ཉེ་བའི་ཆར་སྙན་ཐོ་ཞིག་གི་ནང་ཨོ་སི་ཊོ་ལི་ཡ་ནི་འཛམ་གླིང་ནང་གད་སྙིགས་ཕོན་ཆེ་ཤོས་བཟོ་མཁན་རྒྱལ་ཁབ་ཨང་གསུམ་པ་དེ་ཆགས་ཡོད་འདུག གད་སྙིགས་མང་ཆེ་བ་ནི་མཐའ་མར་ས་ཐོག་ཏུ་སྤུངས་བཞིན་ཡོད་འདུག
གད་སྙིགས་དེ་དག་ནི་ས་གནས་གྲོང་སྡེ་ལྷན་ཁང་གིས་དབོར་འགྲོ་བཞིན་པའི་ཁྱིམ་ཚང་ཁག་གི་དགོས་མཁོ་མེད་པའི་ཅ་དངོས་སོགས། གད་སྙིགས་མཁྲེག་པོ་རྣམས་ཚུད་ཡོད་པ་རེད།
ཨ་ལེ་ཇི་དྷ་ར་ལགས་ནི་Alejandra རྒྱུ་སྐར་གྱི་གྲུང་གཟེངས་ Planet Ark ཞེས་པའི་གད་སྙིགས་བསྐྱར་སྤྱོད་ལས་འགུལ་སྤེལ་མཁན་གྱི་ཁེ་མེད་ཁོར་ཡུག་སྲུང་སྐྱོབ་ཚོགས་པ་ཞིག་གི་འགན་འཁུར་མི་སྣ་རྒན་པ་ཞིག་རེད།
ཁོ་མོས་ཁྱིམ་ཆས་ཀྱི་རིགས་ནི་ག་རེ་བྱས་ནས་གད་སྙིགས་བསྐྱར་སྤྱོད་བྱེད་བཞིན་མེད་པའི་དཔེ་མཚོན་ཞིག་རེད་ཅེས་གསུངས་འདུག
ཁོ་མོས་ཁྱིམ་ཆས་ཁག་ནི་གད་སྙིགས་བསྐྱར་སྤྱོད་བྱེད་མི་ཐུབ་པའི་དཔེ་མཚོན་ཡག་ཤོས་ཤིག་རེད། གལ་སྲིད་ཁྱེད་རང་གི་ཁྱིམ་ཆས་ཤིག་གང་འདྲ་བྱས་ནས་བཟོས་པ་རེད་བསམ་བློ་གཏོང་བ་ཡིན་ན། དེ་ཚོ་རྒྱུ་ཆ་མི་འདྲ་བ་སྣ་ཚོགས་ལས་གྲུབ་ཡོད་པ་རེད། དཔེར་ན་སོབ་ཧྥ་ Sofa ཅིག་ལ་བསམ་བློ་གཏོང་བ་ཡིན་ན། ཕལ་ཆེར་གཞི་གདན་དང་སྒྲོམ་གཞི་རྣམས་ཤིང་གིས་བཟོས་ཡོད་པ་རེད། མཐའ་འཁོར་དུ་རས་ཀྱིས་གཏུམ་ཡོད་པ་རེད། ད་དུང་དེ་ལ་རྒྱུ་ཆ་རིགས་འདྲ་མིན་ཞིག་བེད་སྤྱོད་བྱས་ཡོད་པ་རེད། དེར་བརྟེན་ཅ་དངོས་དེ་བསྐྱར་དུ་བེད་སྤྱོད་ཡག་པོ་ཞིག་གཏོང་རྒྱུ་ཧ་ཅང་ཁག་པོ་ཆགས་ཡོད་པ་རེད། ཅ་དངོས་དེ་མཐའ་མར་ས་ཐོག་ཏུ་གཡུག་དགོས་འཁེལ་གྱི་ཡོད་པ་རེད་ཅེས་གསུངས་འདུག
