آسٹریلیا میں کووڈ 19 کےوبائی مرض کے بعد تارکین وطن افراد کی آمد کا جو ایک غلبہ دیکھا گیا تھا اس میں اب کمی آ رہی ہے، ایک ماہر نے ان دعووں کو مسترد کر دیا ہے کہ بین الاقوامی طلباء قومی ہاؤسنگ مارکیٹ کو متاثر کر رہے ہیں۔
آسٹریلوی محکمہ برائے شماریات نے گزشتہ 12 مہینوں کے دوران بین الاقوامی آمد اور روانگی کے اعداد و شمار جاری کیے ہیں، جس سے ظاہر ہے ملک میں مسافروں کی تعداد میں اضافہ ہو رہا ہے۔
آسٹریلیا میں گزشتہ سال آنے والوں کی کل آمد میں 11.3 فیصد اضافہ ہوا، جبکہ روانگیوں میں 12.1 فیصد اضافہ ہوا۔
قلیل مدتی مہمانوں کی آمد اور رہائشیوں کی واپسی میں بھی پچھلے سال کے مقابلے میں 10 فیصد سے زیادہ اضافہ ہوا
’معمول پر واپسی'
آسٹریلین نیشنل یونیورسٹی کے پروفیسر ایلن گیملن نے اے اے پی کو بتایا ، "مجموعی طور پر بیرون ملک ہجرت وبائی امراض کے بعد بڑھنے کے مقابلے میں تیزی سے کم ہو رہی ہے۔"
"ابتدائی طور پر تارکین وطن کئ تعداد میں اضافہ دیکھا گیااور ہم معمول پر واپس آنے کے راستے پر ہیں۔"
تاہم، وفاقی حکومت کو امید ہے کہ رواں مالی سال خالص ہجرت 260,000 تک کم ہو جائے گی۔
اس کا مقصد 2025 سے غیر ملکی طلباء کی تعداد کو 270,000 تک محدود کرنا ہے، ناقدین کا دعویٰ ہے کہ انہیں(غیر ملکی طلباء کو) قومی ہاؤسنگ بحران کے لیے قربانی کا بکرا بنایا جا رہا ہے۔
لیکن گیملن نے اس بات کو مسترد کیا کہ آسٹریلیا میں ہجرت کا مسئلہ قابو سے باہر ہے، اور کہا کہ فیصلے "خوف اور تعصب" کی بنیاد پر کیے جا رہے ہیں۔
"جو اعداد و شمار نظر آتے ہیں وہ حالیہ انسانی تاریخ میں سب سے بڑے خلل پیدا کرنے والے واقعے(یعنی کووڈ 19) کے باعث ہیں جس نے ہجرت کے پورے عمل کو بھی متاثر کیا،" انہوں نے وبائی مرض کا حوالہ دیتے ہوئے کہا ۔
جنوری 2020 میں بیرون ملک سے آنے والوں کی مجموعی تعداد عروج پر تھی۔
اکتوبر 2024 میں طلباء کی آمد کی تعداد اکتوبر 2019 میں COVID-19 سے پہلے کی سطح کے مقابلے میں 22.2 فیصد کم تھی۔
بین الاقوامی طلباء کی تعداد کے اعداد و شمار نے اکتوبر 2024 میں آسٹریلیا آنے والوں کی تعداد 39,530 ظاہر کی – جو پچھلے سال کے اسی مہینے میں 740 کا اضافہ تھا۔
گیملن نے کہا کہ ایک سیاسی اور میڈیا بحث ابھری ہے کہ جھوٹے دعوے کیے گئے بین الاقوامی طلباء کے تارکین وطن نے قومی ہاؤسنگ مارکیٹ کو متاثر کیا ہے۔
"یہاں دیگر عوامل ہیں جو ہمارے رہائشی رجحانات کو آگے بڑھا رہے ہیں جن کا نقل مکانی سے کوئی تعلق نہیں ہے،" انہوں نے کہا۔
"یہ اس سیاسی بحث کو جاری رکھے ہوئے ہے جو مکمل طور پر پیچھے ہٹ رہی ہے، راستے سے ہٹ رہی ہے، اور ایسے مسائل پر توجہ مرکوز کر رہی ہے جو موجود نہیں ہیں۔
"نتیجتاً، ہم ایسی پالیسیاں اور فیصلے کر رہے ہیں جو لاکھوں لوگوں کی زندگیوں پر اثر انداز ہوتے ہیں، اربوں ڈالر بنیادی طور پر حقائق کی بجائے خوف اور تعصب پر مبنی ہیں۔"
سب سے زیادہ تارکین وطن جنوری 2020 میں آئے
پچھلی دہائی میں سب سے زیادہ کل بیرون ملک آمد جنوری 2020 میں 2.26 ملین تھی جو جنوری 2024 میں 2.12 ملین تھی۔
دسمبر 2019 میں سب سے زیادہ روانگی 2.19 ملین تھی، حال ہی میں دسمبر 2023 میں یہ تعاد 2.03 ملین رہی۔
قلیل مدتی رہائشی روانگیوں میں 13.9 فیصد کے اضافے کے ساتھ پچھلے 12 مہینوں یہ شرح سب سے بڑی تبدیلی ظاہر کرتی ہے
نیوزی لینڈ سے آنے والے سیاحوں کا اکتوبر 2023 اور اکتوبر 2024 کے درمیان آنے والے تمام سیاحوں میں 21 فیصد حصہ تھا، یہ شرح چین اور برطانیہ سے بھی آگےہے۔
پچھلے 12 مہینوں میں ملک چھوڑنے سے زیادہ لوگ یا تو مختصر یا طویل مدتی رہائشی یا وزیٹر کے طور پر آسٹریلیا پہنچے۔
