د آسټرالیا د امامانو شورا (Australian National Imam Council) لخوا په یوې خپرې شوې اعلامیې کې راغلي چې د مارچ میاشتې لومړۍ نېټه (د شنبې ورځ) په آسټرالیا کې د روژې مبارکې میاشتې لومړی ورځ ده.
د دغې شورا په اعلامیې کې راغلي چې د جمعې په ورځ (د فبرورۍ ۲۸ نېټه) له لمر پرېوتلو وروسته، د روژې مبارکې میاشتې لومړۍ شپه ده او د تراویح لمونځ ترسره کېږي.
دغه پرېکړه د آسټرالیا د فتوا شورا د غړو، عالمانو او د آسټرالیا د لوی مفتي ترمنځ له مشورو وروسته اعلان شوې ده.
په اعلامیې کې همدا راز راغلي چې د آسټرالیا د امامانو شورا او فتوا شورا د هغو امامانو او عالمانو نظر ته احترام لري چې له دغې پرېکړې سره ممکن مختلف نظرونه ولري.
د امامانو شورا له له ټولو مسلمانانو غوښتنه کړې چې په دې مسئله کې "د مختلفو نظرونو درناوی وکړي او د اسلامي ټولنې د یووالي لپاره کار وکړي."
د اس بي اس پښتو خپرونه دلتهیا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له یا څخه ترلاسه کړئ.
