Explainer

ለውጢ ኣብ ናይ ኣውስትራሊያ ቪዛታት ን 2023-24: ዛጊት ብዛዕባ'ዚ እንታይ ንፈልጥ

ቅድሚ'ቲ ኣብዚ ወርሒ ዝግለጽ ናይ መንግስቲ ፈደራል ባጀት ፡ ከምኡ' ውን ድሕሪ ናይ ኣውስትራሊያ ናይ ፍልሰት ኣሰራርሓ ምግምጋም ፡ ኣብዚ ዓመት 'ዚ ናይ ቪዛ ለውጥን ዕድላትን ኣብ ግብሪ ይውዕል ።

A graphic showing a person wearing a hat and backpack, and an immigration stamp.

ሓድሽ ኣገባባት ቪዛ ካብ 1 ሓምለ 2023 ዝጅምር እዩ። Source: SBS / Getty

ናይ ኣውስትራሊያ ናይ ማይግሬሽን ስርዓት ኣብ ዝሓለፈ ሰሙን ዝወጸ 186 ገጽ ዝሓዘ ገምጋም "ንዕላማ ናይዚ ሃገር ኣይበቕዕን" ዩ ብምባል ድሕሪ ምንቃፉ ብፍላይ ንግዚያዊያን ሰራሕተኛታት ሓደገኛ ከም ዝኾነ ገምጊሙ እዩ ።

ሚኒስተር ጕዳያት ዉሽጢ ክላር ኦኒል ብድሕሪ'ቲ ዝተገልጸ ገምጋም ክልተ ምልክታታት ኣውጽአ: እቶም ናይ ኣውስትራልያ ቪዛ ክረኽቡ ዝደልዩ ሰባት ከኣ ብ9 ግንቦት ብፈደራል ኣብ ዝወጽእ ባጀት ዝያዳ ክሰምዑ ተስፋ ይገብሩ ኣለዉ ።

ዛጊት ን 2023-24 ዝህልዉ ዝተፈልጡ ዓይነታት ቪዛ እንታይ እዮም?

  • ንኒውዚላንዳዊያን ናብ ዜጋታት ክኾኑ ዝገብር መገዲ

ካብ 1 ሓምለ 2023 (ምጅማር ናይ ኣውስትራሊያ ገንዘባዊ ዓመት) ፡ ኣብ ኣውስትራሊያ ንኣርባዕተ ዓመታት ወይ ካብኡ ንላዕሊ ንዝጸንሑ ኒው ዚላንዳውያን ብቐጥታ ናይ ኣውስትራሊያ ዜግነት ንምርካብ ክሓቱ ይኽእሉ እዮም ። ድሕሪ ደጊም መጀመሪያ መመልከቲ ኣየድልዮምን ቀዋሚ ቪዛ ድማ ይወሃቦም ።

  • ሓድሽ ቪዛ ንካብ ፓሲፊክ ዝመጹ ተሰደድቲ

ካብ ሃገራት ፓሲፊክን ቲሞር ለሰትን ፍቓድ ንዘለዎም 3,000 ስደተኛታት ዝኸውን ቦታ ብምሃብ ሓድሽ ቪዛ ክተኣታቶ እዩ ።

ናይ ፓስፊክ ናይ ኢንጅነሪንግ ቪዛ (PEV) ነቑጣታት በብዓመቱ ናይ ቪዛ መስርሕ ክምደብ እዩ ፡ እቶም ዝተመርጹ ድማ ኣብ ኣውስትራሊያ ቀዋሚ መንበሪ ፍቓድ ንኽወሃቦም ከመልክቱ ይኽእሉ ።
መመልከቲ ካብ ሓምለ ጀሚሮም ብ ኦንላይን ከመልክቱ ይኽእሉ ።

  • ለውጢ ኣብ ናይ ተመሃሮ ቪዛ

ኣብ እዋን ለበዳ ኮቪድ-19 ሕጽረት ናይ ስራሕ ቦታ ንምፍታሕ ፡ ናይ ተማሃሮ ቪዛ ዝሓዙ ናይ ስራሕ ሰዓታት ቀይድታት ተላዒሎም ድሕሪ ምጽናሕ ኣብ ዝሓለፈ ወርሒ ጥሪ ተወጊዶም ። በዚ ከኣ ነቶም ናይ መባእታን ካልኣይን ደረጃ ናይ ተመሃሮ ቪዛ ዝሓዙ ሰባት ኣብ ክልተ ሰሙን 40 ሰዓታት ክሰርሑ ይፍቀደሎም ።

