چونکہ ضروریات زندگی کی قیمتیں عوام کے بجٹ پر دباؤ ڈال رہی ہیں، آسٹریلیا میں زیادہ سے زیادہ لوگوں کو اپنی ضروریات پوری کرنے کے لیے متعدد ملازمتیں کرنی پڑ رہی ہیں۔
آسٹریلوی بیورو آف سٹیٹسٹکس(اے بی ایس) کے مطابق مارچ 2024 میں متعدد ملازمتوں والے ملازمین کی تعداد بڑھ کر 974,000 ہو گئی ہے جو کہ ملک کے ملازمین کا تقریباً 7 فیصد بنتا ہے۔
مارچ 2023 میں یہ تعداد 950,000 تھی۔
ایک سے زیادہ ملازمتیں کرنے والے افراد میں زیادہ تعداد خواتین کی ہے، ایک ایسا رجحان جو گزشتہ سال کے دوران تبدیل نہیں ہوا ہے۔
تاہم، گذشتہ سال سے مردوں کی بھی بڑی تعداد ان خواتین کے ساتھ شامل ہوئی ہے۔
مارچ تک 7.3 فیصد افرادی قوت جو متعدد ملازمتیں کر رہی تھی ، خواتین پر مشتمل تھی جب کہ دو یا زیادہ ملازمتیں کرنے والے مردوں کی تعداد 6 فیصد تھی۔
گھریلو اخراجات تقریباً نصف رہ گئے ہیں
ان اعدادوشمار کے ساتھ،اے بی ایس نے گھریلو اخراجات پر اپنا تازہ ترین ڈیٹا بھی جاری کیا ہے۔
اپریل 2024 میں، ماہانہ گھریلو اخراجات میں سال بھر میں 3.4 فیصد کی شرح سے اضافہ ہوا۔
اے بی ایس کے مطابق ٹھیک 12 مہینے پہلے، یہ شرح 6 فیصد تھی۔
اپریل 2023 سے گھریلو اخراجات میں زیادہ تر اضافے کا رجحان دیکھا گیا ہے، تاہم اس سال جنوری میں اس شرح میں زبردست کمی دیکھی گئی تھی۔
Non-discretionary spending is on things people need or to meet a legal obligation, while discretionary spending can be considered optional.
صحت سے متعلق اخراجات میں اضافہ
صحت سے متعلق اخراجات میں بھی اضافہ ہوا ہے۔
اے بی ایس کے اعداد و شمار سے ظاہر ہوتا ہے کہ صحت پر گھریلو اخراجات ایک سال پہلے کے مقابلے میں 15.7 فیصد زیادہ ہیں۔
کاروباری شماریات کے اے بی ایس کے سربراہ رابرٹ ایونگ نے کہا: "صحت پر اخراجات نے اپریل میں گھریلو اخراجات کے مجموعی طور پر 3.4 فیصد اضافے میں سب سے بڑا حصہ ڈالا۔"
"ہم نے غیر صوابدیدی اشیا اور خدمات پر اخراجات میں 5.8 فیصد اضافہ دیکھا (وہ چیزیں جن کی لوگوں کو ضرورت ہے یا وہ اخراجات جن کو پورا کرنا ان کی قانونی ضرورت ہے ) ، جبکہ گھروں میں ایندھن اور کھانے پر بھی اخراجات میں اضافہ نظر آیا۔
"اس کے برعکس، صوابدیدی اخراجات (خرچ جسے 'اختیاری' سمجھا جا سکتا ہے) میں سال بھر میں 0.6 فیصد اضافہ ہوا کیونکہ لوگ غیر ضروری اشیاء کی خریداری کو کم کر کے اخراجات محدود کرنے کی کوشش کر رہے ہیں ۔
