ታሪኻዊ ዓወት ቢንያም ግርማይ ኣብ በልጅም፣ ደራርቱ ቱሉ ንትግራይን ኣትሌታታን ኣብ ዝምልከት ዘርኣየቶ መሪሕነት

ሰሙናዊ መደብ ስፖርት (28/03/2022) * ኤርትራዊ ቢንያም ግርማይ ሰንበት ኣብ ናይ ቅድድም ህይወቱ ዝዓበየ ዓወት ብምምዝጋብ ናብ ታሪኻዊ ዓወት ኸንት-ዊቪልኸም ፈንጢሱ ከምዝኣተወ ተፈሊጡ፣ * ኣብ ከተማ ሮማ ኣብ ዝተኻየደ ውድድር ጉያ እግሪ ማራቶን ኣቺያ ራን ሮም ዘ ማራቶን ኢትዮጵያውያን ፍቅረ በቀለን ሰቻላ ደለሳን ድርብ ዓወት ኣመዝጊቦም፣ * ኤርትራዊ ሄኖክ ምሉእብርሃን ሻምፒዮን ቅድድም ብሽግለታ መንገዲ ኣፍሪቃ 2022 ኮይኑ፣ ኣብ’ቲ ኣብ ግብጺ (ሻርም ኤል ሸይኽ) ዝተኻየደ ኣፍሪቃዊ ውራይ ኤርትራ ብብዝሒ መዳልያታት ቀዳመይቲ ኮይና ወዲኣ፣ * ደቀንስትዮ ት20 መንእሰያት ኢትዮጵያ ናብ ዋንጫ ዓለም ኮስታሪካ 2022 ንምሕላፍ ኣብ ዘካየደኦ ካልኣይ እግሪ ግጥም ብጋና 2-1 ተሳዒረን ጉዕዝአን ኣብቂዑ፣ * ገዲም ኣትሌት ደራርቱ ቱሉ ኣትሌታት ትግራይ ዝሓልፍዎ ዘለዉ ንመንግስቲ ወሲኽካ ኩሉ ክርደኣሎምን ትግራይ ኣካል ኢትዮጵያ ስለዝኾነት ተሕልፎ ዘላ ስቓይ ኲናትን ጥሜትን ከብቅዕ ኣብ ዝጸዋዓትሉ ምምስሳል ምስ ኩነታት ዩክረይን ኣሎ ድዩ