د بشري حقونو د څار اداره وايي، د آسترالیا د بشري حقونو قوي ریکارډ له کډوالو، ځايي خلکو او معلولینو سره د چلند له امله زیانمن شوی دی.
د بشري حقونو د څار ادارې په کلني راپور کې راغلي، سره له دې چې د مدني او سیاسي حقونو د دفاع په برخه کې آسټرالیا قوي ریکارډ لري، مګر په دغه هېواد کې "د بشري حقونو جدي ستونزې" شتون لري.
په آسټرالیا کې د بشري حقونو د څار ادارې مشر، ایلین پېرسون وايي له نړیوالو فشارونو سره سره، له پناه غوښتونکو سره د ظالمانه چلند په مخنیوي کې د فدرالي حکومت پاتې راتلل، د دغه هېواد نړیوال موقف ته زیان رسوي.
ښاغلی پېرسون د آسترالیا اسوشیټید پرېس آژانس ته ویلي: " آسټرالیا له پولې هاخوا د پناه غوښتونکو پروسیس سیسټم سره، د بشري حقونو په تر پښو لاندې کولو کې مخکښ دی."
له ۲۰۱۳ کال راهیسې ۱۲ پناه غوښتونکي له آسټرالیا څخه بهر د دغه هېواد د کډوالو په کمپونو کې مړه شوي. راپورونه ښيي چې د مړه شویو کسانو له ډلې څخه ۶ کسانو ځان وژنه کړې.
The mandatory detention of asylum seekers also raised concerns with the international human rights advocate. Source: AP
د پناه غوښتونکو اجباري توقیف، د بشري حقونو د نړیوالو مدافعینو د اندیښنې وړ موضوع ګرځېدلې ده.
ښاغلی پېرسون وايي: "اجباري توقیف خورا د اندیښنې وړ دی."
