ዝሓለፈ ዓርቢ ኣውስትራልያ ብውሑዱ 157 ሞታት ብሰንኪ ኮቪድ-19 ጸብጺባ፣ 107 ኣብ ቪክቶርያ፣ 22 ኣብ ኒው ሳውዝ ዌልስን 17 ኣብ ኲንስላንድን።
መንግስቲ ግዝኣት ቪክቶርያ እቶም 107 ኣቐዲሞም ዘይተሓበሩ ወይ ዘይተጸብጸቡ 105 ሞታት ዘካተዩ'ዮም ኢሉ። ናይ'ታ ግዝኣት ማአከላይ መዓልታዊ ቁጽሪ ኣብ ዝሓለፈ ክልተ ቕነ 19 እዩ።
እዋናዊ ሓበሬታ ብዛዕባ ተርእዮታት ሓደስት መልከፍታት ኮቪድ-19፣ ሆስፒታል ዝኣትዉን ዝሞቱን ኣብ ኣውስትራልያ ታሕቲ ክትረኽብዎ ትኽእሉ።
ዓርቢ ቤት ጽሕፈት ኣሃዛት ኣውስትራልያ (Australian Bureau of Statistic) ካብ ጥሪ ክሳብ ሚያዝያ ናይ'ቲ ዓመት ኣብ ዝነበረ ግዜ 3,593 ሞታት ብምኽንያት ኮቪድ-19 ኔሮም ኢሉ።
እቲ ቤት ጽሕፈት ከባቢ 60,000 ሞታት ካብ ጥሪ ክሳብ ሚያዝያ ዘሎ ግዜ መይቶም ኢሉ፣ እዚ ኣሃዝ ከኣ 16.8% ካብ'ቲ ናይ ቅድሚ ሕጂ ዝነበረ ዝኾነ ኣሃዝ ወይ ታሪኻዊ ኣሃዝ ማእከላይ ገምጋም ዝለዓለ ምዃኑ'ዩ።
ኣሃዛት ክፍሊ ጥዕና ኒው ሳውዝ ዌልስ 20,460 ሰባት ካብ ጥሪ ናይ'ቲ ዓመት ንንየው ብኮቪድ-19 ደጊሞም ከምዝተለኽፉ የመልክቱ። ፍርቆም (ማለት 10, 460) ካብ'ቲ ፈለማ ዝተለኽፍሉ ኣብ ውሽጢ 90 መዓልታት ደጊሞም ተለኺፎም።
ጽምዋ ንዝስምዖም ወይ ዘጥቅዖም ሰባት መስመር ሓዘግ ዝህብ ናይ መስመር ኣገልግሎት መራኸቢ ቴሌስትራ ዝኾነ Talking Loneliness ዝሓለፈ ዓርቢ ዘውጽኦ ጸብጻብ ልዕሊ ሓደ ሰብ ካብ ኣርባዕተ ኣውስትራልያውያን ብምኽንያት ኮቪድ-19 ንፈለማ ግዜ ጽምዋ ተሰሚዕዎም ወይ ኣጋጢምዎም፣ 46% ኸኣ ብምኽንያት እቶም መዕጸውትታትን ምንቅስቓስ ዝኽልክሉ መምርሒታትን ካብ'ቲ ቅድሚኡ ዝነበርዎ ንላዕሊ ጽምዋ ተሰሚዕዎም ክብል ገሊጹ።
ጥቓ 3,000 ኣውስትራልያውያን ኣብ'ቲ ካብ 6 ክሳብ 12 መስከረም 2012 ዝተኻየደ ብዛዕባ ጽምዋ ዝሓትት ሓጺር መጽናዕቲ ወይ ሳርቨይ ተሳቲፎም።
ሓደ ሓድሽ ብAusVaxSafety ዝተመርሐ መጽናዕቲ ካብ 5 ክሳብ 15 ዝዕድሚኦም ህጻናት ኣውስትራልያውያን ካብ'ቶም ኣብ ክሊኒካዊ ፈተነታትን ተሓቲሞም ዝተዘርግሑ ኣሃዛትን ዝተጸብጸቡ ንላዕሊ ካብ mRNA ዝዓይነቶም ክታበታት ኮቪድ-19 ዝኾነ ዓይነት ጎድናዊ ሳዕቤን ከምዘየጋጠሞሞ ኣመልኪቱ።
መሪሕ ደራሲ ናይ'ዚ መጽናዕቲ ዝኾነ ተሓባባሪ ፕሮፌይሰር ኒክ ዉድ መጠናት ጎድናዊ ሳዕቤን ኣብ'ቶም ካብ 5-11 ዝዕድሚኦም ኣውስትራልያውያን ህጻናት ካብ'ቶም ብዓለምልከኸ ደረጃ ዝወጹ ጸብጻባት ዝተሓቱ'ዮም።
መጽናዕቲ AusVaxSafety ብሃገራዊ ማእከል ምርምር ክታበትን ምክትታልን (National Centre for Immunisation Research and Surveillance) ተመሪሑ ብመንግስቲ ኣውስትራልያ ዝተመወለ'ዩ።
ካብ ባሕቲ ነሓሰ ጀሚሩ ኣብ ክንዲ ቤት መሸጣ መድሃኒታት ወይ ፋርማሲታት ሰርቪስ ታዝመንያ ነጻ መመርመሪ RATs ነቶም ድጎማ መንግስቲ ዝምልከቶም ወይ ኮንሰሽን ዘለዎም ክዕድል'ዩ።
ነበርቲ ዝቐረበ ካብ'ቶም ኣብ'ቲ ግዝኣት ዝርከቡ 27 ወሃብቲ ኣገልግሎት ቤት ጽሕፈታት ንምርካብ 1300 13 55 13 ብምድዋል ክሓቱ ይኽእሉ።
ግዝኣት ሳውዝ ኣውስትራልያ ብተወሳኺ ኣብ ሽውዓተ ቤት ትምህርታት ካብ ሰዓት 10 ቅ.ቀ. ክሳብ 4:30 ድ.ቀ. ኣብ ዘሎ ግዜ መደብ ክታበት ኮቪድ-19 ኣካይዳ።
መደበራት ጥዕና ወይ ክሊኒካት ብተወሳኺ ራብዓይ እብረ ወይ ዊንተር ዶስ ነቶም 30ን ልዕሊኡን ዝዕድመኦም ሰባት ከቕርቡ'ዮም።
እቶም ሸውዓተ ቤት ትምህርታት በርተን ፕራይማሪ ስኩል (Burton Primary School)፣ ጉድ ሸፈርድ ፓራ ቪስታ ፕሪይማሪ ስኩል (Good Shepherd Para Vista Primary School)፣ ግሬንጅ ፕራይማሪ ስኩል (Grange Primary School)፣ ሜሪያትቪል ፕራይማሪ ስኩል (Marryatville Primary School)፣ ማክዶናልድ ፓርክ ፕራይማሪ ስኩል (McDonald Park Primary School)፣ ፕለይፎርድ ፕራይማሪ ስኩልን (Playford Primary School) ዉድኤንድ ፕራይማሪ ስኩልን (Woodend Primary School) እዮም።
መርመራ ኮቪድ-19 ዝካየደሉ ክሊኒክ ክትረኽቡ
መርመራ ኮቪድ RAT ኣካይድኩም ምልካፍኩም እንተተረጋጊጹ ኣብ'ዚ መዝግብዎ
