ኢትዮጵያ ካብ ኩሎም ዝሓለፉ ሻምፒዮናታት ኣትለቲክስ ዓለም ዝበዝሐ መዳልያታት ወርቂ ዓቲራ፣ ቢንያም ናብ ዓለምለኻዊ ቅድድም ተመሊሱ

ሰሙናዊ መደብ ስፖርት (25/07/2022) * ኣብ ሻምፒዮና ኣትለቲክስ ዓለም ኦሬገን 2022 ኢትዮጵያ ብለተሰንበት ግደይ፣ ታምራት ቶላ፣ ጎትይቶም ገብረስላሰን ጉዳፍ ጸጋይን ኣቢላ 4 መዳልያታት ወርቂ ወሲዳ፣ ብብዝሒ መዳልያታት ካልኣይቲ ኮይና ተሳትፎኣ ዛዚማ፣ * ኣልጀርያ ናብ ተአንግዶ ሻምፒዮና ሃገራት ኣፍሪቃ ቻን 2023 ንምሕላፍ ኣብ ዝካየዱ ዘለዉ መጻረዪ ግጥማት ኢትዮጵያ ኣንጻር ደቡብ ሱዳን ገጢማ ብዘይሽቶ ማዕረ ተፈላልያ፣ * ኮንፈደረሽን ኩዕሶ እግሪ ኣፍሪቃ ንሰነጋላዊ ኣጥቃዓይ ሳዲዮ ማነ ብሉጽ ኣፍሪቃዊ ተጻዋታይ ኩዕሶ እግሪ ናይ’ዚ ዓመት ክብል ሰሊምዎ፣ * ኤርትራዊ ኮኾብ ተቐዳዳማይ ቢንያም ግርማይ ድሕሪ ናይ ሻምፒዮና ኤርትራ ዓወቱ ንፈለማ ግዜ ናብ ዓለምለኻዊ ቅድድም ተመሊሱ፣ መትከል ኢዮብ ኣብ ቱርኪ ተቐዳዲሙ ካልኣይ ወጺኡ፣ ዙር ፈረንሳ ኸኣ ብዓወት ደንማርካዊ ዮናስ ቪንገጎ ተዛዚሙ፣