ບັນຫາທາງກົດໝາຍຂອງ Trump ກ່ອນການເລືອກຕັ້ງ.
ການນັບຖອຍຫຼັງ ສູ່ການເລືອກຕັ້ງປະທານາທິບໍດີ ສະຫະຣັດ ໃນວັນທີ 5 ພະຈິກປີນີ້ (2024) ໄດ້ເລີ້ມຂຶ້ນແລ້ວ ໂດຍການຣົນນະຣົງຫາສຽງ ທາງການເມືອງ ໄດ້ເພີ່ມຄວາມເຂັ້ມຂຸ້ນຂຶ້ນ.
ນັກວິເຄາະການເລືອກຕັ້ງ ບາງຄົນກ່າວວ່າ ການແຂ່ງຂັນ ລະຫວ່າງທ່ານ Joe Biden ກັບທ່ານ Donald Trump ຄັ້ງໃຫມ່ ອາດຈະເປັນໄປໄດ້, ແຕ່ກໍມີອຸປະສັກທີ່ Trump ຈະຕ້ອງຜ່ານກ່ອນ.
Biwa Kwan ລາຍງານ
ເຖິງແມ່ນວ່າ ການເລືອກຕັ້ງປະທານາທິບໍດີ ສະຫະຣັດ ຈະບໍ່ທັນຮອດຈົນກວ່າເດືອນພະຈິກ, ແຕ່ຂັ້ນຕອນ ທີ່ຈະເລືອກເອົາຜູ້ສມັກ ເປັນສະມາຊິກພັກຣີພັບບລິກັນ (Republican) ແລະພັກເດໂມແຄຣັດ(Democrats) ຈະເລີ່ມຕົ້ນ ຢ່າງເປັນທາງການໃນເດືອນນີ້.
ມັນຍັງອາດຈະໄວເກີນໄປ, ແຕ່ພວກນັກວິເຄາະການເລືອກຕັ້ງ ບາງຄົນກ່າວວ່າ ໂອກາດຂອງການຊິງຕຳແໜ່ງ ປະທານາທິບໍດີ ລະຫວ່າງBiden-Trump ນັ້ນເປັນໄປໄດ້ແທ້.
ຖ້າຫາກວ່າເປັນເຊັ່ນນັ້ນ, ມັນຈະເປັນການແຂ່ງຂັນ ຂອງອະດີດປະທານາທິບໍດີ ຄັ້ງທໍາອິດ ນັບແຕ່ປີ 1950-ແລະເປັນຄັ້ງທີເຈັດ ໃນປວັດສາດ ຂອງສະຫະຣັດ.
ແຕ່ຄຸນສົມບັດ ຂອງ Donald Trump ທີ່ຈະລົງແຂ່ງຂັນ ຕຳແໜ່ງປະທານາທິບໍດີ ຍັງຄົງເປັນບັນຫາຢູ່ ໂດຍໃນເວລານີ້ ສານສູງສຸດ ໄດ້ຕົກລົງ ທີ່ຈະພິຈາຣະນາ ການອຸທອນຂອງທ່ານ ຕໍ່ຣັດ Colorado ທີ່ຈະປົດທ່ານ ອອກຈາກການເລືອກຕັ້ງ.
Trump ກ່າວວ່າ ທ່ານດີໃຈ ທີ່ສານຈະພິຈາຣະນາ ຄຳອຸທອນຂອງທ່ານ.
