ການຂາດເຂີນ ຫມໍໂຣກໄຂຂໍ້ (Arthritis) ໃນອອສເຕຣເລັຍ.
ມີການຂາດເຂີນ ຫມໍໂຣກໄຂຂໍ້ (Arthritis) ໃນອອສເຕຣເລັຍ ແລະຄົນເຈັບກໍເວົ້າວ່າ ເຂົາເຈົ້າຫວັງໃຫ້ເຂົາເຈົ້າໄດ້ຮັບການສນັບສນູນທີ່ມີພ້ອມທີ່ສຸດ ກ່ຽວກັບວິທີການ ຈັດການກັບອາການ ເພື່ອປັບປຸງຄຸນນະພາບຂອງຊີວິດ ຂອງເຂົາເຈົ້າ.
ຊັບພະຍາກອນໃຫມ່ ແມ່ນຫວັງທີ່ຈະໃຫ້ວິທີ ແກ່ຄົນເຈັບ ແລະຜູ້ໃຫ້ການດູແລ ກ່ຽວກັບວິທີການ ຈັດການກັບໂຣກນີ້ ໃຫ້ດີຂຶ້ນ.
Omoh Bello ລາຍງານ
ຊາວອອສເຕຣເລັຍ ຫຼາຍພັນຄົນ ທີ່ເປັນໂຣກໄຂຂໍ້ (Arthritis) ໄດ້ຖືກຈັດ ໃຫ້ໄດ້ຮັບແຫລ່ງຊ່ວຍເຫຼືອ ທີ່ສາມາດຊ່ວຍໃຫ້ເຂົາເຈົ້າ ໄດ້ເຂົ້າເຖິງ ແລະການສນັບສນູນທີ່ດີກວ່າ ໃນຂນະທີ່ ເຂົາເຈົ້າໃຊ້ລະບົບສຸຂະພາບ.
(Arthritis) ເຊິ່ງເປັນໂຣກ ທີ່ສົ່ງຜົນກະທົບຕໍ່ຂໍ້ຕໍ່ບ່ອນຫນຶ່ງ ຫຼືຫຼາຍກວ່າ ຊຶ່ງເຮັດໃຫ້ເກີດຄວາມເຈັບປວດ ແລະບໍ່ສາມາດ ເໜັງຕີງໄດ້ ເຊິ່ງອາດຈະຮ້າຍແຮງຂຶ້ນເມື່ອອາຍຸຫຼາຍຂຶ້ນ-ມີຜົນກະທົບຕໍ່ຜູ້ໃຫຍ່ ເກືອບເຄິ່ງລ້ານຄົນ ແລະເດັກນ້ອຍ 30,000 ຄົນ.
ໂຣກໄຂຂໍ້ອັກເສບ (Arthritis) ມີຫຼາຍປະເພດ.
ຕົວຢ່າງ ໂຣກໄຂຂໍ້ອັກເສບ Rheumatoid (Rheumatoid Arthritis) ເປັນໂຣກໄຂຂໍ້ອັກເສບ ຊະນິດຫນຶ່ງ ຊຶ່ງລະບົບພູມຄຸ້ມກັນໂຈມຕີຂໍ້ຕໍ່.
Cheryl Dines ກ່າວວ່າ ໂຣກໄຂຂໍ້ອັກເສບ Rheumatoid ໄດ້ສົ່ງຜົນກະທົບຢ່າງໃຫຍ່ຫຼວງ ຕໍ່ຊີວິດຂອງນາງ.