ካብ 1 ሓምለ ጀሚሩ ግን ንተማሃራይ ናይ ቪዛ ስራሕ ቀይድታት ዳግማይ ክተኣታተውን ኣብ ክልተ ሰሙን 48 ሰዓታት ክሰርሑ ክኽእሉ እዮም ።

ብተወሳኺ ካብዚ ዕለት እዚ ጀሚሮም ገለ ናይ ሳብክላስ 485 ግዝያዊ ዝተመረቑ ቪዛታት ኣብ ኣውስትራሊያ ንዝነውሐ ግዜ ክጸንሑ ክኽእሉ እዮም ።
እቲ ናይ ምጽናሕ ምውሳኽ ናይ ኣርባዕተ ዓመት ናይ ዲግሪ ተመረቕቲ (ካብ ክልተ ዓመት ንላዕሊ) ፡ ናይ ማስተርስ ዲግሪ ተመረቕቲ ሓሙሽተ ዓመት (ካብ ሰለስተ ዓመት ንላዕሊ) ከምኡ "ውን ናይ ዶክትሬት ምሩቓት ሽዱሽተ ዓመት (ካብ ኣርባዕተ ንላዕሊ) ክጸንሑ ይኽእሉ ።

  • ነቶም ብናይ ዙረት (ሆሊደይ) ቪዛ ዝኣትዉ

ፍቓድ ከይሓተቱ ንልዕሊ ሽዱሽተ ኣዋርሕ ንሓደ ኣስራሒ ወይ ትካል ኣስራሒ ብናይ ዙራት ቪዛ (WHMs)መጺኦም ክሰርሑ ዝፍቀድ መምርሒ ኣብ 1 ሓምለ ይዛዘም ። እቲ ንሽዱሽተ ወርሒ ዝጸንሕ ናይ ስራሕ ፍቓድ ፡ ኣብ ጥሪ 2022 ፡ ነቲ ኣብ እዋን ለበዳ ዘጋጥም ዝነበረ ሕጽረት ሽቕለት ንምምካት ፡ ንግዜኡ ተላዒሉ ነይሩ እዩ ።
ዝኾነ ስራሕ ቅድሚ 1 ሓምለ ዝካየድ ክሳብ ናይ ሽዱሽተ ወርሒ ናይ ግዘ ገደብ ኣይቁጸርን ። እዚ ማለት WHMs ቅድሚ 1 ሓምለ ጀሚሩ ዋላ "ውን ክሳብ ተወሳኺ ሽዱሽተ ኣዋርሕ ንዝኾነ ኣስራሒ ክሰርሕ ይኽእል ።

ካልእ ኣብ ናይ ሚግረሽን ለውጢታት እንታይ ኣሎ?

እቲ ሓለቓ ህዝባዊ ኣገልግሎት ዝነበረ ማርቲን ፓርኪ ዝመርሖ ገምጋም፡ ኣብ ኣውስትራልያ ዘሎ ናይ ፍልሰት ኣገባብ ፡ ገሊኡ መዳያቱ ጽቡቕ እኳ እንተ ኰነ ፡ እቲ ቀንዲ መዳያት ግና "ከም እተሰብረ" ተገንዚቡ ።
መንግስቲ ንኽሓስበሉ 38 "ናይ ተሃድሶ ወይ ሪፎርም መምርሒታት" ኣሕሊፉ: ሚኒስተር ጕዳያት ውሽጢ ክላሪ ኦኒል ድማ ክሳዕ ሕጂ ክልተ ምልክታታት ኣውጺኣ ኣላ ።
ስደተኛታት ዝያዳ እቶት ክረኽቡ ኣለዎም
ቀዳማይ ፡ ሓደ ኣመልካቲ ካብ 1 ሓምለ ጀሚሩ ካብ ኣስራሒ ደገፍ ዝረኽበሉ (ስፖንሰር ዝገብሮ) ዝተሓተ ደሞዝ ክውስኽ እዩ ።
እቲ ናይ ግዝያዊ ኪኢላ (Skilled Migration) ቅድሚ ዓሰርተ ዓመት ብ53,000 ዶላር ካብ ዝተኣታተወሉ ግዜ ኣትሒዙ ኣይዓበየን ። ሕጂ ናብ 70,000 ዶላር ደሞዝ ክኸውን እዩ።
"እዚ ኣብ ዓሰርተ ዓመት ንመጀመርታ ግዜ እተራእየ ወሰኽ ንTSMIT እዩ ። "ትብል ሚስ ኦኒል ፡ እቲ ክለሳ ኣብ ዝተገልጸሉ መዓልቲ ኣብ ዝሃበቶ መግለጺ ።