"ຜູ້ພິພາກສາ ພັກຣີພັບບລິກັນ ຢາກຈະເຮັດເພື່ອຄວາມຍຸຕິທັມ ແລະເປັນກາງ ແລະເຖິງຂັ້ນ ທີ່ພວກເຂົາເຮັດໃຫ້ທ່ານເຈັບປວດ ແລະຂ້າພະເຈົ້າຄິດວ່າ ມັນເປັນລະບົບເສັ້ນສາຍ ທີ່ແຕກຕ່າງກັນ ຫຼືບາງສິ່ງບາງຢ່າງ. ແຕ່ສິ່ງທີ່ຂ້າພະເຈົ້າຕ້ອງການ ແມ່ນຄວາມຍຸດຕິທັມ.ຂ້າພະເຈົ້າ ໄດ້ຕໍ່ສູ້ຢ່າງຫນັກ ເພື່ອຈະໄດ້ສາມຄົນທີ່ດີຫລາຍ ແລະພວກເຂົາເປັນຄົນທີ່ຍິ່ງໃຫຍ່, ຄົນສລາດຫຼາຍ. ແລະຂ້າພະເຈົ້າ ພຽງແຕ່ຫວັງວ່າ ພວກເຂົາ ຈະມີຄວາມຍຸດຕິທັມ ເພາະວ່າ ອີກຝ່າຍຫນຶ່ງ ຫຼິ້ນແບບຫຍາບ."
ໃນວັນທີ 19 ທັນວາ, ສານສູງສຸດ ຣັດໂຄໂລຣາໂດ (The Colorado Supreme Court) ໄດ້ຕັດສິນວ່າ Trump ຕ້ອງຖືກປົດຈາກບັດເລືອກຕັ້ງປີ 2024 ຍ້ອນຄວາມພະຍາຍາມ ຂອງທ່ານ ທີ່ຈະລົບລ້າງ ການສູນເສັຍການເລືອກຕັ້ງ ໃນປີ 2020 ແລະການຍຸຍົງ ໃຫ້ເກີດຄວາມວຸ້ນວາຍ ໃນວັນທີ 6 ເດືອນມັງກອນທີ່ ຕຶກຣັຖສະພາ ສະຫະຣັດ.
ແຕ່ດ້ວຍການເລືອກຕັ້ງ ໃນວັນທີ 15 ມັງກອນນີ້ ຣັດໄອໂອວາ (Iowa) ຈະເປັນຣັດທໍາອິດ ທີ່ຈະເລືອກເອົາ ຜູ້ສມັກປະທານາທິບໍດີ ໃນການເລືອກຕັ້ງປີ 2024.
ຫລາຍມື້ ກ່ອນການລົງຄະແນນສຽງ, Donald Trump ໄດ້ກ່າວຕໍ່ພວກສນັບສນຸນ ຫລາຍຮ້ອຍຄົນທີ່ Sioux Centre ໃນພາກຕາເວັນຕົກສຽງເຫນືອ ຂອງຣັດ Iowa.
ລາວໄດ້ບອກກັບກຸ່ມນັ້ນ ກ່ຽວກັບສິ່ງທີ່ລາວເຊື່ອວ່າ ເປັນເດີມພັນ ໃນການໂຄສະນາຫາສຽງນັ້ນ.
"ທ່ານເອົາປະທານາທິບໍດີສິບຄົນທີ່ ຂີ້ຮ້າຍທີ່ສຸດ ໃນປວັດສາດ ຂອງປະເທດເຮົາ. ທ່ານສາມາດເອົາພວກເຂົາເຂົ້າຮວມກັນ ແລະພວກເຂົາເຈົ້າ ບໍ່ໄດ້ສ້າງຄວາມເສັຍຫາຍ ເທົ່າກັບ Joe Biden ໄດ້ເຮັດຕໍ່ປະເທດນີ້. ສິ່ງທີ່ລາວເຮັດ ກັບປະເທດນີ້ ແມ່ນບໍ່ໜ້າເຊື່ອ...ການເລືອກຕັ້ງຄັ້ງນີ້ ເປັນໂອກາດສຸດທ້າຍຂອງທ່ານ ທີ່ຈະຊ່ອຍກູ້ອາເມຣິກາ. ການຕໍ່ສູ້ ໄດ້ເລີ່ມຂຶ້ນ ໃນຣັດໄອໂອວາ ໃນວັນທີ 15 ມັງກອນ ແລະສາທາຣະນະຣັດ ຫມາກກ້ວຍ (Banana Republic) ຂອງ Joe Biden ສິ້ນສຸດລົງໃນວັນທີ 5 ພະຈິກ 2024."