"ຂ້ອຍອາຍຸປະມານ 36 ປີ. ຂ້ອຍມີອາການມານານແລ້ວ ຕັ້ງແຕ່ສມັຍໄວລຸ້ນຂອງຂ້ອຍ ແລະມັນບໍ່ໄດ້ຖືກລະບຸວ່າເປັນໂຣກຫຍັງ. ສະນັ້ນ, ເມື່ອມັນຖືກກວດພົບ, ມັນກໍຮ້າຍແຮງຫລາຍ ເພາະມັນບໍ່ໄດ້ຖືກຈັດການຫຼືປິ່ນປົວ ເປັນເວລາດົນແລ້ວ. ສະນັ້ນ, ຫລັງຈາກຂ້ອຍຖືກກວດພົບ,ຂ້ອຍກໍຍັງເຮັດວຽກຕໍ່ໄປ ເປັນເວລາສອງສາມປີ ຈົນເຖິງຈຸດທີ່ຂ້ອຍບໍ່ສາມາດເຮັດວຽກໄດ້ອີກຕໍ່ໄປ. ດັ່ງນັ້ນ, ໂຣກໄຂຂໍ້ອັກເສບ Rheumatoid ຈຶ່ງມີຜົນກະທົບຫຼາຍຕໍ່ຊີວິດຂອງຂ້ອຍ."
ຜູ້ໃຫຍ່ຫຼາຍຄົນ ທີ່ເປັນໂຣກໄຂຂໍ້ອັກເສບ ມີຂໍ້ຈໍາກັດຫຼາຍ ໃນຄວາມສາມາດ ໃນການເຮັດວຽກ ແລະເບິ່ງແຍງຄົນອື່ນ.
ຫຼາຍຄົນທີ່ເປັນໂຣກໄຂຂໍ້ອັກເສບ ຍັງປະສົບກັບອາການຕ່າງໆ ລວມທັງຄວາມເຈັບປວດຫຼັງ, ບັນຫາສຸຂະພາບຈິດ ແລະບັນຫາການປະພຶດ.
ແລະໃນເດັກນ້ອຍ, ໂຣກໄຂຂໍ້ອັກເສບ ທີ່ບໍ່ຊາບສາເຫດ (Juvenile Idiopathic Arthritis) ສາມາດເຮັດໃຫ້ເກີດຄວາມຜິດປົກກະຕິ ຂອງຂໍ້ຕໍ່ ແລະສູນເສັຍການເບິ່ງເຫັນຂອງສາຍຕາ ຖ້າຫາກບໍ່ໄດ້ຮັບວິນິດສັຍແລະປິ່ນປົວໂດຍໄວ.
ດຣ. Claire Barrett ປະທານຂອງ Australian Rheumatology Association ກ່າວວ່າ ມັນສາມາດສົ່ງຜົນກະທົບ ຕໍ່ເດັກນ້ອຍທຸກວັຍແລະການວິນິດສັຍ ອາດເປັນເລື່ອງຍາກ.
"ໂຣກໄຂຂໍ້ອັກເສບໃນວັຍເດັກ ແມ່ນໂຣກທີ່ແຕກຕ່າງຈາກ ໂຣກໄຂຂໍ້ອັກເສບ Rheumatoid. ໂຣກໄຂຂໍ້ອັກເສບໃນວັຍເດັກມີຫຼາຍປະເພດ,ແຕ່ໂຣກໄຂຂໍ້ອັກເສບທີ່ບໍ່ຊາບສາເຫດ (Juvenile Idiopathic Arthritis) ຊຶ່ງແມ່ນສິ່ງທີ່ຄູ່ມືການດູແລຂອງຜູ້ບໍຣິໂພກສໍາລັບພໍ່ແມ່.ມັນເປັນເລື່ອງທີ່ທ້າທາຍຫຼາຍ ເພາະວ່າເດັກນ້ອຍອາຍຸຕ່ຳກວ່າຫນຶ່ງປີ ກໍສາມາດເປັນໂຣກນີ້ໄດ້. ດັ່ງນັ້ນ, ພວກເຂົາ ບໍ່ສາມາດບອກທ່ານໄດ້ວ່າ ຫົວເຂົ່າຂອງພວກເຂົາເຈັບ ຫຼືບວມ. ແຕ່ສະນັ້ນ ຖ້າພໍ່ແມ່ສັງເກດເຫັນວ່າ ລູກຂອງເຂົາເຈົ້າຍ່າງຜິດປົກກະຕິ ຫລືມີຂໍ້ຕໍ່ບວມ ເຂົາເຈົ້າບໍ່ຄວນເມີນເສີຍ ແລະກ່ອນອື່ນໝົດ ຄວນຕິດຕໍ່ ກັບນາຍໝໍປະຈຳຕົວຂອງເຂົາເຈົ້າ."
