Ua talia e Anthony Albanese le manumalo o lana vaega 'upufai le Labor i palota mo le palemene tele i le 2025, ma ua mauaina ai ma se fa'asiliga tele atu nai lo le paea'iga talu ai.
Na saunoa Albanese i Sini, o le tautuaina o le atunu'u i le tofi palemia, o se tiute na te faia ma le loto maualalo ma le fa'afetai.
"It is with a deep sense of humility and a profound sense of responsibility that the first thing that I do tonight is to say 'thank you' to the people of Australia for the chance to continue to serve the best nation on Earth," he said.
"Today, the Australian people have voted for Australian values: for fairness, aspiration and opportunity for all.
"Australians have voted for a future that holds true to these values, a future built on everything that brings us together."
Ua matua lava ma totoe le fa'asiliga e fa'avae ai e le Labor le malo i Ausetalia e aunoa ma le fa'alagolago i seisi vaega 'upufai mo se so'ofa'atasiga.
Na molimauina le tele o itumalo palota i setete ma teritori na suigi aga'i i le Labor le palota.
E aofia ai le nofoa o Dickson i Queensland lea na se'ei ai le ta'ita'i o le itu-agai Peter Dutton mo le 'ova i le 20 tausaga.
Na mamulu le nofoa o Dickson mai ia Peter Dutton i le sui o le Labor, Ali France, ma o le taimi muamua lenei ua faia'ina ai se ta'ita'i o le itu-agai i lona nofoa i le tala fa'asolopito o faigapalota i Ausetalia.
Australian Liberal Party leader Peter Dutton, third left, stands with his family as he makes his concession speech following the general election in Brisbane. Source: AP / Pat Hoelscher/AP
"We didn't do well enough during this campaign, that much is obvious tonight," he said.
"I've always wanted in public life for the best for our country and the best for every Australian.
"It's an historic occasion for the Labor Party, and we recognise that."
O fuafuaga a le palemia Anthony Albanese ma le Labor na tuleia i le campaign na aofia ai le mafaia e tagata ona talosaga mo nonogatupe mokesi i le na o le 5% o le tupe fa'amau le deposit, atoa ai le $10 biliona e fausia ai fale fou e 100,000.
$8.5 biliona mo fesoasoani i foma'i GP i tausaga uma e fa'amalosia ai le polokalame Medicare.
$2.3 billion i le malosi fa'afouina o le 'eletise ma le folafolaga i fa'asalaga o supamaketi e so'ona si'i i le lagi le tau o 'oloa.
