KEY POINTS
- Visitor 600, Student 500, Аялангаа Ажиллах визний хураамжийг 7-р сарын 1-нээс эхлэн нэмнэ
- Зорчигч тээврийн хураамжийг $10 нэмснээр Австралиас гарах зардал нэмэгдэнэ гэсэн үг.
- Визний боловсруулалтын хугацааг түргэсгэнэ гэж Засгийн газар найдаж байна.
Холбооны төсөвт хэд хэдэн визний өргөдлийн хураамжийг нэмэгдүүлэхээр тусгасан бол өөр нэг өөрчлөлт нь гадаадад амрах зардал нэмэгдэхээр болж байна.
Австралид ирэхээр зорьж буй жуулчид, аялагчид болон олон улсын оюутнуудад виз мэдүүлэх хураамжийг нэмлээ.
Засгийн газар энэ оны 7-р сарын 1-нээс зарим визний мэдүүлгийн хураамжийг нэмэгдүүлэхээр ж төсвийн баримт бичигтээ дурджээ. Зорчигч тээврийн хураамж нэмэгдэхээр Австралиас явахад ч илүү зардал гарах болно.
The budget contains application fee hikes for a number of visas. Source: SBS
Таван жилийн хугацаанд хураамжийн нэмэгдлээс цуглуулсан 665 сая ам.долларыг визний боловсруулалтын хугацаа болон "засгийн газрын бусад тэргүүлэх чиглэл"-д зарцуулна гэж Засгийн газар мэдэгдэв.
Австралиас явах ямар нэмэлт зардал гарах вэ?
Австрали улсаас олон улсын нислэг эсвэл далайн тээврээр зорчиж буй зорчигчдод ногдуулдаг Зорчигч тээврийн хураамж/ The Passenger Movement Charge/-ийг 2024 оны 7-р сарын 1-нээс эхлэн нэг зорчигч 60 доллар төлдөг байсныг 70 ам.доллар болгон нэмэгдүүлэхээр болжээ.
Гадаад оюутнуудад ямар өөрчлөлт ирэх вэ?
Олон улсын оюутнуудын ажиллах эрх өөрчлөгдөж байна. Тэд энэ оны долдугаар сарын 1-нээс эхлэн тодорхой мэргэжлээр төгссөн оюутнууд нэмэлт хоёр жил ажиллах эрхтэй виз мэдүүлж болох өөрчлөлт хэрэгжиж эхэлнэ.
Олон улсын оюутны визтэй хүмүүсийн ажлын цагийн дээд хязгаарыг COVID-19 тахлын үед цуцалсан. Харин 2023 оны долдугаар сарын 1-нээс эргэн сэргээхээр болж байна. Ингээд ковидын өмнөх түвшингээс найман цагаар нэмэгдэж, 14 хоногт 40 цаг ажиллах эрхтэй байсныг 48 цаг болгон нэмэгдүүлжээ.
Амхад настны асрамжийн салбарт ажилладаг олон улсын оюутнууд 2023 оны 12-р сарын 31 хүртэл 14 хоногт 48 цагийн ажлын хязгаарлалтаас чөлөөлөгдөнө.
LISTEN TO
Австралид оюутны ажиллах цагийг хязгаарлаж, төгсөлтийн дараах визний хугацааг сунгалаа
SBS Mongolian
05:43