སིཌ་ནིང་ནང་བྷེ་ལཱ་ཁེ་ཊོན་ས་གནས་གྲོང་ཁྱེར་ལྷན་ཁང་ Blacktown City Council ནི་ཨོ་སི་ཊོ་ལི་ཡའི་ནང་ཁྱིམ་ཚང་གི་སྒོ་རྩར་ནས་གད་སྙིགས་བསྐྱར་དུ་བེད་སྤྱོད་དང་ཡང་ན་བསྐྱར་བཅོས་མི་ཐུབ་པའི་ཁྱིམ་ཆས་ཅ་དངོས་རྣམས་དབོར་འགྲོ་མཁན་ཞིག་ཡིན། ཁོང་ཚོས་གད་སྙིགས་དབོར་སྐྱེལ་ཉིན་མོར་ཁྱིམ་ཚང་སོ་སོས་སྔོན་ནས་མངག་བཅོལ་ཐོ་འགོད་བྱེད་དགོས་པའི་ལམ་ལུགས་ཤིག་བཟོས་ཡོད།
མཱ་རེ་ཨ་ Maria Hondrogiannis ལགས་ནི་གྲོང་སྡེ་ལྷན་ཁང་གི་ལམ་ལུགས་དང་ལས་འཆར་གྱི་འགན་འཁུར་བ་ཞིག་ཡིན། ཁོ་མོས་ལས་དོན་གང་འདྲ་བྱེད་བཞིན་ཡོད་མེད་འགྲེལ་བརྗོད་གནང་དོན།
ང་ཚོས་ཁ་པར་ཐོག་ནས་ཞབས་ཞུ་དེ་སྒྲུབ་བཞིན་ཡོད། དེར་བརྟེན་ཁྱིམ་ཚང་ཁག་ནས་ང་ཚོར་ཁ་པར་གཏོང་བའམ་ཡང་ན་དྲ་ཐོག་ནས་འབྲེལ་གཏུགས་བྱས་ཚེ་ང་ཚོས་དུས་ཚོད་རྗེས་མར་ག་དུས་ཞབས་ཞུ་དེ་སྒྲུབ་ཐུབ་ཀྱི་ཡོད་མེད་དུས་ཚོད་གཏན་འཁེལ་དང་ཐོ་འགོད་བྱེད་བཞིན་ཡོད།
གྲོང་ཁྱེར་ལྷན་ཁང་ཁ་ཤས་ཀྱིས་དུས་ཚོད་རེས་མོས་དང་ཡང་ན་དུས་ཚོད་གཏན་འཁེལ་ཅིག་ལ་བཟོ་བཞིན་ཡོད་པ་རེད། ང་ཚོས་དེ་འདྲ་བྱེད་བཞིན་མེད་པར་བྷེ་ལཱ་ཁེ་ཊོན་གྲོང་སྡེ་ལྷན་ཁང་ནས་ལོ་གཅིག་ལ་ཐེངས་ ༡༢ ཙམ་གཙང་བཟོ་བྱེད་བཞིན་ཡོད་པས་མ་ཚད། གནས་སྡོད་བྱེད་མཁན་ཚོས་ཐོ་འགོད་དང་རེ་སྐུལ་ཞུས་པ་ཡིན་ན་ང་ཚོས་གད་སྙིགས་དབོར་ལེན་བྱེད་བཞིན་ཡོད་པ་རེད་ཅེས་གསུངས་འདུག
གྲོང་མི་ཚོས་སྲ་མཁྲེགས་ཅན་གྱི་གད་སྙིགས་གཙང་སེལ་ཞབས་ཞུ་རེ་སྐུལ་དང་ཡང་ན་དུས་བཀག་ལྟར་བསྡུ་རུབ་བྱེད་སྐབས་གྲོང་མི་ཚོས་ཅ་རྐྱེན་ངེས་ཅན་ཁག་ལ་བརྩི་སྲུང་བྱེད་དགོས་ཀྱི་ཡོད་པ་རེད། དེ་ཡང་གད་སྙིགས་ཀྱི་གྲངས་འབོར་དང་གད་སྙིགས་ཀྱི་རིགས། ད་དུང་གད་སྙིགས་འདོར་སྟངས་སོགས་ཚུད་ཡོད།
