ኣብ ደቡባዊ ምዕራብ ሲድኒ ዝነበረ ገዛአን ሞይተን እተረኽባ ምስጢር ሞት ናይተን ካብ ስዑዲ ዓረብ ዝመጻ ክልተ ኣሓት ዛጊት ኣይተፈትሐን ዘሎ ።
ፖሊስ ብቐጻሊ መርመራ ኣብዘካይደሉ ዘሎ ፡ ክሳብ ሕጂ እንፈልጦ ነገር እንሆ ።
እዘን ክልተ ኣሓት መን'የን?
ጓል 24 ዓመት ኣስራ ዓብደላ ኣልሽሂሊን ከምኡውን ጓል 23 ዓመት ኣማኣል ዓብደላ ኣልሽሂሊን ብ2017 ካብ ስዑዲ ዓረብ ናብ ኣውስትራልያ ዝመጸ እየን።
ኣብ ፈለማ ፡ ብ2020 ኣብ ደቡባዊ ምዕራብ ከባቢ ካንተርበሪ ናብ ዝርከብ ዩኒት ቅድሚ ምግዓዘን ፡ ኣብ ፌርፊልድ ኣብ ምዕራብ ሲድኒ ክነብራ ጀሚረን። እተን ኣሓት ኣብ ቴፍ ኮሌጅ እናተናህራ ተቘጻጸርቲ ትራፊክ ኰይነን ይሰርሓ ኔረን ።
ጎረባብቲ እተን ኣሓት ንመራኸቢ ብዙሃን ኣውስትራሊያ ከምዝገለጽዎ መብዛሕቱኡ በይነን'የን ዝረኣያ ዝነበራ ። ሓደ ካባታቶም ን ABC "ጥዑያት ሰባት" ምንባረን መስኪሩ ኣሎ ።
ሬሳታት ናይተን ክልተ ኣሓት ኣብ ውሽጢ እቲ ኣብ ካንተርበሪ ዝርከብ ኣፓርታማ ኣብ ወርሒ ሰነ NSW እኳ እንተ ተረኽበ ፡ ፖሊስ ግን ካብ ዝሓለፈ ግንቦት ጀሚሩ እቲ ሬሳ ኣብኡ ከምዝነበረ እዮም ዝኣምኑ ። Source: AAP / Bianca De Marchi
ኣብ ወርሒ ሰነ ሬሳአን ኣብ ውሽጢ ገዛ ኣብ ካንተርበሪ ተረኺቡ ። ናይ NSW ፖሊስ ኣብ መጀመርታ ግንቦት ከምዝሞታን ክሳብ ሕጂ ውጽኢት ናይ ኮሮኒያል ይጽበዩ ከምዘለውን ይእመን ።
SBS News ኣብ ኣውስትራሊያ ዑቕባ ይሓታ ከምዝነበራ እኳ እንተረጋገጸ ናይ ዑቕባ ሕቶአን ምኽንያት ግን ኣይተፈልጠን ።
ፖሊስ እንታይ ይብል?
እቲ ሓላፊ ህንጻ ብዛዕባ ኩነታተን ንድሕንነተን ዝምልከት ስክፍታታት ንፖሊስ ምስሓበረ፡ ሬሳ ናተን ኣሓት ፡ ኣብ እተፈላለየ መደቀሲታት እቲገዛዩ ተረኺቡ።
ፖሊስ ኣብቲ ገዛ ብሓይሊ ናይ ምእታው ምልክታት ከምዘይብሉ እኳ እንተገለጸ ፡ እቲ ሞት ግና "ብጥርጣረ" ከምዝረአ ገሊጹ ኣሎ ።
"ጠንቂ ሞት ኣይንፈልጦን ኢና" ክትብል ናይ NSW ፖሊስ ኢንስፔክተር ክላውድያ ኦልክሮፍት ዝሓለፈ ሰሙን ንጋዜጠኛታት ሓቢራ።
ኦልክሮፍ ከምትብሎ ኣብ መፋርቕ መጋቢት ፖሊስ ነተን ኣንስቲ ከም እተዛረበን ፡ ጽቡቕ ከምዝነበራን ገሊጹ ኣሎ ።
"ኣብቲ ደረጃ እዚ ካብ ፖሊስ ተወሳኺ ስጕምቲ ክውሰድ ኣየድልን እዩ ነይሩ" በለት ።
ዝኾነ ሓበሬታ መፍትሕ ክህብ ይኽእል እዩ ኢላ ።
"ቅድሚ ሙማተን ኣብ ዝነበረ መዓልታትን ሰሙናት ብዛዕባ ምንቅስቓስ እተን ኣንስቲ ዝረኣየ ወይ ሓበሬታ ዝረኸበ ሰብ ኸነዘራርቦ ንደሊ ኢና ፣ እዚ ከኣ ኣብ መጀመርታ ግንቦት ዘጋጠመ ምዃኑ ኢና እንኣምን" በለት ።
"ነቶም መርመርትና ፡ ማለት ነቶም ንኣሓት ዝፈልጡ ፡ ከምኡውን ንምንቅስቓሳቶም ዝምልከት ገለ ሓበሬታ ክህልዎም ዝኽእል ሰብ ፡ ብዓይንና ወይ ብኣረኣእያና ኽንሕግዞም ተስፋ ንገብር" በለት ።
እቲ ኣፕርትመንት'ኸ?