ລູກສາວອາຍຸ 12 ປີຂອງນາງ Lynette Ahumnada ຖືກກວດພົບຕອນມີອາຍຸໄດ້ຫນຶ່ງປີ.
ນາງ Ahumnada ຫວັງວ່າ ລາວມີຂໍ້ມູນເພີ່ມເຕີມ ເມື່ອລາວໄດ້ຮູ້ກ່ຽວກັບການວິນິດສັຍ ຂອງລູກສາວ.
"ຂ້ອຍຍັງບໍ່ຮູ້ຊ້ຳວ່າ ໂຣກໄຂຂໍ້ອັກເສບທີ່ບໍ່ຮູ້ສາເຫດໃນວັຍເດັກ (Juvenile Idiopathic Arthritis) ມີຢູ່. ແຕ່ຫນ້າເສັຍດາຍ, ຂ້ອຍໄດ້ໃຊ້ google ຊຶ່ງບໍ່ແມ່ນສິ່ງທີ່ດີທີ່ຈະເຮັດ. ແລະຂ້ອຍຮູ້ສຶກໂດດດ່ຽວຫຼາຍ ເພາະຂ້ອຍບໍ່ຮູ້ຈັກຄົນອື່ນ ທີ່ມີລູກທີ່ເປັນ ໂຣກນີ້. ພວກເຮົາ ຍັງໄດ້ໃຊ້ຢາຫລາຍຢ່າງ ໃນຂນະທີ່ນາງໄດ້ໃຊ້ຢາບາງຢ່າງ ທີ່ຮ່າງກາຍຂອງນາງ ຈະມີປະຕິກິຣິຍາຕ່າງໆ ຕໍ່ຢາທີ່ແຕກຕ່າງກັນ. ດ້ວຍເຫດນັ້ນ, ຈຶ່ງໄດ້ຮັບຄວາມເຈັບປວດຫລາຍ. ຄອບຄົວ ໄດ້ເຮັດຫຼາຍວິທີ ເພື່ອໃຫ້ລາວກັບມາເປັນປົກກະຕິ."
Ms Ahumnada ກ່າວວ່າ ການວິນິດສັຍ ຂອງລູກສາວຂອງລາວ ກໍໄດ້ສົ່ງຜົນກະທົບ ຕໍ່ຄວາມສຳພັນ ພາຍໃນຂອງຄອບຄົວຂອງລາວ ເຊັ່ນກັນ.
"ມັນເປັນໂຣກຄອບຄົວ. ຂ້ອຍເອີ້ນມັນວ່າເປັນໂຣກຄອບຄົວ ເພາະຂ້ອຍຍັງມີລູກສາວກົກ, ນາງເຫັນວ່າຂ້ອຍໃຫ້ຄວາມສົນໃຈຫຼາຍ ຕໍ່ນ້ອງສາວຂອງນາງ, ແລະນັ້ນຄືສິ່ງທີ່ຕ້ອງເກີດຂຶ້ນ ເພາະມີຫຼາຍສິ່ງ ທີ່ກໍາລັງເກີດຂຶ້ນ. ແລະສີ່, ຫ້າ ປີກ່ອນ, ຜູ້ກົກຂອງຂ້ອຍ ໄດ້ເບິ່ງໜ້າຂ້ອຍ ແລະເວົ້າວ່າ: ເຈົ້າຮັກນ້ອງຂອງຂ້ອຍ ຫລາຍກວ່າຂ້ອຍບໍ່? ຊຶ່ງເປັນເລື້ອງຍາກແທ້ໆ. ແຕ່ເມື່ອເວລາຜ່ານໄປ, ມັນເປັນສິ່ງຫນຶ່ງທີ່ ທ່ານຮຽນຮູ້ ທີ່ ຈະຮັບມືກັບມັນ. ແລະເມື່ອນາງເຕີບໂຕຂຶ້ນຄືກັນ, ນາງກໍໄດ້ເລີ່ມເຂົ້າໃຈໃນສິ່ງທີ່ເກີດຂຶ້ນ ແລະຄວາມສົນໃຈທີ່ Alianna ນ້ອງສາວຂອງລາວຕ້ອງການ."
