Key Points
- A violent attack and life-changing injuries might result in a subdued attitude for some people, but not Salman Rushdie.
- Australia is continuing to struggle to retain a significant number of skilled workers following the pandemic.
ሳልማን ራሽዲ ኣብ ጽንኩር ኵነታትኳ እንተሎ ፡ እቲ ልሙድ ዘይተሰዓርነት መንፈሱን ናይ ዳእላ ልማዱን ግና ምሉእ ብምሉእ ከም ዘይተተንከፈ ተገሊጹ ።
ስድራቤት ናይቲ ዓርቢ ኣብ ኒው ዮርክ ብዘጋጠመ መጥቃዕቲ ዝቖሰለ ወዲ 75 ዓመት ደራሲ ሳልማን ሩሽዴ፡ እቲ ተሰዂዕሉ ዝነበረ መተንፈሲ መሳርሒከምዝወጻሉ ገሊጾም ።
ወዱ ዛፋር ሩሽዲ ፡ እቲ ደራሲ ኣብ ጽንኩር ኵነታት ከም ዝነብር እኳ እንተ ገለጸ ፡ እቲ ልሙድ ዘይተሰዓርነት መንፈሱን ናይ ዳእላ ልማዱን ግና ምሉእ ብምሉእ ከም ዘይተተንከፈ እዩ ዝገልጽ ። ወኪል ጽሑፋት ሚስተር ሩሽዲ ፡ እቲ መገዲ ምሕዋይ ከም ዝጀመረን እቲ ካብ መውጋእቲ ዝወረዶ ጕድኣት ከቢድ እኳ እንተ ኰነ ፡ ናብ ቅኑዕ ኣንፈት እዩ ዝጐዓዝ ዘሎ ። ሃዲ ማታር ዝብሃል ወጊኡ ተባሒሉ እተኸሰሰ ሰብኣይ ፡ ብፈተነ ቅትለትን መጥቃዕትን ዝቐረበሉ ክሲ ገበነኛ ኣይኮነን ተባሂሉ ኣሎ ። ኣመሓዳሪ ኒው ዮርክ ፡ ደራሲ ሳልማን ሩሽዲ ብሓንደበት መጥቃዕቲ ምስ ወረዶ ፡ ኣመጽ ደው ክትብል ጸዊዓ ። እቲ ወዲ 75 ዓመት ዓርቢ ናብ መድረኽ ደይቡ ኣስተምህሮ ክህብ ምስበለ'ዩ ሓደ ወዲ 24 ዓመት መንእሰይ ናብ መድረኽ ደይቡ ከቢድ ጕድኣት ዘውረደሉ ።
ኣብ ኣውስትራሊያ ዘሎ ሕጽረት ኪኢላ ብዝሒ ዘለዎም ኪኢላታት ናብዛ ሃገር ንምእታው ብምብዛሕ ዝፍታሕ ዶ ይኸውን ?
ኣውስትራሊያ ድሕሪ እቲ ለበዳ ብዙሓት ክኢላታት ሰራሕተኛታት ንምርካብ ትቃለስ ኣላ ። ሕጂ እቲ መንግስቲ ፡ ብዝሒ ኪኢላታት ንምዝያድ ቁጽሪ በዚ ቪዛ ዝኣትዉ ከምዝውስኾ ሓቢሩ ኣሎ ። ኣብ 'ዚ እዋን' ዚ ናይ ኣውስትራሊያ ቀዋሚ ናይ ሚግረሽን ቪዛ መጠን 160, 000 ኣቢሉ ይበጽሕ እንተኾነ ክሳብ 200,000 ክበጽሕ ዝኽእል ጸብጻብ ኣሎ ። ሰንበት ናይ ሞያ ሚኒስተር ብረንዳን ኦኮኖር ንጋዜጠኛታት ኣውስትራሊያ ኣብዝሃቦ ሓበሬታ ነቲ ሕጽረት ንምፍታሕ "ዝካኣል ዘበለ ብምግባር" መፍትሒ ክረክብ ኣለዎ ድሕሪ ምባል ኣብ መላእ እታ ሃገር ቀረብ ሽቕለት ንምብርባር ድሉው ምዃኑ ገሊጹ ። እቲ ናይ ክእለት ሕጽረት ኣብ ዝመጽእ ወርሒ ኣብ ዝካየድ ኣኼባ ናይ መንግስቲ ስራሕን ክእለትን ቀንዲ ኣርእስቲ ምይይጥ ክኸውን ትጽቢት ይግበር ። መራሒ ተቓዋሚ ሰልፊ ፒተር ዱተን ኣብቲ ዋዕላ ኣይሳተፍን እዩ: "ነቲ ዋዕላ ድማ ብማሕበር ሰራሕተኛታት ዝተዓብለለ" ኢሉ ድማ ጸዊዕዎ ።
ኣመሪካ ናብ ታይዋን ካል ኣይ ግዜ ምብጻሕ ብምፍጻም ግጭት ትጽሕትር ኣላ ክትብል ቻይና ከሲሳ።
ሓደ ጕጅለ ልኡኽ ሕቡራት መንግስትታት ኣመሪካ ፡ ምስ ቻይና ውጥረት ኣብ ዝነበረሉ እዋን ፡ ንኽልተ መዓልቲ ምብጻሕ ክገብሩ ናብ ታይዋን በጺሖም። ፕረዚደንታዊ ቤት ጽሕፈት ታይዋን ፡ ነቲ ምብጻሕ መርኣያ "ጽኑዕ ደገፍ" ከም ዝዀነ ገይሮም'ዮም ገሊጾሞ። እቲ ጕዕዞ ብሰነተር ኤድ ማርኪ ዝምራሕ ኰይኑ ፡ እዚ ድሕሪ እታ ንቻይና ዘቘጥዓን ካብ በይጂንግ 'ብሓዊ ከም እትጻወት ዘላ" መጠንቀቕታ ዝተዋሃባን ኣፈኛ ባይቶ ኣመሪካ ናንሲ ፐሎሲ ዝመጸ እዩ ። ብሰንበት ፡ ኣብ ዋሽንግተን ዝርከብ ኤምባሲ ቻይና ከምዝገለጾ፡ ኣመሪካ ኣብ ቀረባ እዋን ዝገበረቶ ምብጻሕ ፡ "ግጭት ንምልዕዓል" ከምኡውን "ኣብ ውሽጣዊ ጉዳያት ቻይና ጣልቃ ንምእታው" ጻዕሪ ትገብር ከም ዘላ ዘረጋግጽ እዩ ። እታ ምስ ቻይና ቀጻሊ ወጥሪ ዘለዋ ኣውስትራሊያ እውን ኣብ ዝመጽእ ዓሰርተ ዓመታት ናብ ግጭት ክትኣቱ ዘለዋ ተኽእሎ ብመንግስቲ ኣፍልጦ ረኺቡ ኣሎ። ሚኒስተር ምክልኻል ሪቻርድ ማርለስ ወተሃደራዊ ክለሳ ኣብ ዝካየደሉ እዋን ንምድላው ናይ ምክልኻል ስትራተጂካዊ ክለሳ ክግበር ምዃኑ ኣፍሊጡ ኣሎ ።
ኣውሮጳ ኑክሌሳዊ ጥፍ ኣት ከጋጥማ ይኽእልዶ?
