Key Points
- ሚኒስተር ጉዳያት ወጻኢ ፔኒ ዎንግ ኣውስትራልያ ምዕራብ የሩሳሌም ርእሲ ከተማ እስራኤል ምዃና ኣፍልጦ ከምዘይትህብ ኣፍሊጣ ።
- እቲ ሴነተር ዎንግ ዘቕረበቶ ምልክታ ፡ ነቲ ቀዳማይ ሚኒስተር ነበር ስኮት ሞሪሰን ብ2018 ዝገበሮ ውሳነ ዝቕይሮ እዩ ።
ነቲ ኣብ ምዕራብ የሩሳሌም ከም ርእሰ ከተማ እስራኤል ኣፍልጦ ከም ዘይህብ መንግስቲ ፈደራል ኣውስትራሊያ ድሕሪ ምግላጹ ሚኒስትሪ ጉዳያት ወጻኢ ሃገር እስራኤል ኣብታ ሃገር ዘሎ ልኡኽ ኣውስትራልያ ጸዊዑ መብርሂ ሓቲቱ ።
ብመሰረት ዘ ጀሩሳሌም ፖስት ፡ ሚኒስትሪ ጉዳያት ወጻኢ እስራኤል ፡ "መንግስቲ ኣውስትራልያ ናይ ሓጺር እዋን ዝርኢ ፖለቲካዊ ጕዳያት ብምውሳኑ ፡ እስራኤል ኣዝዩ ከም ዝጐሃየት ገለጸ ።" ኢሉ።
ሚኒስተር ጉዳያት ወጻኢ ፔኒ ዎንግ ነቲ ብሰሉስ ዝወጸ መግለጺ ድሕሪ ምሃባ ፡ ነቲ ቀዳማይ ሚኒስተር ነበር ስኮት ሞሪሰን ብ2018 ዝገበሮ ውሳነ ዳግመ ግምት ዝገበረ ወይ ዝቐየረ ውሳነ እዩ።
ሚስተር ሞሪሰን ንውሳነ ናይ ሕቡራት መንግስታት ኣመሪካ ፕረዚደንት ዶናልድ ትራምፕ ስዒቡ ማለት ብ2017 ወግዓዊ መግለጺ ሂቡ ፡ ን ኤምባሲ ኣመሪካ ካብ ቴልኣቪቭ ናብ ምዕራብ የሩሳሌም ድማ ኣግዒዙ እዩ ኣውስትራሊያ ተመሳሳሊ ስጉምቲ ክትወስድ ጌሩ።
ሴነተር ዎንግ ፡ ሰልፊ ለበር ኣብ ኣረኣእያኡ ጸኒዑ ከም ዝተርፍ ዝገለጸት ኮይና ፡ የሩሳሌም ኣብ መንጎ ምምሕዳር ፍልስጤምን እስራኤልን ክፍታሕ ዘለዎ "ናይ መወዳእታ ጕዳይ" ከም ዝዀነት ፡ ብ2018 ገሊጹ ነይሩ እዩ ኢላ።
እዚ "ከም ኣካል ናይቲ ኣብ መንጎ እስራኤልን ህዝቢ ፍልስጤምን ዝግበር ዝዀነ ይኹን ዘተ ሰላም ክፍታሕ ዘለዎ ጕዳይ" ምዃኑ ገለጸት ።
"ንፍትሓውን ነቲ ብክልተኣዊ ሃገራት ፍታሕ ዝምልከት ፡ ሓላፍነት ዘለዎ ዓለምለኻዊ ጻዕርታት ክንገብር ኢና ።"
"ናይ ኣውስትራሊያ ኤምባሲ ኩሉግዜ ኣብ ተል ኣቪቭ ስርሑ ክቕጽል እዩ ።"
ሰኔተር ዎንግ ውሳነ ሚስተር ሞሪሰን ፡ "ካብቲ ምስ መብዛሕትኦም ማሕበረ ሰብ ዓለም ዝወጸ'ዩ" ክትብል ገሊጻ ።
Donald Trump relocated the US embassy from Tel Aviv to West Jerusalem when he was US president. Source: AP / Morry Gash
ሰኔት ዌንግ ብዘየገድስ ዝወሰነቶ ዉሳነ ኣውስትራሊያ ምስ እስራኤል ዘለዋ ርክብ ድልዱል ምዃኑ እያ ገሊጻ።
"ኣውስትራሊያ ኩሉ ግዜ ጽኑዕ መሓዛ እስራኤል ክትከውን እያ ፡ ንእስራኤልን ማሕበረሰብ ኣይሁድን ኣብ ኣውስትራሊያ ካብ ምድጋፍ ድሕር ኣይንብልን ኢና ። ንሕና እውን ነቶም ፍልስጤማውያን ፡ እንተላይ ንሰብኣዊ ደገፍ ብማዕረ ንድግፍ ኢና "በለት ።
እዚ ምልክታ እዚ ዝመጸ፡ ድሕሪ እቲ ካብ ጋርድያን ዝወጸ ጸብጻብ ፡ ክፍሊ ጉዳያት ወጻኢን ንግድን ኣውስትራሊያ፡ ኣብ ቀረባ መዓልታት ካብ መርበብ ሓበሬታኡ ፦ "ነዚ ነዊሕ ናይ ምእማን ፖሊሲ እዚ ፡ ኣብ ታሕሳስ 2018 ፡ ኣውስትራልያ ፡ ምዕራብ የሩሳሌም ርእሲ ከተማ እስራኤል ከም ዝዀነት ኣፍልጦ ሃበት ፣ እዚ ከኣ ፡ መንበር ከነሰት መንግስቲ እስራኤልን ብዙሓት ትካላት መንግስቲ እስራኤልን ከም ዝዀነት ዝሕብር እዩ ።" ዝብል ካብ ሃበሬታኡ ምስሓኸኾ እዩ
መራሒ ተቓዋሚ ሰልፊ ፒተር ዱተን ፡ መንግስቲ ምስ እስራኤል ድኹም ርክብ ከም ዝመስረተ ብምኽሳስ ፡ ኣንጻር ሰልፊ ለበር ተሪር ስምዕታ ኣቕሪቡ።
"እቲ ምስ እስራኤል ዝግበር ጽምዶ ኣገዳሲ እዩ ፣ ኣብ መላእ ዓለም ኣንጻር ብዙሓት ጸላእቲ ብእተፈላለየ መገዲ ዝቃለሱ ፍቑራት ኣዕሩኽን መሻርኽትን ስለ ዝዀኑ ምስ እስራኤል ዝምድናና ክንቅጽሎ ኢና" በለ ።
ክልታት ፍልስጤምን እስራኤልን ንየሩሳሌም ከም ርእሰ ከተማኦም ገይሮም እዮም ዝርእይዋ ።