ສະມາຄົມ ໂຣກໂຣກໄຂຂໍ້ອັກເສບອອສເຕຣເລັຍ (The Australian Rheumatology Association-ARA) ກ່າວວ່າ ອອສເຕຣເລັຍ ມີຜູ້ຊ່ຽວຊານ ດ້ານໂຣກໄຂຂໍ້ອັກເສບໜ້ອຍລົງ ເຊິ່ງພາໃຫ້ມີການລໍຖ້າດົນໃນການວິນິດສັຍ.
ຂໍ້ມູນຫຼ້າສຸດ ຈາກສະມາຄົມ ສະແດງໃຫ້ເຫັນວ່າ ມີນາຍໝໍໂຣກໄຂຂໍ້ອັກເສບຂອງຜູ້ໃຫຍ່ 380 ຄົນ ແລະນາຍໝໍໂຣກໄຂຂໍ້ອັກເສບໃນເດັກ 20 ຄົນ ໃນອອສເຕຣເລັຍ.
ເຖິງຢ່າງໃດກໍຕາມ, ປະເທດນີ້ ຕ້ອງການນາຍໝໍໂຣກໄຂຂໍ້ອັກເສບຜູ້ໃຫຍ່ ຢ່າງຫນ້ອຍ 682 ຄົນ ແລະນາຍໝໍໂຣກໄຂຂໍ້ອັກເສບໄວເດັກ 61ຄົນ ເພື່ອຕອບສນອງຄວາມຕ້ອງການ.
ລາຍງານຫຼ້າສຸດ ຂອງ ARA ກ່ຽວກັບນາຍໝໍໂຣກໄຂຂໍ້ອັກເສບ ຍັງສະແດງໃຫ້ເຫັນວ່າ 38 ເປີເຊັນ ຂອງນາຍໝໍ ທີ່ຖືກສໍາຫຼວດໄດ້ວາງແຜນທີ່ຈະຫຼຸດຊົ່ວໂມງເຮັດວຽກຂອງເຂົາເຈົ້າ ພາຍໃນ 12 ເດືອນ.
ໃນການຕອບສນອງ, Arthritis Australia ແລະ ARA ໄດ້ເປີດຕົວຄໍາແນະນໍາທາງຄລີນິກໃຫມ່ ແລະຄູ່ມືການດູແລຄົນເຈັບ ເພື່ອຊ່ວຍຄົນທີ່ເປັນໂຣກໄຂຂໍ້ອັກເສບ ແລະໂຣກໄຂຂໍ້ອັກເສບທີ່ບໍ່ຊາບສາເຫດໃນວັຍເດັກ ອະທິບາຍສິ່ງທີ່ພວກເຂົາສາມາດຄາດຫວັງໄດ້ ຈາກການດູແລ.
Dr Barrett ກ່າວວ່າ ມາດຕະຖານການດູແລ ຈະໃຫ້ຂໍ້ມູນຢ່າງຫຼວງຫຼາຍ ເພື່ອເພີ່ມຂີດຄວາມສາມາດ ແກ່ຄົນເຈັບ, ຄອບຄົວ ແລະນາຍໝໍໃນການຈັດການກັບໂຣກນີ້.