ኑክልየሳዊ ትካል ዛፖሪዥያ ኣብ ኤውሮጳ እቲ ዝዓበየ እዩ ፣ ከንቲባ እታ ከተማ ድማ ፡ እቲ ሓደጋ ናይ ጥፍኣት "ካብ መዓልቲ ንመዓልቲ እናበዝሐ" እዩ ዝኸይድ ዘሎ ኢሉ ። እዚ ኣብ ደቡባዊ ምብራቕ ዩክረይን ዝርከብ ትካል ፡ ካብ መጋቢት ኣትሒዙ ብሓይልታት ሩስያ ተታሒዙ ዘሎ እዩ ። ይኹን እምበር ፡ ኣብዛ ዝሓለፈት ሰሙን ፡ ዩክረይንን ሩስያን ነንሕድሕደን ፈጸሚኡ ኣብዝካሰሳሉ ብተደጋጋሚ ይህረምዩ ዘሎ ። ምኽትል ከንቲባ ከተማ ኤኔርጎዳር ዲሚሮ ኦርሎቭ ፡ ነቲ ኵነታት "ግሁድ ኑክሌራዊ ግብረ-ሽበራ" ኢሉ ድሕሪ ምግላጹ ፡ ኣብ ዝዀነ ይኹን ህሞት ናብ ዝኸፍአ ሓደጋ ክዓርግ ከም ዝኽእል ሓቢሩ ። ኣብ ዝሓለፈ ሰሙን ናይ ሕቡራት ሃገራት ሓላፊ ኣንቶንዮ ጉተረዝ ወታሃደራት ካብን ናብን ኣጽዋር ምትኳስ ክቑጠቡ ጸዊዑ ኔሩ ፡ ናይ ኣህጉራዊ ኣቶማዊ ጸዓት ኤጀንሲ (IAEA) ሓለቓ ራፋኤል ግሮሲ ንባይቶ ጸጥታ ኣብ ዝሃቦ መግለጺ ፡ ናብ ዛፖሪዝዥያ ዝኸይድ ተልእኾ ክመርሕ ተዳልዩ ከምዘሎ ሓቢሩ ። ሚስተር ግሮሲ ፡ IAEA ካብ ሰነ ኣትሒዙ ከምዚ ዓይነት ተልእኾ ንምፍጻም ድልው ከም ዝነበረ ፡ እንተዀነ ግን ብሰንኪ ፖለቲካዊ ረቛሒታትን "ካልእ ኩነታትን" ክትግበር ከም ዘይከኣለ ገሊጹ ።
ኣብ ምብራቓዊ ዩክረይን: ብ11 ሓምለ 2019: ሰራሕተኛታት ኣብ ክሊ እቲ ሃገራዊ ማእከል መሰልጠኒ ንሰራሕተኛታት ጽገና ኑክልየሳዊ ጸዓት ዛፖሪዝሂያ: መደበራት ኑክልየሳዊ ጸዓት ዛፖሪዝሂያ: ስእሊ Smolyenko/Ukrinform/ABACAPRESS.COM. Source: ABACA / Smoliyenko Dmytro/Ukrinform/ABACA/PA
ኣብ ካልእ ዜና
- ሓይልታት ጣሊባን ንኣፍጋኒስታን ካብ ዝቈጻጸሩ ሓደ ዓመት ኣቑጺርሉ ዘሎ እዋን ፡ ጋዜጠኛ SBS ዜና ራሺዳ ዮሱፍዛይ ብዛዕባ ካቡል ኣብ ኢድ ጣሊባን ምውዳቕ ን፡ ኣብቲ ግዜ እቲ ንስድራ ቤታ እንታይ ከም ዘጋጠሞም ተንቲና ኣላ።
- ኣብ ኣውስትራሊያ ዝርከቡ ማሕበረሰብ ሊባኖስ ኣብ ዓዶም ዝርከቡ ናህሪ ዋጋን ገንዘቦም ካብ ባንኪ ከየውጽ ኡ ዝተገትኡን ፈተውቶምን ንስድራቤቶምን ይሕግዙ ኣለዉ ።