ໃນຂນະດຽວກັນ Joe Biden ກໍໄດ້ກ່າວຄໍາປາໄສ ໃນການໂຄສະນາຫາສຽງ ຄັ້ງທໍາອິດຂອງທ່ານ ໃນປີ 2024 ໃກ້ໆກັບ Valley Forge ຣັດ Pennsylvania ບ່ອນທີ່ທ່ານ George Washington ແລະກອງທັບ Continental ໄດ້ໃຊ້ເວລາໃນລະດູຫນາວ ເມື່ອເກືອບ 250 ປີກ່ອນ ໃນລະຫວ່າງສົງຄາມປະຕິວັດ.
ປະທານາທິບໍດີ Biden ໄດ້ກ່າວເຖິງ ເວລາທີ່ມືດມົວ ໃນປວັດສາດ ຂອງປະເທດ ໃນຄໍາປາໄສຂອງທ່ານ ຮວມທັງສົງຄາມປະຕິວັດ ເພື່ອສລອງວັນຄົບຮອບ ສາມປີຂອງການກໍ່ການຈະຣາຈົນທີ່ ຮ້າຍແຮງ ຢູ່ທີ່ຕຶກຣັຖສະພາ ສະຫະຣັດ.
ສໍາລັບປະທານາທິບໍດີ, ການເລືອກຕັ້ງຄັ້ງນີ້ ຈະກໍານົດຊະຕາກັມ ຂອງປະຊາທິປະໄຕ ຂອງອາເມຣິກາ ຊຶ່ງທ່ານກ່າວວ່າ Donald Trump ໄດ້ເຮັດໃຫ້ຕົກຢູ່ໃນພັຍຄຸກຄາມ.
ສະນັ້ນ, ຟັງຂ້າພະເຈົ້າໃຫ້ດີ. ຂ້າພະເຈົ້າ ຈະເວົ້າ ໃນສິ່ງທີ່ທ່ານ Donald Trump ຈະບໍ່ເວົ້າ. ຄວາມຮຸນແຮງ ທາງການເມືອງ ບໍ່ເຄີຍເປັນທີ່ຍອມຮັບ ໃນລະບົບການເມືອງ ຂອງສະຫະຣັດ. ບໍ່ເຄີຍ, ບໍ່ເຄີຍ, ບໍ່ເຄີຍ. ມັນບໍ່ມີບ່ອນຢືນ ໃນລະບອບປະຊາທິປະໄຕ, ບໍ່ມີ.'Joe Biden
"ຝູງຊົນ (Mob) ຂອງ Trump ບໍ່ແມ່ນການປະທ້ວງຢ່າງສັນຕິ. ມັນເປັນການໂຈມຕີທີ່ຮຸນແຮງ. ພວກເຂົາເຈົ້າ ເປັນພວກກໍ່ການຈະຣາຈົນ ບໍ່ແມ່ນຜູ້ຮັກຊາດ. ເຂົາເຈົ້າ ບໍ່ໄດ້ຢູ່ທີ່ນັ້ນ ເພື່ອຮັກສາຣັຖທັມມະນູນ.ເຂົາເຈົ້າຢູ່ທີ່ນັ້ນ ເພື່ອທໍາລາຍຣັຖທັມມະນູນ. Trump ຈະບໍ່ເຮັດ ໃນສິ່ງທີ່ປະທານາທິບໍດີອາເມຣິກັນຕ້ອງເຮັດ. ລາວບໍ່ຍອມປະນາມ ຄວາມຮຸນແຮງ ທາງດ້ານການເມືອງ. ສະນັ້ນ, ຟັງຂ້າພະເຈົ້າໃຫ້ດີ. ຂ້າພະເຈົ້າ ຈະເວົ້າ ໃນສິ່ງທີ່ທ່ານ Donald Trump ຈະບໍ່ເວົ້າ. ຄວາມຮຸນແຮງ ທາງການເມືອງ ບໍ່ເຄີຍເປັນທີ່ຍອມຮັບ ໃນລະບົບການເມືອງ ຂອງສະຫະຣັດ. ບໍ່ເຄີຍ, ບໍ່ເຄີຍ, ບໍ່ເຄີຍ. ມັນບໍ່ມີບ່ອນຢືນ ໃນລະບອບປະຊາທິປະໄຕ, ບໍ່ມີ.'
