មិនចាំបាច់តែមានការធ្វើតេស្តភាសាអង់គ្លេសកម្រិតថ្នាក់ចូលរៀនមហាវិទ្យាល័យនោះទេ សូម្បីតែការធ្វើតេស្តចូលសញ្ជាតិអូស្រ្តាលីនាពេលបច្ចុប្បន្ននេះ សម្រាប់សហគមន៍ខ្មែរយើងមួយចំនួនដែលមិនសូវចេះភាសាអង់គ្លេសនោះ ក៏ប្រឈមមុខនឹងការលំបាកណាស់ទៅហើយ។
អ្នកស្រី ម៉ៅ សុភាព អ្នកម៉ែលប៊ិនម្នាក់ ដែលរស់នៅក្នុងប្រទេសអូស្រ្តាលីអស់រយៈពេលជាង១០ឆ្នាំទៅហើយនោះ បានឲ្យដឹងថា ដោយសារតែអ្នកស្រីមិនសូវចេះភាសាអង់គ្លេស អ្នកស្រីបានប្រឡងធ្លាក់តេស្តចូលសញ្ជាតិនេះ ៣លើករួចមកហើយ។
ហើយនេះជាការរៀបរាប់បទពិសោធន៍ក្នុងពេលប្រឡងរបស់អ្នកស្រី។
(សំឡេង)
ជាបន្តទៅនេះ សូមជួបជាមួយនឹង លោក តោ គឹមហេង បុគ្គលិកទទួលបន្ទុកបង្រៀនថ្នាក់ធ្វើតេស្តប្រឡងចូលសញ្ជាតិនៅសមាគមខ្មែរនៅរដ្ឋវិចថូរៀវិញម្តង ថាតើលោកអាចជួយអ្នកដែលមិនចេះភាសាអង់គ្លេសដូចអ្នកស្រីសុភាពបានដោយរបៀបណា។