እቲ ኣብ ካንተርበሪ ዝርከብ ክልተ መደቀሲ ክፍሊ ኣብዚ ቀረባ እዋን ናብቲ ናይ ክራይ ገዛ ዕዳጋ ኣብ ሰሙን 520 ዶላር ክካረ ተመሊሱ ኣሎ። እቲ ኣፓርታማ ናይ ገበን መርመራ ይግበረሉ ከምዘሎ ኣብቲ መወዓውዒ ናይ ገዛ ክራይ ተገሊጹ ኣሎ።
"ብመሰረት ፖሊስ ፡ እዚ ብሃውሪ ዝፍጸም ገበን ኣይኰነን ፡ ንሕብረተሰብ እውን ኣብ ሓደጋ ከእቱ ዝኽእል ኣይኰነን" ይብል እቲ ኣብቲ መወዓውዒ ተጻሒፉ ዘሎ ጽሑፍ ።
ናይ NSW ፖሊስ ን SBS ዜና ከምዝሓበሮ እቲ መርመራ ንጡፍ ኮይኑ ከምዘሎን ዝኾነ ምስ ናይ ክራይ ገዛ ንብረት ዝተሓሓዝ ነገር ድማ ናይ ፖሊስ ጉዳይ ኣይኮነን ።
ብዛዕባ ስድራአን ዝፍለጥ ነገር ኣሎዶ?
ፖሊስ ኣብ ስዑዲ ዓረብ ምስ ዝርከቡ ስድራ ቤት እተን ኣዋልድ ይዘራረብ ከምዘሎን ፡ ንሰበ-ስልጣን ከኣ ብዛዕባ እቲ ዝሓተትዎ ሕቶታት ይሕግዞዎም ከምዘለዉ ሓቢሩ ።
ብዛዕባአን ብዙሕ ዝፍለጥ ነገር የልቦን ። ሓንቲ ጐረቤት ን ABC ከምዝሓበረቶ: ኣደ እተን ኣሓት ሓንሳእ ናብ ኣውስትራልያ ከም ዝበጽሐትን "ባህ ከም ዘይበላን" ተዛሪባ ኣላ።
ናይ ኣውስትራሊያ መራኸቢ ብዙሃን ከምዝሕብርዎ እታ ስድራቤት ናይተን ኣንስቲ ስእሊ ኣብ ቅድሚ ህዝቢ ክወጽእ ከምዘይደለየት እንተኾነ ግን እቲ መርማሪ ኮምሽን ነቲ ምርመራ ብዝበለፀ መታን ክሕግዝ ነቲ ውሳነ ከምዝቐየሮ ይገልጽ ።
ስድራ ቤት መወትቲ ተጠርጠርቲ ዝገብሮም ምልክት የለን: ወይ እተን ኣሓት ካብ ሱዑዲ ዓረብ ሃዲመን ከምዝመጻ ዘመልክት የለን ክትብል : ዴት አልክሮፍት ገሊጻ ።
ኣማል ኣብዱላህ ኣልሰህሊ (ጸጋም) ሓውታ ኣስራ ኣብ 2017 እየን ናብ ኣውስትራሊያ መጺኤን ዑቕባ ሓቲተን Source: AAP / NSW Police
'ደቂ ኣንስትዩ ሱዕዲ ዝድግፈን መርበብ የብለንን'
ናይ ሂዩማን ራይትስ ዎች ተመራማሪት ሶፊ ማክኒል ካብ ስዑዲ ዓረብ ዝመጻ ሓተትቲ ዕቚባ ካብ ካልኦት ኣብ ሃገሮም ዝርከቡ ስደተኛታት ዝያዳ ተነቀፍቲ እየ ኢላ ።
ን ኤስቢኤስ ኒውስ ከምዝሓበረቶ፡ "መብዛሕትኡ ግዜ ፡ ጽምዋ ይስምዖም እዩ" በለት ።
"ምስ ማሕበረሰብ ስዑዲ (ኣብዚ) ኽራኸባ ኣይደልያን እየን ፡ ካብ ካልኦት ስዑዳውያን ክርሕቃ እየን ዝደልያ ።"
ስዑዲ ዓረብ ብዛዕባ እቲ ኣብ ልዕሊ ኣንስቲ ኣብ ሓዳር: ፍትሕ: ውርስን ኵነታት ኣተዓባብያ ቘልዑን ዘለዋ ኣተሓሕዛ ካብ ተጣበቕቲ ሰብኣዊ መሰላት ቀጻሊ ነቐፌታ ይወርዳ እዩ ። ኣብዚ እዋን እዚ ፡ ንደቂ ኣንስትዮ ዝያዳ ናጽነት ፡ እንተላይ ማኪና ኺዝውራ ዘፍቅድ እኳ እንተ ኰነ ፡ ስራሕ ክረኽባ ወይ እተወሰነ ሕክምናዊ መስርሓት ክረኽባ ደቂ ኣንስትዮ ካብ ዘመድ ወዲ ተባዕታይ ፍቓድ ክረኽባ ይሕተታ።
"መብዛሕትኡ ግዜ እዘን ደቀንስትዮ ብዘይካ ከም ነብሰን ዝኣመሰላ ካልኦት ሓተትቲ ዕቚባ ናይ ደገፍ መርበብ የብለንን" ትብል ሚስ ማክኒል ።
"ንኻልኦት ምእማን ብሓቂ ከቢድ ኰይኑ እዩ ዝስምዐን ። ብፍላይ ካብታ ዝኸድዋ ሃገር ንሰባት ይርሕቁ እዮም "በለት ።
ንሳ ከምዝበለቶ ኣውስትራሊያ ኣብ ከምዚ ዝኣመሰለ ተኣፋፊ ኩነታት ንዝነብሩ ሰባት ዝያዳ ክትሰርሕ ዘድልየሉ ምኽንያት ናይ እተን ኣሓት ታሪኽ ኣብነት እዩ ።
