د افغانستان کرېکټ بورډ څو ورځې وړاندې د افغان لوبډلې د مشر روزونکي جانټن ټراټ قرارداد د ۲۰۲۵ کال تر پایه وغځاوه.
۴۳ کلن جانټن ټراټ چې د انګلستان ملي لوبډلې پخوانی پیاوړی توپوهونکی پاتې شوی، د لومړي ځل لپاره په ۲۰۲۲ کال کې د افغانستان ملي لوبډلې د مشر روزونکي په توګه وټاکل شو.
ټراټ چې له تېرو دوو کلونو راپدېخوا له افغان لوبډلې سره مل دی، په دغه موده کې افغان لوبډلې د هغه تر رزونې لاندې ۳۴ یو ورځنې او ۴۴ شل اوریزو سیالیو کې برخه اخیستې، چې له ډلې يې ۱۴ یوه ورځنۍ او ۲۰ شل اوریزې سیالۍ يې ګټلې دي.
LISTEN TO
شاهد افریدی وايي که چېرې فرصت برابر شي حاضر دی چې د افغانستان د کرېکټ ملي لوبډلې روزونکی شي
SBS Pashto
03/01/202401:41
که څه هم افغان لوبډلې په یو ورځنیو لوبو کې د ټراټ تر روزنې لاندې تر نیمايي ډېرې لوبې بایللې دي خو سره له دې د افغانستان کرېکټ بورډ ښاغلی ټراټ د افغان لوبډلې د پرمختګ په برخه کې اغیزناک بولي.
د افغانستان کرېکټ بورډ په تېرو دوو کلونو کې د افغان لوبډلې بې سارې لاسته راوړنو ته په کتو د جانتن ټراټ رول مهم یادوي او وايي، د ټراټ په دوره کې افغان لوبډلې د نړۍ پیاوړو لوبډلو ته ماتې ورکړې.
د افغانستان کرېکټ بورډ ویاند، سید نسیم سادات وايي، پر همدې بنسټ يې له جانتن ټراټ سره قرارداد غځولی او هېله لري چې نوموړی به د افغان ملي لوبډلې د پیاوړتیا لپاره لا ډیرې هلې ځلې وکړي.
مهرباني وکړئ لا ډېر معلومات په رپوټ کې واورئ.
LISTEN TO
فرهان زاخیل غواړي د آسټرالیا د کرېکټ په ملي لوبډله کې شامل شي
SBS Pashto
26/02/202407:20
د اس بي اس پښتو خپرونه دلتهیا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له یا څخه ترلاسه کړئ.
