ደሃዮም ዝጠፋአ ኣትሌታት ኤርትራ ተረኺቦም ተባሂሉ፥ ኣትሌታት ኢትዮጵያ ዓዶም ኣብ ዝተመልስሉ ኩነታት ትግራይ ናይ ሓዋሩ ፍታሕ ይሕተተሉ

ሰሙናዊ መደብ ስፖርት (01/08/2022) * ደሃዮም ጠፊኡ ዝነበረ ሓሙሽተ ኣባላት’ታ ኣብ ኦሬገን ኣሜሪካ ኣብ ሻምፒዮና ኣትለቲክስ ዓለም ክትሳተፍ ዝጸንሐት ሃገራዊት ጋንታ ተረኺቦም ተባሂሉ፥ * ኣትሌታት ኢትዮጵያ ኣብ ሻምፒዮና ኣትለቲክስ ዓለም ኦሬገን 2022 ኣርባዕተ ኣዋርቕ ዝርከቦም 10 መዳልያታት ዓቲሮም ካልኣይ ድሕሪ ምውጽኦም ሮቡዕ ምሸት ናብ ኣዲስ ኣበባ ተመሊሶም፣ ኩነታት ትግራይን ኣትሌታት ትግራይን ዝያዳ ቆላሓት ረኺቡ፣ * ኢትዮጵያ ኣብ ካልኣይ እግሪ መጻረዪ ግጥም ናብ ሻምፒዮና ሃገራት ኣፍሪቃ ወይ ቻን 2022 ንደቡብ ሱዳን 5-0 ድሕሪ ምስዓራ ናብ ካልኣይ ዙር ሓሊፋ፣ * ኤርትራዊ ኮኾብ ተቐዳዳማይ ቢንያም ግርማይ ድሕሪ ሻምፒዮና ኤርትራ ንፈለማ ግዜ ኣብ ዓለምለኻዊ ቅድድም ተሳቲፉ ኣብ 3ይ መድረኽ ካልኣይ ወጺኡ፣ መትከል ኢዮብ ኣብ ቱርኪ ኣብ ግራንድ ፕሪ ያህያሊ ተቐዳዲሙ፣