གད་སྙིགས་གང་ཞིག་གང་འདྲ་བྱེད་ནས་གཡུག་ཆོག་དང་མི་ཆོག་སོགས་སྒྲིག་གཞི་མ་འདྲ་བ་མ་འདྲ་བ་ཡོད་པས་ཁྱེད་རང་ལ་ཉེས་ཆད་མི་ཕོག་ཆེད་ས་གནས་གྲོང་སྡེ་ལྷན་ཁང་ཁག་གི་འགྲེལ་བརྗོད་ལ་བལྟ་དགོས་པ་ཡིན།
ལྕམ་མཱ་རེ་ཨ་ Maria ལགས་ཀྱིས་བྷེ་ལ་ཁེ་ཊོན་དང་ས་གནས་གྲོང་སྡེ་ལྷན་ཁང་གི་ཁྱབ་ཁོངས་མང་ཆེ་བའི་ནང་གད་སྙིགས་གཡུག་སྟངས་ཐད་གཙོ་དོན་ཁག་ཅིག་འགྲེལ་བརྗོད་གནང་དོན།
གཡུག་རྒྱུ་ཡིན་པའི་ཅ་དངོས་རྣམས་གད་སྙིགས་བསྡུ་རུབ་མ་བྱས་པའི་ཉིན་གཅིག་གི་སྔོན་ལ་མ་གཏོགས་རང་བྱུང་གི་ཁོར་ཡུག་ཐོག་ལ་འཇོག་མི་རུང་། དེས་ཁྱིམ་མཚེས་ཚོས་ཁྲིམས་འགལ་གྱི་གད་སྙིགས་རྣམས་དེའི་ཐོག་ལ་མི་སྤུངས་ཆེད་དང་ཁྲིམས་འགལ་གྱི་གད་སྙིགས་སྤུངས་ནས་སྒྲིག་འགལ་མི་ཡོང་བའི་ཆེད་དུ་ཡིན། ང་ཚོས་རྒྱུན་དུ་གྲོང་མི་རྣམས་ལ་གད་སྙིགས་གཡུག་སྟངས་འགྲེལ་བརྗོད་བྱེད་བཞིན་ཡོད། གལ་སྲིད་གད་སྙིགས་གཡུག་སྟངས་སྒྲིག་འགལ་ཆགས་ཚེ་ཉེས་ཆད་ཨོ་སྒོར་ ༤༠༠༠ མན་ཕོག་སྲིད་ཀྱི་ཡོད་པ་རེད་ཅེས་གསུངས་འདུག
ཅ་དངོས་གང་ཞིག་བསྡུ་ལེན་བྱེད་བཞིན་ཡོད་མེད་གྲོང་ཁྱེར་ལྷན་ཁང་ཁག་ལ་ཁྱད་པར་ཡོད།
མེལ་བྷོན་གྱི་མེ་རེ་བྷི་ཁེ་གྲོང་སྡེ་ལྷན་ཁང་གིས་ཅ་དངོས་ཁག་ཅིག་སྤྱིར་བཏང་སྲག་མཁྲེག་གད་སྙིགས་སུ་བརྩི་བཞིན་ཡོད་སྐོར་འགྲེལ་བརྗོད་བྱས་འདུག
སྲ་མཁྲེག་གད་སྙིགས་ནང་དཔེར་ན་ཁྱིམ་ཆས་ཁག་དང་། ཉལ་གདན། ད་དུང་གོས་འཁྲུ་འཕྲུལ་ཆས་དང་ཕོར་པ་འཁྲུ་ཆས། གྲང་གློག འཁྱག་སྒམ་རིགས། ད་དུང་ས་གདན་རིགས། མི་བཟོས་པང་ལེབ་དང་ཤེལ་སྒོ་རིགས་ནི་བསྐྱར་སྤྱོད་མི་རུང་བའི་སྲ་མཁྲེག་གད་སྙིགས་ཀྱི་རིགས་སུ་བརྩི་བཞིན་ཡོད་སྐོར་བརྗོད་འདུག
ཨར་ལས་རྒྱུ་ཆ་ཚུད་པའི་གད་སྙིགས་དེ་དག་སྲ་མཁྲེག་གད་སྙིགས་བརྩིས་ནས་དེ་དག་གང་བྱུང་དུ་འདོར་མི་རུང་།
