د چمپنیز ټرافۍ (اتلانو جام) په سیالیو کې هند آسټرالیا ته په ۴ وېکټو ماته ورکړه.
دغه لوبه تېره شپه د دوبۍ په نړیوال لوبغالي کې ترسره شوه.
آسټرالیا د پچې له ګټلو وروسته، د توپ وهنې پرېکړه وکړه او په ۴۹ اورونو او ۳ توپونو کې یې د هند لپاره د ۲۶۵ منډو هدف وټاکه، مګر هند دغه هدف د ۶ لوبغاړو په سوځېدو سره په ۴۸ اورونو او یوه توپ پوره کړ.
LISTEN TO

فرهان زاخیل غواړي د آسټرالیا د کرېکټ په ملي لوبډله کې شامل شي
SBS Pashto
26/02/202407:20
د هند لپاره په توپ اچونه کې محمد شامې ۳ او ورون چکرورتي ۲ وېکټې ترلاسه کړې. د توپ وهنې په برخه کې ویرات کوهلي ۸۴ منډې جوړې کړې او د لوبې غوره لوبغاړی ونومول شو.
د هند له بریا وروسته به د چمپینز ټرافۍ پایلوبه د دوبۍ په نړیوال لوبغالي کې ترسره شي.
ټاکل شوې ترڅو نن شپه د نوي زیلنډ او سویلي افریقا ترمنځ د چمپینز ټرافۍ دویمه نیمه پایلوبه د پاکستان په لاهور ښار کې ترسره شي. د دغې لوبې ګټونکې لوبډله به د مارچ په ۹ په دوبۍ کې له هند سره لوبه ترسره کړي.
LISTEN TO

شاهد افریدی وايي که چېرې فرصت برابر شي حاضر دی چې د افغانستان د کرېکټ ملي لوبډلې روزونکی شي
SBS Pashto
03/01/202401:41
د اس بي اس پښتو خپرونه دلتهیا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له یا څخه ترلاسه کړئ.