ្តាលីក្រោមគម្រោងទិដ្ឋាការនេះ។