ທ່ານ Bob Beatty ສາດສະດາຈານ ວິທະຍາສາດການເມືອງ ຂອງມະຫາວິທະຍາໄລ Washburn ກ່າວວ່າ ສິ່ງທີ່ເກີດຂຶ້ນ ໃນຣັດ Iowa ຈະເປັນຜົນສືບເນື່ອງ ຕໍ່ປີການເລືອກຕັ້ງ.
"ຊາວ Iowans ຖືເອົາຈິງຈັງຫຼາຍ, ແລະສາມາດສ້າງຄວາມແປກໃຈໄດ້ ສເມີ. ຂ້າພະເຈົ້າຄິດວ່າ ປີນີ້ຄວາມເປັນໄປໄດ້ ຂອງຄວາມປະຫລາດໃຈ ອາດເປັນວ່າ ຜູ້ສມັກໄດ້ເຂົ້າໃກ້ Donald Trump ຫລາຍປານໃດ.ຂ້າພະເຈົ້າຄິດວ່າ ລາວຈະຊນະ. ການລົງຄະແນນສຽງ ບໍ່ສາມາດມີຜົນກະທົບຫຼາຍປານໃດ. ແຕ່ຄໍາຖາມສໍາຄັນ ແມ່ນໃຜມາໃນອັນດັບສອງ ແລ້ວພວກເຂົາເຮັດໄດ້ດີປານໃດ ເມື່ອພວກເຂົາມາເປັນທີສອງ...ແລະຕລອດຫລາຍປີ ທີ່ຂ້າພະເຈົ້າໄດ້ໄປຣັດ ໄອໂອວາ (Iowa), ຂ້າພະເຈົ້າ ບໍ່ເຄີຍເຫັນສິ່ງທີ່ທ່ານ Trump ກໍາລັງເຮັດຢູ່. ດັ່ງນັ້ນ Trump ຈຶ່ງໂຄສະນາຫາສຽງ ໃນຖານະຜູ້ດຳຣົງຕຳແໜ່ງ, ແຕ່ດ້ວຍຂໍ້ໄດ້ປຽບທັງຫມົດ ຂອງການບໍ່ຢູ່ໃນຕໍາແຫນ່ງ."
ແຕ່ການຕັດສິນ ຂອງສານສູງສຸດ ຈະມີຜົນສະທ້ອນຫລາຍກວ່ານັ້ນ-ແລະເບິ່ງຄືວ່າ ຈະຕັດສິນເຖິງສິດທິ ຂອງລາວ ທີ່ຈະດໍາເນີນການທົ່ວປະເທດ.
ທ່ານນາງ Sarah Krissoff ອະດີດຣັຖບານກາງ (Former Federal Prosecutor) ໄດ້ບອກກັບ PBS NewsHour ວ່າ ຄະດີຈະຖືກຈັບຕາເບິ່ງຢ່າງໃກ້ຊິດ.