ཁོ་མོས་ཨར་ལས་རྒྱུ་ཆ་སོགས་ཅ་དངོས་དེའི་རིགས་ང་ཚོས་དབོར་ལེན་བྱེད་བཞིན་མེད། དེ་ཧ་ཅང་གི་གལ་ཆེན་པོ་ཞིག་ཆགས་ཀྱི་འདུག་གང་ཡིན་ཟེར་ན་མི་མང་པོ་ཞིག་མགོ་འཐོམས་ཀྱི་ཡོད་པ་རེད། དེ་འདྲ་སོང་ཙམ་གལ་སྲིད་ཁྱེད་རང་གིས་ཁང་པ་བཟོ་བསྐྲུན་དང་བཟོ་བཅོས་རྒྱག་གི་ཡོད་ཚེ་གད་སྙིགས་ཆ་ཚང་ཕྱིར་ལ་སྤུངས་མི་རུང་། ཁྱེད་རང་གིས་གད་སྙིགས་དེ་དག་དམིགས་བསལ་གད་སྙིགས་ཞབས་ཞུའི་བརྒྱུད་ནས་གཡུག་དགོས་པ་ཡིན། ཁྱེད་རང་གི་དུས་རྒྱུན་གད་སྙིགས་བླུག་སྣོད་ནང་རྫས་འགྱུར་གྱི་རིགས་དང་། སྣུམ། དུག་གི་རིགས། ཚོན་བརྩི་རིགས་བླུག་ཆོག་གི་མེད། ད་དུང་མོ་ཊའི་འཁོར་ལོའི་རིགས་སོགས་གཡུག་ཆོག་གི་ཡོད་པ་མ་རེད་ཅེས་གསུངས་འདུག
ཝི་ཊོ་རི་ཡ་མངའ་སྡེ་ནི་གློག་ཆས་གད་སྙིགས་རིགས་ས་ཐོག་ཏུ་གཡུག་པར་བཀག་སྡོམ་བྱེད་མཁན་ཞིག་ཡིན། དེས་ཉེན་ཁ་འཕྲད་སྲིད་པས་ཡིན། དེ་ནི་ས་གནས་གྲོང་སྡེ་ལྷན་ཁང་གིས་གད་སྙིགས་བསྡུ་ལེན་སྐབས་གློག་ཆས་རིགས་ཀྱི་གད་སྙིགས་རིགས་ངོས་ལེན་བྱེད་བཞིན་མེད་པ་དང་ཞིབ་ཕྲ་གནས་ཚུལ་ཁོང་ཚོའི་དྲ་ཐོག་ལ་གཟིགས།
སྐུ་ཞབས་མཱ་ཊེ་ཇེ་ནི་ཝར་ Matt Genever ལགས་ཀྱིས་དེའི་ཐད་འགྲེལ་བརྗོད་གནང་དོན།
ཁོང་གིས་གློག་ཆས་ཀྱི་རིགས་དཔེར་ན། ཏར་སྐུད་དང་གློག་སྒམ་སོགས་གློག་ཆས་ཀྱི་རིགས་གད་སྙིགས་གཡུག་སར་ས་ཆར་གཡུག་ཆོག་གི་ཡོད་པ་མ་རེད། ཨོ་སི་ཊོ་ལི་ཡའི་ས་ཆ་གང་དུ་ཡིན་མིན་ལ་ཁྱད་པར་ཡོད་མ་རེད། གློག་ཆས་རིགས་ཀྱི་གད་སྙིགས་ཁྱེད་རང་གི་ནང་གི་གད་སྙིགས་བླུག་སྣོད་ནང་གཡུག་རྒྱུ་མེད། དཔེར་ན་བརྙན་འཕྲིན་དང་། གློག་མེ། སྐྲ་སྐམ་འཕྲུལ་ཆས། འཁྱག་སྒམ་སོགས་གད་སྙིགས་དེ་ཚོ་ས་ཆ་གཏན་འཁེལ་བྱས་པའི་ས་ཆར་མ་གཏོགས་གཞན་གད་སྙིགས་བླུག་ས་གང་བྱུང་དུ་གཡུག་ཆོག་གི་ཡོད་མ་རེད་ཅེས་གསུངས་འདུག