"ມາດຕະຖານການດູແລ ໄດ້ກໍານົດຄວາມຄາດຫວັງ ຂອງສິ່ງທີ່ຄວນໄດ້ຮັບ. ດັ່ງນັ້ນ, ທ່ານຄວນຈະໄດ້ຮັບວິທີການ ແບບຄົບຮອບດ້ານດ້ວຍແບບຫຼາຍວິທີການ (Multidisciplinary). ດັ່ງນັ້ນ, ຖ້າເຮົາສາມາດແນ່ໃຈໄດ້ວ່າ ຄົນເຈັບທຸກຄົນ ທີ່ເປັນໂຣກໄຂຂໍ້ອັກເສບ Rheumatoid ໄດ້ຮຽນຮູ້ຫຼາຍວິທີການ (Multidisciplinary) ນັ້ນ, ແລ້ວຄຸນນະພາບຊີວິດຂອງພວກເຂົາ ກໍຈະດີຂຶ້ນ. ຖ້າຫາກວ່າ ພວກເຂົາສາມາດ ມີການເຂົ້າເຖິງການສນັບສນູນທາງຈິດໃຈ ແລະການປະເມີນ ສຸຂະພາບທາງຈິດໃຈ ຂອງພວກເຂົາ. ຖ້າຫາກວ່າ ພວກເຂົາໄດ້ສັກວັກຊີນ, ທົບທວນສຸຂະພາບກະດູກຂອງເຂົາເຈົ້າ, ສຸຂະພາບຫົວໃຈຂອງພວກເຂົາ. ດັ່ງນັ້ນ,ສິ່ງເຫຼົ່ານີ້ ລ້ວນເປັນເລື້ອງທີ່ສໍາຄັນ ຂອງມາດຕະຖານການດູແລ."
ທ່ານ Jonathan Mithers ຫົວຫນ້າບໍຣິຫານຂອງ Arthritis Australia ກ່າວວ່າ ການໃຊ້ຄູ່ມືການດູແລ ສາມາດປັບປຸງຄຸນນະພາບຊີວິດ ຂອງຄົນເຈັບໄດ້ ແລະຫວັງວ່າ ຈະຫລຸດຊ່ອງວ່າງ ທີ່ສໍາຄັນ ໃນການດູແລໂຣກໄຂຂໍ້ອັກເສບ.
"ການໃຊ້ຊີວິດຂອງທຸກຄົນກັບໂຣກໄຂຂໍ້ອັກເສບນັ້ນ ແຕກຕ່າງກັນ.ແລະຖ້າຄົນເຮົາ ມີຂໍ້ມູນທີ່ດີຂຶ້ນ ກ່ຽວກັບວິທີ ທີ່ເຂົາເຈົ້າສາມາດດູແລຕົນເອງ ແລະນຳໃຊ້ລະບົບໄດ້, ທຸກຢ່າງທີ່ເຂົາເຈົ້າຕ້ອງການ ແລະສິ່ງທີ່ເຂົາເຈົ້າສາມາດໄດ້ຮັບນັ້ນ ຈະຊ່ວຍໃຫ້ເຂົາເຈົ້າ ມີຜົນຮັບດີຂຶ້ນ ສໍາລັບໂຣກຂອງເຂົາເຈົ້າ ແລະສິ່ງເຫລົ່ານີ້ ແມ່ນໂຣກຊໍາເຮື້ອ ຕລອດຊີວິດທີ່ຜູ້ຄົນ. ມັນບໍ່ແມ່ນສິ່ງທີ່ເກີດຂຶ້ນໃນໄລຍະສັ້ນ. ມັນເປັນໂຣກຊໍາເຮື້ອ. ສະນັ້ນ, ພວກເຂົາເຈົ້າ ຕ້ອງການຄວາມຊ່ວຍເຫຼືອແທ້ໆ ແລະ Arthritis Australia ເປັນອົງກອນ ທີ່ເນັ້ນເຖິງຜູ້ບໍຣິໂພກ ແມ່ນຢູ່ທີ່ນີ້ ເພື່ອຊ່ວຍໃຫ້ເຂົາເຈົ້າເຮັດເຊັ່ນນັ້ນ."
Ms Ahumnada ກ່າວວ່າ ການມີຄູ່ມື ໃນເວລາທີ່ລູກສາວຂອງນາງຖືກກວດພົບ ໜ້າຈະເປັນຕົວປ່ຽນເກມ ໃຫ້ແກ່ຄອບຄົວຂອງນາງ.
ນາງເວົ້າວ່າ ມັນເປັນເຄື່ອງມື ແລະຄູ່ມືທີ່ຍິ່ງໃຫຍ່ ໂດຍສະເພາະສໍາລັບພໍ່ແມ່ ທີ່ມີລູກນ້ອຍ.
