Komunidade balun iha Austrália no rai-li'ur laran susar tebes hafoin komunikadu imprensa ne'ebé fó sai hosi Pauline Hanson nia partidu One Nation ne'ebé sirkula online.
Komunikadu ne'ebé fó sai iha loron 11 fulan-Fevereiru, deskreve proposta polítika imigrasaun nian hosi partidu ne'e no hatete katak "imigrante ilegál 75.000" sei hetan deportasaun hosi Australia.
Líder partidu nian, senadór Pauline Hanson, hatete katak ema rihun 75 ne'ebé hela iha Austrália maka "la tuir lei", inklui sira ne'ebé maka hela liu sira nia vistu, serbisu ilegalmente ka komete ona krime ruma, sei hetan deportasaun lahó oportunidade hodi halo rekursu ba Tribunál Revizaun Austrália nian.
"One Nation, united, strong, and prosperous, celebrates its 11th year." Credit: One Nation Website
Utilizadór ida iha midia sosial publika iha grupu Facebook Ni-Vanuatu, grupu ema Vanuatu oan sira iha Australia ne'ebé ativu, hodi fó avizu ba ema seluk hosi sira nia rain ho sira nia família katak sira bele hetan risku ba deportasaun.
Ema ne'e hakerek "Haruka mensagem ba sira atu fila antes operasaun ne'e komesa"
Komentator seluk hakerek tan "Sente laran-susar ba ami nia membru família sira hosi Vanuatu".
Iha mos post balun iha midia sosial ne'ebe liga ho anúnsiu polítika ho Prezidente Trump nia represaun hasoru imigrasaun iha Estadus Unidus. "Trump fó orden ba Austrália ... atu deporta mós ema sira ne'ebé maka hela iha Austrália ilegalmente", SBS Bislama fahe informasaun ne'e kona-ba ema balun nia post ba migrante Vanuatu sira.
Utilizadór sira seluk fó komentáriu hodi apoia polítika.
SBS Tetum mos ko’alia ho traballadór migrante na’in rua husi Timor-Leste, Leo no Maria*, ne’ebé haree mós anúnsiu ne’e iha mídia sosiál.
Sira rua dehan katak "Ami preokupadu tebes, tanba ba ami, mai iha Austrália hanesan oportunidade ida hodi fó ba ami nia família sira iha rai-laran. To'o agora, ami tuir ona regra sira no iha sistema, maibé rona notísia ne'e halo ami preokupa tebes".
Carla Chung, hosi organizasaun ACRATH (Relijiozu Katóliku Austrália Kontra Tráfiku Umanu) ne'ebe fo apoiu traballadór migrante sira, hatete katak nia simu mensajen oioin bainhira dokumentu ne'e hahú sirkula online.
Carla hatete "Ha'u haree katak traballadór barak maka tauk, esterese no sente depresaun bainhira sira haree Pauline Hanson nia deklarasaun iha mídia".
"Ha'u hatete ba sira katak ida-ne'e hanesan ideia ida de'it hosi partidu minoria ida ... Ha'u hatete ba sira atu labele preokupa, no atu konsentra de'it ba sira nia serbisu."
Leo ho Maria, ne'ebé tauk katak sira bele hasoru deportasaun tanba rezultadu hosi polítika ne'e, hatete ba SBS Tetum katak sira sente hakmatek bainhira post sira seluk iha Facebook esplika dokumentu ne'e.
"Buat di'ak ida kona-ba mídia sosiál maka ami deskobre informasaun ne'e la'ós ofisiál hosi governu," sira hatete.
Portavós ida hosi Partidu One Nation hatete ba SBS Examines katak partidu "la hatene kona-ba kualkér alegasaun katak komunikadu ida ne'e lohi ema, no mós la hatene kona-ba komunidade imigrante ruma ne'ebé alega katak komunikadu ne'e hamosu 'prekupasaun" entre sira".
LISTEN TO
Migrants aren't being hired in the jobs they're qualified for. It's costing Australia billions
SBS English
04/11/202406:15
Tuir peritu migrasaun globál Profesora Asosiada Anna Boucher hato'o katak "Enkuantu komunikadu imprensa ne'e hamosu laran-susar ba ema balun, maibe ida-ne'e "iha marka ida" ba Partidu One Nation.