སྐུ་ཞབས་ཇེ་ནེ་ཝར་གྱིས་གྲོང་སྡེ་ལྷན་ཁང་གིས་དབོར་འདྲེན་བྱེད་ས་ས་ཆ་དེ་དག་ནི་གད་སྙིགས་བསྐྱར་སྤྱོད་དང་གློག་ཆས་རིགས་འདོར་ས་ཡག་ཤོས་ཡིན་སྐོར་བརྗོད་འདུག
ཁོང་གིས་གློག་ཆས་ཅ་ལག་ཆུང་ཆུང་རིགས་དཔེར་ན། གློག་མེ་དང་ཁ་པར་རིགས་སོགས་གཡུག་སར་ཧར་ཝེ་ནོར་མན་ Harvey Norman དང་ ཨོ་པི་སི་ཝོར་ཁེ་སི་ Officeworks དེ་ཚོར་གད་སྙིགས་དེ་རིགས་གཡུག་སའི་མཛོད་ཁང་ཡོད་པས་དེ་དག་དང་འདྲ་བར་ས་གནས་ཁག་སྟོང་ཕྲག་མང་པོར་གད་སྙིགས་ཅ་དངོས་དེ་རིགས་གཡུག་ས་ཡོད་པ་རེད་ཅེས་གསུངས་འདུག
མངའ་སྡེ་དང་ས་ཁུལ་ཁག་གིས་རྫས་འགྱུར་ཐེ་བའི་ཁྱིམ་ཚང་གི་དུག་ལྡན་དངོས་པོ་རིགས་བདེ་འཇགས་ཐོག་ནས་འདོར་བར་རིན་མེད་ཐོག་ལས་རིམ་ཞིག་ལག་བསྟར་བྱེད་བཞིན་ཡོད། སྐུ་ཞབས་ཇེ་ནེ་ཝར་ལགས་ཀྱིས་རྫས་འགྱུར་དང་དུག་ལྡན་གྱི་དངོས་པོ་དེ་རིགས་གད་སྙིགས་གཞན་ལས་ལོགས་སུ་དབྱེ་དགོས་ཀྱི་ཡོད་སྐོར་བརྗོད་འདུག
ཁོང་གིས་རྫས་འགྱུར་གྱི་རིགས་དཔེར་ན་གཙང་བཟོའི་ཡོ་ཆས་རིགས་དང་། བྷི་ལི་ཆེ་ Bleach སེན་མོ་ཚོན་རྩི་སོགས་དེ་ཚོ་ཉེན་ཁ་ཡོད་པའི་རིགས་ཡིན། གཞན་ཡང་འབུ་གསོད་ཆས་ཀྱི་དུག་ཆུའི་རིགས་དང་། ས་སྣུམ། རླངས་རྫས་ཀྱི་རིགས་དེ་ཚོ་ཡང་ཉེན་ཁ་ཡོད་པའི་ཐོན་རྫས་ཡིན་པས་དེ་ཚོ་ངེས་པར་དུ་ཁྱེད་རང་གི་གད་སྙིགས་བླུག་སྣོད་ནང་གཡུག་ན་མི་འགྲིག ད་དུང་དེ་ལས་གལ་ཆེ་བ་ཞིག་ལ་དེ་ཚོའི་རིགས་ཁྱེད་རང་གི་ཁང་པའི་ཆུ་འགྲོ་སའི་ཡུ་བ་ནང་རྩ་བ་ནས་བླུག་རྒྱུ་མེད། དེ་ཚོ་ངེས་པར་དུ་དམིགས་བསལ་གྱི་གད་སྙིགས་གཡུག་སར་གཡུག་དགོས་པ་རེད་ཅེས་གསུངས་འདུག