"ຖ້າຂ້ອຍມີຄູ່ມືນີ້ ຕອນທີ່ລາວຖືກວິນິດໄສຄັ້ງທໍາອິດ, ມັນຈະຊ່ວຍຂ້ອຍໄດ້ຫຼາຍ ເພາະດັ່ງທີ່ຂ້ອຍໄດ້ເວົ້າໃນຕອນຕົ້ນ, ຂ້ອຍຄົ້ນຫາທຸກຢ່າງ ໃນ Google. ຂ້ອຍໃຊ້ເວລາໃນອິນເຕີເນັດ. ຂ້ອຍບໍ່ຮູ້ຫຍັງ ກ່ຽວກັບໂຣກໄຂຂໍ້ອັກເສບໃນເດັກ. ຂ້ອຍບໍ່ຮູ້ວ່າ ລູກຂອງໃຜເປັນໂຣກໄຂຂໍ້ອັກເສບໃນເດັກນີ້. ດັ່ງນັ້ນ, ຖ້າຂ້ອຍມີຄູ່ມືນີ້, ຂ້ອຍຈະມີຂໍ້ມູນຫຼາຍ ແລະຢູ່ດ້ານຫຼັງຂອງຄູ່ມືກໍ ມີເວັບໄຊທ໌ຕ່າງໆ ຫຼືກຸ່ມທີ່ພວກເຂົາສາມາດມີສ່ວນຮ່ວມ ໃນຣັດຕ່າງໆ ບ່ອນທີ່ພວກເຂົາ ສາມາດລົມກັນໄດ້ ກັບຄອບຄົວທີ່ມີຄວາມຄຶດຄືກັນ ແລະມີປະສົບການຄືກັນ. ນັ້ນຄົງຈະດີຫຼາຍ ທີ່ສາມາດມີໃນຕອນນັ້ນ."
ແຕ່ Professor Hills ກ່າວວ່າ ພາກສ່ວນສຸຂະພາບ ຄວນຮັບຜິດຊອບແລະຂັ້ນຕອນຕ່າງໆ ເພື່ອເພີ່ມຈໍານວນ ນາຍໝໍໂຣກໄຂຂໍ້ອັກເສບ ເພື່ອຊ່ວຍໃນດ້ານຄຸນນະພາບຊີວິດ ຂອງຄົນໄຂ້ໂດຍທົ່ວໄປ.
"ພວກເຮົາ ຍັງຕ້ອງການ ເຮັດໃຫ້ການບໍຣິການ ດ້ານສຸຂະພາບ ມີຄວາມຮັບຜິດຊອບ ໃນການໃຫ້ການດູແລທີ່ດີທີ່ສຸດ. ໃນເວລານີ້, ມີການລໍຖ້າເປັນເວລານານ ທີ່ຈະເປັນນາຍໝໍໂຣກໄຂຂໍ້ອັກເສບ ແລະນັ້ນແມ່ນຍ້ອນວ່າ ພວກເຮົາມີການຂາດແຄນ ນາຍໝໍໂຣກໄຂຂໍ້ອັກເສບ. ແລະຖ້າຫາກມີຫມໍຝຶກອົບຮົມຫລາຍຂຶ້ນ, ພວກເຮົາກໍຈະມີນາຍໝໍໂຣກໄຂຂໍ້ອັກເສບຫລາຍຂຶ້ນ ແລະມັນຈະປັບປຸງການດູແລ ໂດຍສະເພາະ ຂອງຜູ້ທີ່ເປັນໂຣກໄຂຂໍ້ອັກເສບ ທີ່ຫາກໍຖືກກວດພົບໃຫມ່."
ເນື້ອເລື່ອງໂດຍ Omoh Bello ຂ່າວ SBS News,
ຈັດທຳໂດຍ ສັກ ພູມີຣັຕນ໌ ວິທຍຸ SBS ພາກ ພາສາລາວ.
ທ່ານສາມາດຕິດຕາມຂ່າວສານຫຼ້າສຸດ ຈາກ ອອສເຕຣເລັຍ ແລະທົ່ວໂລກ ເປັນພາສາລາວຈາກ ເອສບີເອສ ລາວ ໄດ້ທີ່ເວັບໄຊ້ຕ໌
