'ਈਦ ਉਲ-ਅਧਾ': ਪੈਗੰਬਰ ਇਬਰਾਹਿਮ ਦੇ ਰੱਬ ਵਿੱਚ ਅਥਾਹ ਵਿਸ਼ਵਾਸ ਨੂੰ ਮਨਾਉਣ ਦਾ ਪੁਰਬ

ਦੁਨੀਆ ਭਰ ਦੇ ਇੱਕ ਅਰਬ ਤੋਂ ਵੱਧ ਮੁਸਲਮਾਨ ਅੱਜ ਸਾਲ ਦਾ ਆਪਣਾ ਸਭ ਤੋਂ ਮਹੱਤਵਪੂਰਨ ਧਾਰਮਿਕ ਪੁਰਬ 'ਈਦ ਉਲ-ਅਧਾ' ਮਨਾ ਰਹੇ ਹਨ। ਮੁਸਲਮਾਨਾਂ ਦੇ ਸਾਲ ਦੇ ਦੋ ਸਭ ਤੋਂ ਵੱਡੇ ਤਿਉਹਾਰ 'ਈਦ ਅਲ-ਅਧਾ' ਜਿਸ ਨੂੰ 'ਬਕਰੀਦ' ਵੀ ਆਖਿਆ ਜਾਂਦਾ ਹੈ ਅਤੇ 'ਈਦ-ਉਲ-ਫਿਤਰ' ਹਨ।

Muslims offering prayers

Source: SBS News

ਮੁਸਲਮਾਨ ਸਾਲ ਵਿੱਚ ਦੋ ਵਾਰ ਈਦ ਮਨਾਉਂਦੇ ਹਨ। ਪਹਿਲੀ ਈਦ ਨੂੰ 'ਈਦ ਉਲ-ਫਿਤਰ' ਕਿਹਾ ਜਾਂਦਾ ਹੈ ਅਤੇ ਇਹ ਰਮਜ਼ਾਨ ਦੇ ਮਹੀਨੇ ਤੋਂ ਬਾਅਦ ਮਨਾਈ ਜਾਂਦੀ ਹੈ। ਇਸ ਪੁਰਬ ਤੋਂ ਤਕਰੀਬਣ ਦੋ ਮਹੀਨਿਆਂ ਬਾਅਦ 'ਈਦ ਉਲ-ਅਧਾ, ਜਿਸ ਨੂੰ "ਵੱਡੀ ਈਦ" ਵਜੋਂ ਵੀ ਜਾਣਿਆ ਜਾਂਦਾ ਹੈ, ਮਨਾਈ ਜਾਂਦੀ ਹੈ।

ਅੱਲ੍ਹਾ ਦੇ ਹੁਕਮ 'ਤੇ ਅਥਾਹ ਵਿਸ਼ਵਾਸ ਕਰਦੇ ਪੈਗੰਬਰ ਇਬਰਾਹਿਮ ਵੱਲੋਂ ਆਪਣੇ ਪੁੱਤਰ ਦੀ ਬੇ-ਝਿਜਕ ਕੁਰਬਾਨੀ ਦੇਣ ਲਈ ਰਾਜ਼ੀ ਹੋਣ ਦੀ ਯਾਦ ਵਿੱਚ ਇਹ ਪੁਰਬ ਮਨਾਇਆ ਜਾਂਦਾ ਹੈ।

'ਈਦ ਉਲ-ਅਧਾ' ਹਰ ਸਾਲ ਇਸਲਾਮੀ ਕੈਲੰਡਰ ਦੇ ਆਖ਼ਰੀ ਮਹੀਨੇ ਦੇ 10ਵੇਂ ਦਿਨ ਮਨਾਈ ਜਾਂਦੀ ਹੈ। ਮੁਸਲਮਾਨ ਇਸ ਦਿਨ ਆਮਤੌਰ 'ਤੇ ਭੇਡ ਜਾਂ ਕਿਸੇ ਹੋਰ ਪਸ਼ੂ ਦਾ ਬਲੀਦਾਨ ਕਰਦੇ ਹਨ ਜਿਸ ਨੂੰ 'ਕੁਰਬਾਨੀ' ਕਿਹਾ ਜਾਂਦਾ ਹੈ।

'ਕੁਰਬਾਨੀ' ਦੇ ਮੀਟ ਨੂੰ ਆਮ ਤੌਰ 'ਤੇ ਤਿੰਨ ਹਿੱਸਿਆਂ ਵਿੱਚ ਵੰਡਿਆ ਜਾਂਦਾ ਹੈ। ਇਸ ਦਾ ਇੱਕ ਹਿਸਾ ਪਰਿਵਾਰ ਖਾਂਦਾ ਹੈ, ਦੂਸਰਾ ਹਿਸਾ ਰਿਸ਼ਤੇਦਾਰਾਂ ਅਤੇ ਦੋਸਤਾਂ ਨੂੰ ਦੇ ਦਿੱਤਾ ਜਾਂਦਾ ਹੈ ਅਤੇ ਤੀਜਾ ਹਿਸਾ ਆਰਥਿਕ ਤੋਰ ਤੇ ਪਛੜੇ ਲੋਕਾਂ ਨਾਲ਼ ਸਾਂਝਾ ਕੀਤਾ ਜਾਂਦਾ ਹੈ।

ਆਸਟ੍ਰੇਲੀਅਨ ਮੁਸਲਮਾਨਾਂ ਵਿੱਚ ਇਸ ਸਾਲ ਇਸ ਪੁਰਬ ਲਈ ਵਧੇਰੇ ਉਤਸ਼ਾਹ ਇਸ ਕਰਕੇ ਵੀ ਹੈ ਕਿਓਂਕਿ ਇਨ੍ਹਾਂ ਨੇ ਪਿਛਲੀ ਸਾਲ 'ਈਦ ਅਲ-ਅਧਾ' ਕੋਵਿਡ-19 ਪਾਬੰਦੀਆਂ ਵਿੱਚ ਮਨਾਈ ਸੀ।

ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 9 ਵਜੇ ਐਸ ਬੀ ਐਸ ਪੰਜਾਬੀ ਦਾ ਪ੍ਰੋਗਰਾਮ ਸੁਣੋ ਅਤੇ ਸਾਨੂੰ 



Share
Published 9 July 2022 7:41am
Updated 12 August 2022 2:56pm
By Rayane Tamer, Ravdeep Singh

Share this with family and friends