ټاکل شوې د پاکستان د جمعیت علمای اسلام ګوند مشر مولانا فضل الرحمان په افغانستان کې د طالبانو حکومت په بلنه په نږدې راتلونکي کې کابل ته راشي او له طالب چارواکو سره پر یو لړ مهمو موضوعاتو خبرې اترې ولري.
کابل ته د جمعیت علمای مشر مولانا فضل الرحمان ته د سفر بلنه په اسلام اباد کې د طالبانو حکومت د سفیر لخوا ورکړل شوې خو د دې سفر د احتمالي وخت او دا چې له کومې اجنډا سره کابل ته راځي څه نه دي ویل شوي.
په ورته وخت کې د پاکستان د جمعیت علمای اسلام ګوند پر خپله ایکس پاڼه لیکلي، چې په اسلام اباد کې د طالبانو حکومت سفیر د مولانا فضل الرحمن کور ته ورغلي او هغه ته يې د کابل د سفر بلنه ورکړې ده.
له دې سره هم مهال د چارو یو شمېر شنونکي کابل ته د مولانا فضل الرحمن ددغه سفر په اړه بېلابېل لید لوري لري.
د افغانستان په تېر جمهوري نظام کې د ولسي جرګې پخوانی استازی کمال ناصر اصولي وايي. چې کابل ته د مولانا فضل الرحمان د سفر موخه ښايې دا وي ترڅو د طالبانو او پاکستاني پوځ ترمنځ د باور فضاء رامنځته کړي خو په خبره يې د پاکستان تګلاره په دې برخه کې واضح ده چې له مخې يې مولانا فضل الرحمان د هغه لپاره کار کوي.
لا ډېر معلومات په رپوټ کې واورئ.
