Australia needs people to do these jobs. Here's what it could mean for visa opportunities
- ሓድሽ ጸብጻብ ከም ዝሕብሮ 286 ናይ ስራሕ ዓይነታት ብሃገራዊ መዳይ ሕጽረት ኣጋጢምዎም እዩ: እዚ ካብቲ ኣብ 2021 ዝነበረ 153 ቦታታት ብዳርጋ ዕጽፊ ዓብዩ እዩ ።
- እንተኾነ ነቲ ናይ ቪዛ ዕድላት ንምምሕያሽ ብኡ ንብኡ ዝዕረ ኣይኮነን ።
ኣብ ዝሓለፈ ዓመት ሕጽረት ክኢላዊ ስራሕ ዳርጋ ብዕጽፊ ወሲኹ እዩ ፣ ኣብዚ እዋን እዚ ፡ ሰበ-ስልጣን ነቲ ጸገም ንምፍታሕ ዘኽእሎም ዝበለጸ መገድታት የናድዩ ኣለዉ ፣ ይኹን እምበር ፡ ንቪዛ ዝምልከት ዕድላት ንምምሕያሽ "ኦቶማቲክ" ኣይከውንን እዩ ።
እቲ ብፈደራል መንግስቲ ዝተመወለ ሃገራዊ ናይ ኪኢላታት ኮምሽን ናይ 2022 ቀዳምነት ዝህቦም ናይክእለት ስራሓት ዘርዚሩ ኣሎ ፡ በዚ ድማ 286 ናይ ስራሕ ዓይነታት ሕጽረት ኣጋጢምዎም ኣሎ ፡ እዚ ምስቲ ኣብ 2021 ዝነበረ 153 ናይ ስራሕ ቦታታት ክነጻጸር ከሎ ፡ ብሃገር ደረጃ ኣዚዩ ብዙሕ ሕጽረት ኣጋጢሙ ኣሎ ።
ብሓሙስ ሚኒስተር ክእለት ፡ ብረንዳን ኦኮኖር ፡ "እቲ ኣብ ዕዮታት እተዘርዘረ ኣብ ጸገም ዘለዉ ስራሓት ፡ ነቲ ዘጋጥመና ዘሎ ሕጽረት ክእለት ብቕልጡፍ ኽንፈትሖ ዘገድደና እዩ" በለ ።
ዝለዓለ ጠለብ ስራሕ ናይ ነርሳት ፡ ናይ ሶፍትዌር ፕሮግራመራት ፡ ኣብ ክንክን ኣረጋዊያን ዝሰርሑ ሰራሕተኛታት ፡ ኣካየድቲ ስራሕ ህንጻን ሰራሕተኛታት ክንክን ህጻናትን የጠቓልል ።
እቲ ኮምሽን ንመንግስቲ ውሳኔታቱ ዝሕግዝ ምኽሪ ሂቡ ኣሎ ፡ እንተኾነ ናይ ግራንት ኢንስቲትዩት ቁጠባዊ ፖሊሲ ፕሮግራም ዳይረክተር ብረንዳን ኮትስ እዚ ሓድሽ ዝርዝር ፡ ናብቲ ብመንግስቲ ዝማዕበለን ንመስርሕ ቪዛ ዘገልግል ዝርዝር ናይ ክኢላታት ዝኾነ ቅልጡፍ ለውጢ ከምጽእ ኣይክእልን እዩ ኢሉ፡ እዚ ድማ ንመብዛሕትኡ ናይ ኣውስትራሊያ ክኢላ ስደት ዘመልክት እዩ ።
ናይ 2022 ብሃገራዊ ኮሚሽን ኪኢላዊ ስራሓት ዝቐረበ ቀዳምነት ዝወሃቦም ዝርዝር ኪኢላዊ ዓቕሚን ልዑል ጠለብ ዘለዎም ስራሓት Source: SBS
ኣብዚ ዕዮ እዚ ካብ ዝርከቡ ሰባት ዝቐርብ ምልክታታት ብናይ ሓባራዊ ሃብቲ ከምኡውን ብናይ መምሕድዳር ግዝኣትን ተሪቶሪታትን ናይ ቪዛ ምድላው ውጥናት እዩ ። ኣብዚ ቀረባ እዋን ናይ ሆስፒታል ፋርማሲስት ፣ ኢንዱስትሪያዊ ፋርማሲስት ከምኡውን ናይ ሸቐጥ ፋርማሲስት ኣብቲ ዝርዝር ኣብ ሓምለ 2021 ተወሲኹ ኣሎ ።