"Ida-ne'e hanesan plataforma polítika hosi Partidu One Nation ne'ebe dezde inísiu, loloos, atu trata ho migrasaun."
Nia fiar katak komunikadu imprensa ne'e ko'alia liuliu ba "sira nia ema partidu nian ka ema ne'ebe mak hili ka fiar sira.
A/Prof Boucher, hanesan dosente senior iha Polítika Públika no Siénsia Polítika iha Universidade Sydney, no membru ida hosi Konsellu Konsultivu Ministeriál governu federal nian kona-ba Migrasaun Kualifikadu, koalia ba SBS Examines katak polítika sira ne'ebé trasa iha komunikadu imprensa ladún "efetivu ka implementavel".
Nia mós nota katak deportasaun masal la'ós simples, no One Nation sei laiha autorizasaun atu "hasai direitu rekursu nian ba Tribunál Revizaun Administrativa".
"Joga iha tauk laran'
Komunikadu imprensa ne'e mós afirma katak imigrasaun duarnte iha governu atuál nia okos maka responsavel ba krize abitasaun (krizi uma) ne'ebé aumenta, no ba aumenta inflasaun ho servisu no infraestrutura públiku sira ne'ebé maka'as liu.
Bainhira husu atu fornese dadus konjuntu ka informasaun ne'ebé apoia ligasaun entre migrasaun, uma no inflasaun, porta-vós partidu nian fornese ligasaun sira ba artigu análize ida hosi ABC no komentáriu ida iha The Australian ( and a ).
Sira hatete "Ida-ne'e la'ós fonte úniku informasaun nian ne'ebé hatudu faktu evidente, no los katak kuandu ema barak liu iha Austrália signifika ema barak liu maka sei uza servisu sira ne'ebé disponível, infraestrutura no uma sira".
Maibé, Profesór Eméritu Demografia nian iha Eskola Polítika Públika Crawford nian hosi Universidade Nasionál Austrália nian, Peter McDonald, hatete ba SBS Examines katak imigrasaun iha impaktu uitoan de'it ba krize abitasaun nian -
Prof. Peter hatete "Bainhira komentadór no polítiku sira atribui problema hotu-hotu hosi merkadu abitasaun nian ba numeru imigrasaun aas, tuir definisaun, sira maka desvia atensaun hosi aprosimasaun polítika oioin ne'ebé maka presiza atu halo hasoru krize abitasaun nian".
Nia hatete tan katak migrante sira iha impaktu uitoan de'it iha merkadu sosa no aluga uma nian, no limita numeru imigrasaun sei la hadi'a problema ne'e.
Profesora Asosiada ba Planeamentu Urbanu husi Universidade Queensland, Dra Dorina Pojani, hatete katak kestaun úniku maka falta uma sira.
"Ita simplesmente laiha uma sufisiente ba populasaun ne'ebé ita iha, no ida-ne'e la'ós simplesmente atribui ba imigrasaun. ita la halo uma sufisiente," nia hatete.
"Iha tinan 2000, ita para atu halo uma foun tuir demanda no folin sira sa'e maka'as dezde tempu ne'ebá."
A/Prof Boucher hatete katak desizaun hosi One Nation hodi destaka ligasaun ne'ebé ema haree entre uma no imigrasaun, "Atu ida-ne'e loos ka lae, ida ne'e hamosu ona tauk iha eleitoradu sira".
"Tanba ne'e maka sira foka ba asuntu ida-ne'e".
LISTEN TO
Is immigration worsening the housing crisis?
SBS English
15/07/202405:09
Impaktu ba apoiu migrasaun
Pauline Hanson nia partisu One Nation hanesan partidu ki'ik ida, no laiha membru natoon atu forma governu ka implementa polítika sira rasik.
Maibé A/Profesór Boucher hatete katak nia iha preokupasaun kona-ba impaktu hosi "tipu retórika ida-ne'e" no "ta'uk" iha koezaun sosiál.
"Ida-ne'e bele dudu konversa kona-ba migrasaun ba pozisaun ida ne'ebé ladún di'ak no bele sai radikál liu iha Austrália. Asuntu ne'e bele inspira partidu boot ida atu adota ideia sira-ne'e balun, maski karik la'ós hotu," nia hatete.
LISTEN TO
Living in limbo
SBS English
07/10/202407:12
* Names have been changed