"ທີມງານຂອງ Trump ມີຂໍ້ໂຕ້ຖຽງທີ່ດີບາງຢ່າງ, ແລະສານສູງສຸດແມ່ນດໍາເນີນການ ໂດຍບໍ່ມີການຊີ້ນໍາຫຼາຍ. ບໍ່ມີກົດຫມາຍ ກ່ຽວກັບບັນຫາເຫຼົ່ານີ້ຫຼາຍ ແລະພວກເຂົາມີອິດສຣະ ທີ່ຈະອອກກົດຫມາຍໃຫມ່, ແລະຂ້າພະເຈົ້າຄາດວ່າ ພວກເຂົາຈະເຮັດເຊັ້່ນນັ້ນ. ເຂົາເຈົ້າ ອາດຈະສົ່ງກັບຄືນໄປຫາຜູ້ເລືອກຕັ້ງ ແລະກ່າວວ່າ ນີ້ບໍ່ແມ່ນຈຸດປະສົງຂອງຣັດ ທີ່ຈະກີດກັນ ອະດີດປະທານາທິບໍດີ ຈາກການເລືອກຕັ້ງຢູ່ທີ່ນີ້. ຂ້າພະເຈົ້າ ຄິດວ່າ ເຂົາເຈົ້າອາດຈະແປຄວາມຫມາຍພາກທີສາມ ຂອງການດັດແປງຄັ້ງທີ 14 ໃນວິທີ ທີ່ຈະສົ່ງສິ່ງນີ້ ກັບຄືນໄປຫາຜູ້ເລືອກຕັ້ງ."
ຄະດີສານສູງສຸດ ບໍ່ແມ່ນບັນຫາທາງກົດຫມາຍ ພຽງຢ່າງດຽວທີ່ Donald Trump ຈະຕ້ອງຈັດການ.
Trump ຍັງຖືກກ່າວຫາ ໃນວໍຊິງຕັນ ດີຊີ (Washington DC) ແລະຈໍເຈັຍ (Georgia) ໃນຄວາມພະຍາຍາມ ທີ່ຈະປີ້ນການສູນເສັຍ ການເລືອກຕັ້ງຂອງທ່ານ ໃນປີ 2020 ຢູ່ຣັດຟລໍຣິດາ (Florida) ສໍາລັບການຈັດການກັບເອກກະສານລັບ ໃນຕອນອອກຈາກຕໍາແຫນ່ງ, ແລະໃນນິວຢອກ (New York) ກ່ຽວກັບ ການຈ່າຍເງິນອັດປາກ ໃຫ້ແກ່ດາວໂປ້ ກ່ອນການເລືອກຕັ້ງປີ 2016.
ໃນຄະດີທີສອງ ຂອງ New York, ເຈົ້າຫນ້າທີ່ຂັ້ນສູງ ຂອງຣັດ ຍັງໄດ້ຂໍໃຫ້ສານປັບໃຫມ Trump, ລູກຊາຍໃຫຍ່ ແລະທຸຣະກິດຂອງ Trump ຫລາຍກວ່າ 550 ລ້ານໂດລາໂດລາ (ຫຼື 370 ລ້ານໂດລາສະຫະຣັດ) ໃນຄະດີແພ່ງ.
Letitia James ຢາກໃຫ້ ຖືກຫ້າມ ບໍ່ໃຫ້ເຮັດທຸຣະກິດ ຢູ່ໃນຣັດບ່ອນທີ່ທ່ານໄດ້ສ້າງອານາຈັກທີ່ດິນ ໂດຍກ່າວຫາວ່າ ທ່ານໄດ້ດໍາເນີນ "ແຜນການຫລອກລວງ" ເປັນຈໍານວນຫຼວງຫຼາຍ ເພື່ອເພີ່ມມູນຄ່າຂອງຊັບສິນ ແລະປິດບັງຄວາມຈິງ.
ເນື້ອເລື່ອງໂດຍ Biwa Kwan ຂ່າວ SBS News,
ຈັດທຳໂດຍ ສັກ ພູມີຣັຕນ໌ ວິທຍຸ SBS ພາກ ພາສາລາວ.
ທ່ານສາມາດຕິດຕາມຂ່າວສານຫຼ້າສຸດ ຈາກ ອອສເຕຣເລັຍ ແລະທົ່ວໂລກ ເປັນພາສາລາວຈາກ ເອສບີເອສ ລາວ ໄດ້ທີ່ເວັບໄຊ້ຕ໌ sbs.com.au/lao
ທ່ານຍັງສາມາດ ຕິດຕາມທາງ facebook ໄດ້ທີ່ facebook.com/sbslao
