На промоцијата во организација на МАСО - Macedonian Australian Community Organization, свое обраќање кон присутните имаа Натали Сулејман – викториска министерка за ветерани, млади и за мал бизнис и вработување, пратеникот Др. Даниел Мулино и пратеничката Касандра Фернандо од Парламентот на Викторија.
За женското здравје и респект на настанот говореа и, Др. Сузана Котевска – акушер и гинеколог, Др. Ивана Матиќ – Станчин – лекар по општа медицина, Слободан Бенџо – психолог и Даниел Переира – човечки ресурси. Промотор на книгата беше Татјана Лазаревска.
Книгата „Летот на мојата гулабица“ на Светлана Јаневска од Мелбурн, се роди од личната болка и семејна драма на авторката, кога нејзината мајка беше дијагностицирана со рак на грлото на матката, од кој и почина.
