آسٹریلیا میں کھیلوں میں تنوع اور ملٹی کلچرزم کے فروغ کی ایک نئی مثال قائیم ہوئی جہاں سڈنی کرکٹ گراوینڈ کی تاریخ میں پہلی بار عید الفطر کا تہوار منایا گیا، اذان دی گئی اورساتھ ہی لیجنڈری کرکٹرز وقار یونس اور بریٹ لی کے ساتھ فورم بھی منعقد ہوا۔ عید کے خصوصی پروگرام میں آسٹریلیا کی معروف شخصیات نے شرکت کی۔ شرکا نے عید جیسے تہوار کو کرکٹ گراؤنڈ کے ہال میں منعقد کرنے کو ملٹی کلچر آسٹریلیا اور کھیلوں میں ڈائیورسٹی کے فروغ کے لئے ایک تاریخی اور اہم موقع قرار دیا ۔
تقریب کے میزبان کامل خان نے ٹویٹر پر سڈنی کرکٹ گراؤنڈ میں اس تقریب کے انعقاد کو مثبت اور تاریخی قدم قراردیا۔ کامل نے ایس سی جی میں پہلی بار عید الفطر کے جشن کے عشائیہ کی میزبانی کرنے کو اپنے لئے ایک بڑا اعزازقرار دیا ۔
مقررین نے کامل خان کی اس کوشش کو سراہتے ہوئے اسے کھیلوں میں ملٹی کلچرزم اور ڈائیورسٹی کے فروغ کی جانب اہم سنگ میل قرار دیا
Eid event at Sydney Cricket Ground Source: SBS
(R-L) Sydney Roosters player Sonny Bill Williams, Preston Lee, Brett Lee with host Kamil Khan. Source: Kamil Khan
مثبت قدم کو اجاگر کرتا ہے۔ اس تقریب میں عشا کی اذان دی گئی اور روڈ حادثے میں ہلاک ہونے والے سابق آسٹریلین کرکٹر اینڈریو سائیمنڈز کو بھی خراجِ تحسین پیش کیا گیا۔
پینل ڈسکشن کا سیشن حاضرین کی خصوصی توجہ کا مرکز رہا جس میں بات کرتے ہوئے پاکستانی لیجنڈری کرکٹر وقار یونس اور آسٹریلین سابق کرکٹر بریٹ لی نے اپنے کرکٹ سے کمنٹری تک کے سفر کے تجربے کا ذکر کیا۔ دونون لیجنڈری کھلاڑیوں نے اپنے دور کے بہترین اور یادگار میچز کا ذکر کیا۔
وقار یونس کا کہنا تھا کہ وہ کرکٹ کمنٹری کرتے وقت ایک کپتان کی نظر سے ہر کھلاڑی کی کارکردگی پر نظر رکھتے ہوئے تبصرہ کرتے ہیں۔ بریٹ لی رواں تبصرے کو ایک مختلف تجربہ قرار دیتے ہوئے کہا کہ روان تبصرہ اور تجزیہ کرتے وقت وہ کھیل کے ہر پہلو پر نظر رکھ سکتے ہیں جو خود میدان میں کھیلتے ہوئے ممکن نہیں ہوتا ۔
یاد رہے کہ اس سے پہلے انگلش کرکٹ بورڈ نے گزشتہ ماہ لندن کے معروف لارڈز کرکٹ گراؤنڈ میں پہلی افطار ڈنر کا اہتمام کیا تھا جس میں دیگر مہمانوں کے ساتھ انگلینڈ کے وائٹ بال کپتان آئن مورگن بھی شریک تھے۔
Eid celebrated at SCG Source: SBS
(l-R) Waqar Younis, Brett Lee with sports journalist Mike Coward. Source: Kamil Khan
(R-L) Pakistani high commissioner Zahid Hafeez Chaudhri, Kamil Khan and Brett Lee. Source: Kamil Khan
پوڈکاسٹ اپنے پسندیدہ پوڈ کاسٹ پلیٹ فارم سے سنئے
- یا کو اپنا ہوم پیج بنائیں۔
- اردو پروگرام ہر بدھ اور اتوار کو شام 6 بجے (آسٹریلین شرقی ٹائیم) پر نشر کیا جاتا ہے
