Студија нарачана од СЗО тврди дека долготрајниот КОВИД, може да трае најмалку два месеци и тоа не може да се објасни со алтернативна дијагноза.
„Вообичаените симптоми на долготрајниот КОВИД, вклучуваат замор, отежнато дишење и когнитивна дисфункција“, се вели во извештајот.
„Симптомите може да бидат новопојавени, по првичното закрепнување од акутна епизода на КОВИД19, или да продолжат од почетната болест. Симптомите може да се менуваат или да се вратат со текот на времето, по првично закрепнување“, се додава.
Според студијата, постарата возраст и полот се фактори за појава на долги симптоми на КОВИД, при што жените пријавуваат попостојани здравствени проблеми. Нема дефинитивна проценка за бројот на луѓе кои страдаат од продолжен КОВИД. Според Канцеларијата за национална статистика на Обединетото кралство - The UK's Office for National Statistics, која ги користеше податоците од локалната (КОВИД-19) анкета за инфекција, од 31 јануари 2022 година до сега, 1,5 милиони луѓе се соочуваат со самопријавен долготраен КОВИД . Студијата во Нов Јужен Велс покажа дека околу пет проценти од луѓето дијагностицирани со КОВИД-19 имале долгорочни симптоми на вирусот.
Long-covid patient Jörg Schneider does breathing training in a gymnastics room at the Teutoburger Wald Clinic in Germany. Source: Getty / Friso Gentsch/picture alliance via Getty Images
Симптомите на долгорочен КОВИД, како што е наведено од Одделот за здравство и човечки услуги на Викторија - Department of Health and Human Services of Victoria, може да вклучуваат:
- отежнато дишење
- кашлица
- замор/исцрпеност
- проблеми со концентрација/меморија
- промени во расположението - анксиозност,
- депресија,
- стрес,
- чувство на вина
- губење на мирис или вкус
- главоболка
- проблеми со спиењето
- чукање на срцето / палпитации / забрзано срце / болка во градите
- осип на кожата
- болки во мускулите и болки во зглобовите
Австралискиот институт за здравје и благосостојба - The Australian Institute of Health and Welfare, напредува со проект за поврзување на податоците за случаите на КОВИД-19 на национално ниво со административните податоци. Ова се очекува да овозможи истражување на долгорочниот КОВИД. Понатаму, Универзитетот во Квинсленд доби грантови за истражување за две одделни студии, вклучително и васкуларни компликации предизвикани од вируси и потенцијални долгорочни последици врз мозочните клетки.
A protest group in Parliament Square, London in March 2022 demands the government invest into researching Long Covid-19. Source: AAP, SIPA USA / AAP/Martin Pope/SOPA Images/Sipa USA
"Кралскиот австралиски колеџ за општи лекари" - The Royal Australian College of General Practitioners (RACGP), постави некои упатства за општите лекари, за грижа за возрасни пациенти со пост КОВИД-19. Колеџот објави водич за пациенти за управување со замор и други симптоми поврзани со долгорочен КОВИД. Дури и ако експертите не се согласуваат за тоа колку се погодени од оваа состојба, како и тоа дека истражувањата само што започнаа, станува се поочигледно дека долгиот КОВИД ќе биде фактор во годините што доаѓаат, дури и откако ќе заврши пандемијата.
Ако имате некој од следниве симптоми, веднаш повикајте брза помош на 000 и кажете му на телефонскиот оператор дека претходно сте биле дијагностицирани со КОВИД-19.
· сериозен недистиг на здив или отежнато дишење
· силна болка или притисок во градите
· нова или повторна треска
· влошување на способноста за концентрација и зголемена конфузија
· тешкотии со будење
Ако искусите други симптоми по закрепнувањето од КОВИД-19, стапете во контакт со Вашиот општ лекар или друг здравствен работник (извор: Healthdirect).
SBS е медиум посветен на обезбедување најнови информации за КОВИД-19, за мултикултурните и повеќејазичните заедници во Австралија. Останете безбедни и информирајте се, со редовно посетување на порталот SBS Coronavirus, со најновите информации на македонски јазик.
