មូលនិធិកសាងហេដ្ឋារចនាសម្ព័ន្ធតាមព្រំដែនកម្ពុជា ទទួលបានថវិកាសរុបជិត ២៧លានដុល្លារអាមេរិក

នៅយប់ថ្ងៃទី៣១ ខែតុលា ឆ្នាំ២០២៤ លោកនាយករដ្ឋមន្ត្រី ហ៊ុន ម៉ាណែត បានប្រកាសតាមបណ្តាញសង្គមផ្លូវការរបស់លោកថា កាលពីថ្ងៃទី២២ សីហា ២០២៤ កន្លងទៅ លោកបានប្រកាសបង្កើត “មូលនិធិកសាងហេដ្ឋារចនាសម្ព័ន្ធតាមព្រំដែន ដោយផ្តោតលើការកសាងផ្លូវក្រវាត់ព្រំដែន" ហើយចាប់ពីថ្ងៃទី២៦ សីហា ឆ្នាំ២០២៤ មក ក្រុមការងារមូលនិធិ បានចាប់ផ្តើមទទួលការបរិច្ចាគថវិកា ដោយស្ម័គ្រចិត្តពីជនរួមជាតិខ្មែរ គ្រប់ទិសទី ទាំងក្នុង និងក្រៅប្រទេស ។