ኣብ ናይ ነዊሕ ናይ ሞያ ዝርዝር ፤ ልዕሊ 400 ዓይነት ኪኢላዊ ስራሓት ዘጠቓለለ ክውስኽ ይኽእል ፤ ከምኡ" ውን ብሓጺር ግዜ ፤ ብክልልን ብኻልእ መምሕድዳር ግዝኣትን ብናይ ክሊ ሓገዝ ቪዛ ንዝበለጸ ውሳኔ ንምሕባር ፤ ብዙሕ ግዜ ክወስድ ይኽእል ።
ከም ነርስ ዝበሉ ሰራሕተኛታት ክንክን ጥዕና ኣዚዩ ተጠላቢ ዓይነት ስራሕ እዩ። Source: AAP
ሚስተር ዊሎክስ ፡ "ነኣሽቱ ንግዳዊያን ትካላት ካብ ውሽጢ ሃገር ሰራሕተኛታት ንምርካብ ስለዝሽገሩ ዘለዉ፡ ኸም 482 ናይ ግዜያዊ ቪዛ ዝኣመሰለ መደባት ፡ ኣገዳስነቱ እናዓበየ እዩ ዝኸይድ ዘሎ" በለ ።
"ናይ ሃገራዊ ናይ Skills ኮምሽን ሓበሬታ ካብ ክፍሊ ውሽጣዊ ጕዳያት ቐዳምነት ዝወሃቦ ዝርዝር ስራሕ ፍልይ ዝበለ እኳ እንተዀነ: ዝርዝር ናይ ስራሕ ዝርዝር ከም ዝመሓየሽ ግን ኣገዳሲ ሓበሬታ ከቕርብ ኣለዎ ።"
SBS News ን ስኪል ሚኒስተር ብረንዳን ኦኮርን ብዛዕባ እቲ መንግስቲ በቲ ተመሓይሹ ዘሎ ቀዳምነት ዝወሃቦም ዝርዝር ስራሓት ተጠቒሙ ናይ ቪዛ ቅድመ-ኵነት ለውጢ ክገብር ምዃኑን ዘይምዃኑን ሓቲትዎ እኳ እንተ ነበረ ፡ ንሕትመት ቅድሚ ምቕራቡ ግን ምላሽ ኣይረኸበን ።
ሰራሕቲ ምግቢ (Chefs)ን ከሸንቲን (cooks) ካብቶም ኣብ ኣውስትራሊያ ዝድለዩ ኪኢላዊ ስራሕ እዮም።
"በዚ ምኽንያት እዚ ከኣ እዩ መንግስቲ ኣልባነስ ኣብቲ ዋዕላ ጆብስን ስኪልስን : ነቲ ሕጂ ኣብ ላዕለዋይ ባይቶ ቀሪቡ ዘሎ ናይ ኣውስትራሊያ ቢል ዝምልከት ክፋል ከኣ ቀዳምነት ዝህቦ ዘሎ" በለ ።
"ሃገራዊ ካቢኔ ኣብ 2023፡ 180,000 ካብ ክፍሊት ነጻ ናይ TAFE (ናይ ኪኢላ ትምህርቲ) ቦታታት ንኽበጽሕ ዝተሰማምዓሉ ምኽንያት ከምኡውን መንግስቲ ለበር 20,000 ሓደስቲ ናይ ዩኒቨርሲቲ ዕድላት ክህብ ቃል ዝኣተወሉ ምኽንያት እውን እዚ እዩ ።"
መንግስቲ ኣልባነስ ኣብ TAFE ን ዩኒቨርሲቲን ንዝመሃሩ ብዝሒ ወሲኹ እዩ። Source: AAP
እዚ ከምዚ ኢሉ ከሎ ኣብ ዕዳጋ ሽቕለት ቀጻሊ ጉዳያት ከም ሕጽረት ቴክኒሻናትን ሰብ ሞያን ዝኣመሰሉ ጉዳያት ቀጻሊ ጸገማት ምዃኖም እቲ ጸብጻብ ይገልጽ ።
እቲ ጸብጻብ ከምዘመልክቶ ኣብ ኣውስትራሊያ ውሽጢ ንዝውሃብ ስራሕ ንምንዳይ ዝቐርብ መጸዋዕታ (ኣድቨርታይሰ) ምስ ዝሓለፈ ዓመት ክነፃፀር ከሎ ብ42 ሚኢታዊ ከምዝወሰኸን ኣብ ነሓሰ 2022 309,900 ስራሓት ንምርካብ ኣድቨርታይስ ከምዝተገብሩን ይሕብር ።
ልዕሊ ፍርቂ ካብቲ 20 ዝበዝሐ ናይ ስራሕ ቦታታት (ናይ ዓበይትን ስንኩላንን ኣለይቲ: ኤሌትሪክ: ናይ ድኳን ወይ ወይተርስ የጠቓልል) እዞም ዓይነት ስራሓት ከቢድ ሕጽረት ሰራሕተ ኣጋጢምዎም እዩ ።
