ኣብ ኣውስትራሊያ እንተነኣሰ 5 ሚሊዮን ዶላር ንዘውፍሩ ዝወሃብ ቪዛ ክለሳ ክግበረሉ እዩ። ነዚ ናይ ዉሽጣዊ ጉዳያት ሚንስተር ክላሪ ኦንየል " ናብዛ ሃገር ንምእታው መገዲ ምዕዳግ" እዩ ብምባል ትገልጾ ።
እቲ ብዙሕ ግዜ 'ወርቃዊ ትኬት' ተባሒሉ ዝጽዋዕ ናይ ኣውፈርቲ ግዝያዊ ቪዛ (SIV) ፤ ዕዉታት ኣመልከትቲ ነቲ ገንዘብ ተቐባልነት ኣብዘለዎ ወፍሪ እንተጌሮም ክሳብ ሓሙሽተ ዓመት ኣብ ኣውስትራሊያ ክጸንሑ የኽእሎም ። ከምኡ 'ውን መንገዲ ቀዋሚ ነባርነት ዘውሕስ እዩ ።
እቲ መደብ ብ2012 መንግስቲ ጊልያርድ ዘተኣታተዎ ኰይኑ ፡ እተፈላለየ ለውጥታት እውን ገይሩ እዩ ። ብ2016 ዝወጸ ጸብጻብ ፡ ኮሚሽን ኣፍራይነት ፡ ነቲ ናይ ወፍሪ ቪዛታት "ንምጥፍፋእ መገዲ ዝኸፍት" ምዃኑ ብምግላጽ ፡ ክስረዝ ጸዊዑ ።
ሚስ ኦኒል ንስካይ ኒውስ ኣብ ዝሃበቶ ሓበሬታ ፡ፈደራላዊ መንግስቲ እታ ሃገር ንስርዓተ ፍልሰት ሩ ደጊሙ ኣብ ዝርእየሉ ዘሎ እዋን እቲ ወሓዚ ቪዛ ፡ "ኣዝዩ ዓብዪ ጸገም" ምዃኑ ጠቒሳ።
ንሳ ብሰንበት ኣብ ዝተፈነወ ቃለ መጠይቅ "መብዛሕትኦም ኣውስትራሊያዊያን ኣብዚ ሃገር መእተዊ ቪዛ ብውጽኢታዊ መገዲ ኽትዕድገሉ ትኽእልሉ ናይ ቪዛ ክፍሊ ኣለና ዝብል ሓሳብ ክህሉ ብጣዕሚ ዘጉህዮም ይመስለኒ ።"
"ኣብዚ ግዜ'ዚ ፡ ከም ክፍሊ ነዚ ንኽንዕቅቦ ዝድርኽ ብዙሕ ምኽንያታት ዘሎ ክርኢ ኣይክእልን እየ ።"
እቲ ናይ ኣውፈርቲ ቪዛ ብኸመይ እዩ ዝሰርሕ?
ናይ ንግዲ ምህዞን ኢንቨስትመንትን ንምጥቃም ብናይ ቪዛ ወሓዚ (ንኡስ ክፋል 188) ፣ ኣብ ኣውስትራሊያ ፍቓድ ኣብ ዘለዎ ኢንቨስትመንት እንተወሓደ 5 ሚልዮን ዶላር ንዘውፍሩ ሰባት ዝወሃብ ቪዛ እዩ ። ገለ ረቛሒታት ከማልኡን ክሳብ ዕድመ ናይቲ ቪዛ ዝግበር ወፍሪ ናይ ሓቂ ዕላማ ክህልዎምን ኣለዎም ።
እቲ ቪዛ ንስድራቤቶም ዘካተተ ነቲ ቀንዲ ኣመልካቲ 9,195 ዶላር የኽፍል ።
ናይ ቋንቋ እንግሊዝኛ ምልከት ነቲ ቪዛ ንምርካብ ከም ቅድመ ኵነት ኣይሓትትን። ከምኡ "ውን ናይ ላዕለዋይ ዕድመ ገደብ የለን ። ኩሎም ዕድሚኦም ልዕሊ 18 ዓመት ንዝኾኑ ኣመልከትቲ ወይ ናይ እንግሊዝኛ ክእለት ዘለዎም ክኾኑ ኣለዎም ወይውን ናይቲ መመልከቲ ክፍሊት ንክኸፍሉ ይሕተቱ ።
ዕዉት እንተኾይኑ ኣብ ኣውስትራሊያ ውሽጢ ክሳብ ሓሙሽተ ዓመት ክጸንሑ ይኽእሉ ከምኡድማ ንቐዋሚ መንበሪ ቪዛ ክሕዙ ይሓቱ ።
ዛጊት ክንደይ ናይ ኣውፈርቲ ቪዛ ተዋሂቡ?
ብመሰረት ክፍሊ ውሽጣዊ ጕዳያት ፡ ካብ ሰነ 2020 ጀሚሩ ፡ 2,349 SIV ቪዛ ተዋሂብዎም ኣሎ ። ኣብቲ ግዜ እቲ ፡ ኣስታት 11.7 ቢልዮን ዶላር ናብ ወፍሪ ተላኢኹ ኣሎ ።
ኣስታት 84.8 ካብ ሚእቲ ካብ ጠቕላላ ናይ ቪዛ መመልከቲ ካብ ቻይና ዝመጹ እዮም ፤ 84.9 ሚኢታዊ ድማ ተፈቒዱሎም እዩ ። ን ካብ ሆንግ ኮንግ ዝመጹ እተዋህበ ቪዛ ፡ ኣስታት 3.6 ሚእታዊት ነበረ ።
ጋዜጣ The Australian ከም ዝጸብጸቦ ፡ ልዕሊ 7,000 ዜጋታት ቻይና ኣብ ትሕቲ እቲ መደብ ቪዛ ተዋሂብዎም እዩ ፣ እዚ ድማ 2,370 ዜጋታት ቻይናን ልዕሊ 5,000 ኣባላት ስድራ ቤትን ዘጠቓልል እዩ ። እዚ ኣሃዛት ብክፍሊ ኢሚግረሽን ተረጋጊጹ እዩ ።
ኣብ ዝሓለፈ ወርሒ ፡ እታ ጋዜጣ ፡ ኣባላት ስርዓት ካምቦድያ ሃን ሰን ፡ ናብታ ሃገር ክኣትዉ ከም ዝኸኣሉ ፡ ኣብ ዝሓለፈ ሓሙሽተ ዓመት ከኣ 10 ሃብታማት ዜጋታት ካምቦድያ ቪዛ ከም ዝረኽቡ ገሊጻ ነይራ እያ ።
I think buy-a-visa is not how our visa system should operate.Abul Rizvi
