وہ کاروبار جو کرونا وائرس سے متاثر ہوئے ہیں آسانی سےاب حکومتی جاب کیپر پروگرام کے لئے درخواست جمع کراسکتے ہیں۔
وزیرِخزانہ جاش فرائیڈنبرگ کا کہنا ہے کہ نئی تبدیلیوں کا فائدہ مزید کاروباروں کو ہوگا جن سے حکومت کو ساڑھے پندرہ ارب ڈالر کا خرچہ آئے گا۔
اس سے پہلے صرف وہ کاروبار جن کو شدید نقصان ہوا ہے وہ جاب کیپر کے لئے درخواست جمع کراسکتے تھے۔
لیکن اب اٹھائیس ستمبر سے تین جنوری کے دوران اگر کسی کاروبار کا پچھلے سال کے مقابلے میں نقصان ہوا ہے تو وہ بھی جاب کیپر کے لئے درخواست دے سکتا ہے۔
جاش فرائیڈنبرک کا کہنا ہے کہ میلبورن کے اسٹیج فور لاک ڈاون سے وکٹورین معیشت پر بڑا اثر پڑے گا۔
"ہماری پوری کوشش ہے کہ کم سے کم نقصان ہو اور آسٹریلینز کو اس مشکل وقت سے باہر نکالا جاسکے۔"
Source: AAP
وہ افراد جو یکم جولائی سے کام کررہے ہیں وہ اب جاب کیپر پروگرام کے اہل ہیں۔
جاب کیپر پروگرام کے ذریعے دو ہفتے کے پندرہ سو ڈالر ملتے ہیں جو اکتوبر سے دسمبر تک بارہ سو ڈالر ہوجائیں گے۔
اگلے سال مارچ میں یہ پیسے مزید کم ہوکر ہزار ڈالر ہوجائیں گے۔
وزیرِاعظم اسکاٹ موریسن کا کہنا ہے کہ وکٹوریہ میں کرونا وائرس کی سخت پابندیون کی وجہ سے ۔۔تقریباً چارلاکھ افراد بے روزگار ہوگئے ہیں یا ان کے کام کرنے کے اوقات کم ہوکر صفر ہوگئ
وزیرِاعظم موریسن کا کہنا ہے کہ ملکی شرح نمو میں ستمبر کوارٹر میں بارہ ارب ڈالر کی کمی آئے گی۔