  • ናይ ኪኢላ ስራሕተኛታት (Skilled workers) ናብ ቀዋሚ መንበሪ መገዲ ክረኽቡ እዮም

ብኻልኣይ ደረጃ ድማ ፡ መንግስቲ ንኹሎም ክኢላታት ግዜያዊ ሰራሕተኛታት ፡ ክሳብ መወዳእታ ናይ "ዚ ዓመት ቀዋሚ ነባርነት ንምርካብ ከመልክቱ ዕድል ከምዝህቦም ገሊጹ ።
A woman speaking into microphones while standing at a lectern.
Home Affairs Minister Clare O'Neil Source: AAP / Lukas Coch
ናይ ኣውስትራሊያ ክፍሊ ኢሚግሬሽን ምክትል ጸሓፊ ዝነበረ ኣቡል ሪዝቪ ክልቲኡ ለውጢ ኣወንታዊ እዩ ኢሉ ።

"እቲ ንክኢላታት ብግዝያዊ መገዲ ነባሪ መንበሪ ዝኸውን መገድታት ፡ ብርግጽ ጽቡቕ ስጕምቲ ይመስለኒ" በለ ።

ኣብዚ ወርሒ ዝግለጽ ባጀት እንታይ ናይ ቪዛ ለውጢ እዩ ክህሉ?

ሚስተር ሪዝቪ ከምዝሓበሮ እቲ ዝተገብረ ክለሳ ዝሰፍሐን ስትራተጂ ነቲ ዝመጽእ ዘሎ ፈደራላዊ ባጀት ጽልዋ ኣለዎ ።
"ብዛዕባ እቲ ባጀት ተወሳኺ ምልክታታት ክህሉ ይኽእል እዩ" ድማ በለ ።
ይኹን እምበር ፡ ዝዀነ ይኹን ለውጥታት ግዜ ከም ዝወስድ እውን ወሲኹ ገሊጹ እዩ ።
"እቲ ክንጽበዮ እንኽእል ነገራት ፡ ካብቲ [እቲ ባጀት] ሓሊፉ ፡ እቲ መንግስቲ ንገለ ካብቲ እማመታት ብኸመይ ኣብ ግብሪ ከም ዘውዕሎ ዝርዝር ነገራት ኣብ ዝሰርሓሉ ዘሎ እዋን ፡ ተወሳኺ ለውጥታት ከምጽእ ይኽእል እዩ" ይብል ።

ቀዳማይ ሚኒስተር ኣንቶኒ ኣልባነሰ ኣብቲ መንግስቱ ኣብ ጥቅምቲ ንፈለማ ግዜ ባጀት ኣብ ዘፍለጠሉ ፡ ነቲ ናይ ሃገር ስደት ፕሮግራም ኣሰራርሓ ክቕይሮ ከሎ ፡ ተወሳኺ 576 ሚልዮን ዶላር ኣብ ልዕሊ ኣርባዕተ ዓመት ናብ ክፍሊ ውሽጣዊ ጕዳያት ፡ እንተላይ ናብ መስርሕ ቪዛ ኣታዊ ገይሩ እዩ።

እቲ ናይ ሚግረሽን ግምገማ ዝኣመሞ ካልእ ጉዳይ?

እቲ ኣብ ኣውስትራሊያ ዘሎ ናይ ፍልሰት ፕሮግራም ነቶም ኣዝዮም ክኢላታት ዝኾኑ ፍልሰተኛታት ክስሕብን ናይ ንግዲ ትካላት ንሰራሕተኛታት ስሉጥ ግልጋሎት ክህባ ዘኽእለን እዩ ። እዚ ከምዚ ኢሉ ከሎ "ስርዓታዊ ምዝመዛ ከም ዘሎን ንሓዋሩ ክወጽእ ከም ዝኽእልን ዝሕብር ንጹር መርትዖ" ረኺቡ እዩ ።
እቲ ክለሳ ፡ ናይ ኣውስትራሊያ ናይ ቪዛ ኣገባባት "ብዘይፍላጥ ንሓደ ናይ ግዚያዊ ስደተኛታት ንሓዋሩ ግዚያዊ ንክኸውን ኣኽኢሉ እዩ" ይብል ።
ገለ ካብቲ ናይ ተሃድሶ ወይ ሪፎርም ኣንፈታት ፡ ሰለስተ ዝተማሓየሸ ስርዓተ-መርመራ ፡ ውሑድ ዓይነታት ቪዛ ፡ ኣብ ኣህጉራዊ ተመሃሮ ኣብ ምሓዝ ዘተኰረ ፡ ከምኡ "ውን ናይ ኣውስትራሊያ ስርዓተ-ነጥቢ ምቕያር ፡ ነቶም" ኣብ ነዊሕ እዋን ዝለዓለ ቁጠባዊ ኣበርክቶ ዝገብሩ "ስደተኛታት ንምምራጽ እዩ ።
ጠበቓ ስደት ረበካ ማክሚላን ካብ ትካል ሕጊ ሃሊንግ ረዲሊች ነቲ እተገብረ ክለሳን ለውጥን ብሰፊሑ "ርትዓዊ" እኳ እንተ ነበረ ፡ ነዊሕ መገዲ ከም ዘሎ ግን ኣጠንቀቐ ።
"እዚ ኵሉ ኽሳዕ ክንደይ ቀልጢፉ ከም ዝኸውን ምፍላጥ ኣጸጋሚ እዩ" በለት ።

