कोभिड-१९ अपडेट: क्रिसमस सम्ममा अन्तर्राष्ट्रिय सीमा खोल्ने न्यु साउथ वेल्सको लक्ष्य, भिक्टोरियामा थप खोप वितरण स्थल संचालन गरिने

यो आइतबार, १२ सेप्टेम्बर २०२१ को अस्ट्रेलियाली कोरोनाभाइरस अपडेट हो।

Sydney International Airport during Covid-19

Msafiri ajandaa kuabiri basi la karantini, katika uwanja wa ndege wakimataifa wa Sydney, Jumatano, Septemba 8, 202 Source: AAP Image/Joel Carrett

मुख्य बुँदाहरू:

सोमबार देखि न्यु साउथ वेल्समा केहि लकडाउन नियम खुकुलो हुने
भिक्टोरियामा फ़ाइजर खोप लगाउन ७ हजार नयाँ स्थान उपलब्ध
र एसीटीमा कोरोनाभाइरसको १५ स्थानीय सङ्क्रमण, क्वीन्सल्याण्डमा शुन्य

न्यु साउथ वेल्स

न्यु साउथ वेल्समा गए रातीको ८ बजे सम्मको २४ घण्टामा १,२६२ जनामा कोरोनाभाइरस सङ्क्रमण पुष्टि भएको र भाइरस रहेका कुल ७ जनाको मृत्यु भएको अधिकारीहरुले बताएका छन्।

सोमबार, १३ सेप्टेम्बर देखि राज्यका कोरोनाभाइरस अन्तर्गतका नियमहरु थप खुकुलो बनाइन लाग्दा, न्यु साउथ वेल्स हेल्थ द्वारा उक्त रिपोर्ट सार्वजनिक गरिएको हो।

परिवर्तन हुने पछिल्लो नियम अन्तर्गत

"चिन्ताका स्थान

" घोषित गरिएका सिड्नीका १२ काउन्सिल क्षेत्र बाहिर बस्ने र कोरोनाभाइरस विरुद्धको खोपको दुवै डोज लगाइसकेका पांच जनाको संख्या सम्म मानिसहरु एक साथ् भेला हुन पाउने छन्।

चिन्ताका स्थानमा चाहिं खोपको दुवै डोज लगाइसकेका मानिसहरु आफ्नै घरका अन्य सदस्यहरुसंग प्रत्येक दिन असिमित व्यायामका साथै थप दुई घण्टाका लागि पिकनिक वा मनोरंजनका अन्य गतिविधिका लागि आफ्नो घर बाहिर जान पाउने छन्।

न्यु साउथ वेल्स प्रिमियर ग्लाडिस बेरेजिक्लियन भन्छिन हाल राज्यमा कोरोनाभाइरस विरुद्ध खोप लगाउन योग्य रहेका १६ वर्ष उमेर भन्दा माथिका ७८ प्रतिशत मानिसहरुले खोपको पहिलो डोज लगाइसकेको अवस्थामा आगामी क्रिसमस सम्ममा अन्तर्राष्ट्रिय यात्रा सुरु गराउने आफ्नो सरकारको लक्ष्य रहेको छ।

उनका अनुसार ४५.५८ प्रतिशत न्यु साउथ वेल्स निवासीहरुले खोपको दुवै डोज लगाइसकेका छन्।

खोपको लागि आफ्नो नाम लेखाउन यहाँ हेर्नुहोस्

।

भिक्टोरिया

भिक्टोरियामा गए २४ घण्टा भित्र कोरोनाभाइरसका ३९२ सामुदायिक केसहरुको पुष्टि भएका छन्।

प्रिमियर डानिएल एन्ड्रुजका भन्छन आगामी हप्तामा राज्य सरकार द्वारा संचालित क्लिनिकहरुमा फ़ाइजरका थप सात हजार खोप उपलब्ध हुने छ।

साथै, भिक्टोरियाका बिभिन्न ८ स्कूलहरुका साथै ह्युम, डाण्डेनोंग र केसीमा पनि नयाँ कोरोनाभाइरस खोप वितरण केन्द्र सुरु गरिने प्रिमियरको भनाइ छ। उनका अनुसार थोर्नबरी स्थित ग्रीक अर्थोडोक्स चर्च का साथै मिल पार्क स्थित एक हिन्दु मन्दिर र न्यु पोर्ट स्थित एक मस्जिदमा पनि खोप केन्द्र स्थापना गरिने छ।

आफु नजिकको खोप वितरण केन्द्र खोज्न यहाँ हेर्नुहोस्

।