እዋናዊ ሓበሬታ ብዛዕባ ኮቪድ-19: ኣብ ቪክቶሪያ ካብ ዝመጽእ ሰሙን ኣትሒዙ ዝያዳ ናይ መጥባሕቲ ኣገልግሎታት ክወሃብ'ዩ።

እዚ ናይ ለካቲት 16 እዋናዊ ሓበሬታ ኮቪድ 19 ኣብ ኣውስትራሊያ እዩ።

Victorian Premier Daniel Andrews speaks to the media during a press conference in Melbourne, Wednesday, February 16, 2022. (AAP Image/James Ross) NO ARCHIVING

Victorian Premier Daniel Andrews. Source: AAP Image/James Ross

ተወሰኽቲ ኣገልግሎት ናይ መጥባሕቲታት ካብ ሰኑይ 21 ለካቲት ጀሚሩ ኣብ መልበርንን ዞባ ቪክቶርያን ክካየድ እዩ ፡ ኣብ ዝቕጽል ሰሙን 100% ዓቕሚ ዳግመ-ምስራሕ ክግበር እዩ ፡ እዚ ዝኸውን ኣብ ሆስፒታል ዝርከቡ ሕሙማት ኮቪድ-19 እንተቐኒሶም እዩ ።
ሚኒስተር ጥዕና ቪክቶሪያ ማርቲን ፎለይ ፡ "እቲ ኣብ ሆስፒታል ብኮቪድ ዝድቅሱ ብዝሒ በብግዜኡ እናንቈልቈለ ምስ ከደ ፡ ኩነታት ሰራሕተኛታት እውን እናተመሓየሹ ምስ ከዱ ፡ ነቲ ዝተረፈ ቀይድታት ከነወግዶ ኣብ ዘይንኽእል ደረጃ ኢና ዘለና" ኢሉ ።
ሎሚ ንግሆ ፕሪሜር ቪክቶርያ ዲክቶር ዳንኤል ኣንድሪውስ "እዚ ኩሉ ሕግታት ተገምጊሙ እዩ: ኣብ ቀረባ ግዜ ድማ ገለ ኣወንታዊ ምልክታታት ከውጽእ ብሃንቀውታ እየ ዝጽበ" ኢሉ ።
ኣብ ህጻናት ኲንስላንድ መልከፍቲ እናወሰኸ ይኸይድ ኣሎ ፡ ሚንስተር ጥዕና የቨት ዲኣክት ግን "ኣብያተ ትምህርቲ ክሳብ ሕጂ ብጽቡቕ ይመሓደራ ኣለዋ" ዉሸባን ቀይዲ ምዕጻውን ኣድላዪ ኣይኮነን ኢላ።
ናይ ኲንስላንድ ሓላፊ ጥዕና ጆን ጀራርድ "ክታበት ንገጽ እዚ ሕማም ምሉእ ብምሉእ እዩ ቀዪርዎ" በለ ።

ኣሃዛት ኮቪድ-19 ኣብ ግዝኣታት ኣውስትራሊያ

ኒው ሳውዝ ዌልስ 1,478 ናይ ኮቪድ ሕሙማት ኣብ ሆስፒታል ተዓቚቦም 92 ጽዑቕ ሕክምናዊ ክንክን ይግበረሎም ኣሎ። ሞት ናይ 27: ብኮቪድ-19 ሓደስቲ ሕሙማት ድማ 10,463 ።

ኣብ ቪክቶሪያ 397 ሰባት ኣብ ሆስፒታል ይርከቡ ፡ 68 ኣብ ICU ፡ 13 ድማ ብ መተንፈሲ ሓገዝ ኣለዉ። ሎሚ ፡ 18 ሰባት ሞይቶም ፡ 8,149 ድማ ሓደስቲ መልከፍቲ ተጸብጺቡ ።

ኣብ ኲንስላንድ 6,596 ሓደስቲ ብኮቪድ-19 ዝተትሓዙን 12 ዝሞቱን ኣለዉ ። ኣብ ናይ ህዝቢ ሆስፒታል ስርዓት ብኮቪድ-19 ዝሓመሙ 404 ሕሙማት ኣለው ፤ ብዘይካ ኣብ ናይ ግሊ ሆስፒታላት 28 ተሓከምቲ ፤ ብድምር 38 ሕሙማት ኣብ ጽዑቕ ሕክምና ይርከቡ ።

ታዝማኒያ 625 ሓደሽቲ ብኮቪድ-19 ዝተለኽፉ ሰባት መዝጊባ ኣላ ። 13 ሰባት ኮቪድ-19 ኣብ ሆስፒታል ኣለዉ ፡ ክልተ ካብኦም ድማ ኣብ ICU ።

ኣብ 'ዚ እዋን' ዚ ንለበዳ ኮቪድ-19 ብቋንቋኻ ሓበሬታ ንምርካብን ዝውሰድ ስጉምትታት ንፍላጥነ ኣብዚ ጠውቕ ።

here