"እቲ ምሕጽንታታት ብኸመይ ከም ዝጅመር ኣዕሚቝካ ምሕሳብ የድልዮ ነበረ ።"

ገለ ካብቲ መንግስቲ ኣብ ናይ ፍልሰት ስትራተጂ ዘውጽኦ ውጥናት ፡ ቀንዲ ግዝያዊ ክኢላ መገዲ ምህናጽ ፡ - ነቲ ዘድልየኻ ክእለት ንምውሳንን "ግዜኡ ዝሓለፎን ዘይተዓጻጸፍን ዝርዝር ስርሓት" ንምጥፋእ ፡ - ንፍሉያት ፡ ልዑል ክእለት ዘለዎም ሰራሕተኛታት ቪዛ ንክረኽብኡ ቅልጡፍን ቀሊልን መገዲ ምሃብን ንዅሉ ደረጃታት ክእለት ከም ዝጥርንፍ ምግባርን ።
እቲ መንግስቲ ኣብ ወርሓት ግንቦትን ሰነን ብዛዕባ'ዚ ክመኽረሉ እዩ ፡ እዚ ድማ ነቲ ናይ መወዳእታ ናይ ፍልሰት ስትራተጂ ኣብ "ዚ ዓመት" ዚ ንምውጻእ መደብ ኣለዎ ።

ኣውስትራሊያ ብዙሓት ስደተኛታት ክኣትዉ ትደሊ ድያ?

ኣብ ዝሓለፈ ሰሙን ን SBS ዜና ዝተዋህቦ ወግዓዊ ኣሃዛት ከምዘመልክቶ ናይ ኣውስትራሊያ ጽሩይ ናይ ወጻእ ሃገር ፍልሰት (NOM) ኣብዚ ዓመት 400,000 ክበጽሕ እንከሎ ኣብ 2023-24 ድማ 315,000 ክበጽሕ ትጽቢት ይግበር ።

ሚስ ኦንኤል ከምትገልጾ ነቲ መንግስቲ ዘውጽኦ ስትራተጂ "ብዛዕባ ብዙሓት ሰባት ኣይኰነን" ምክትል መራሒ መራሒት ሰልፊ ሊብራል ሱሳን ለይ ድማ ሰልፊ ለበር "ዓብዪ ኣውስትራልያ" ዝብል ፖሊሲ ምኽታሉ ከሲሳ ።
ሚስተር ሪዝቪ ከም ዝገለጾ ፡ እቲ ናይ መመርመሪ ዋሕዚ ስደት ክውስኽ ብኽልተ ረቛሒታት እዩ ፣ እዚ ድማ ብሰንኪ ኮቪድ-ዘመን ዝተፈጥረ ሕጽረትን ፡ "ናይ ብሓቂ ውዑይ ዕዳጋ ስራሕን" እዩ ።

"ንኽልቲኦም ኣራኺብኩም ፡ ምናልባት እውን ብዝሒ ናብዚ ሃገር ዝ ኣትዉ ስደተኛታት ክበዝሑ ምርኣይ ዘይተርፍ እዩ" በለ ።


እዛ ዓንቀጽ እዚ ፡ ድሕሪ እቲ ብ9 ግንቦት ብፌደራል ዝግለጽ ባጀት ክመሓየሽ እዩ ።


SBS is unable to provide immigration advice. Further information about visas can be found at the
Department of Home Affairs website
.
Share
Published 4 May 2023 12:44pm
By Emma Brancatisano
Source: SBS

Share this with family and friends