សហគមន៍ខ្មែរប្រមូលផ្តុំនៅមុខសភាសហព័ន្ធអូស្រ្តាលី ក្នុងឱកាសខួបទី២៨ឆ្នាំនៃសន្ធិសញ្ញាក្រុងប៉ារីស

នាព្រឹកថ្ងៃទី២៣តុលានេះ ក្នុងឱកាសខួបទី២៨ឆ្នាំនៃកិច្ចព្រមព្រៀងទីក្រុងប៉ារីស សហគមន៍ខ្មែរយើងជាច្រើនរយនាក់មកពីបណ្តារដ្ឋនានា ដូចជា ម៉ែលប៊ិន ស៊ីដនី និងអាឌឺឡែត បានជួបប្រមូលផ្តុំគ្នានៅមុខរដ្ឋសភាសហព័ន្ធក្នុងទីក្រុងខេនបេរ៉ា។ សកម្មភាពនេះ ដឹកនាំដោយ សមាគមន៍ខ្មែរ តំណាងគណបក្សសង្រ្គោះជាតិ និងអង្គការ២៣តុលាអូស្រ្តាលី ដើម្បីទាមទារការគាំទ្រពីសំណាក់រដ្ឋាភិបាលអូស្រ្តាលី និងសហគមន៍អន្តរជាតិ ដាក់សម្ពាធមកលើរដ្ឋាភិបាលខ្មែរ ឲ្យគោរពតាមកិច្ចព្រមព្រៀងទីក្រុងប៉ារិសឆ្នាំ ១៩៩១ ។