کلیدی نکات
- فیئر ورک ایکٹ 2009 میں وسیع تر اصلاحات کے تحت کارکنوں کو “دفتر اوقات کے بعد کام سے ربط ختم کرنے کا حق” دینے کی تجویز کی گئی ہے۔
- یہ قانونی طور پر ملازمین کو کامکے اوقات سے باہر رابطہ منقطع کرنے کا اختیار دے سکتا ہے۔
- کراس بینچر جیکی لیمبی اور ڈیوڈ پوکاک نے فیئر ورک ایکٹ میں اصلاحات کے بارے میں اپنے خدشات کا اظہار کیا ہے۔
کیا آپ جانتے ہیں کہ آسٹریلیا میں ’گو ہوم آن ٹائم ڈے‘ (کام کے وقت کے بعد گھر جانے کا دن) کا مطلب کیا ہے؟ ایک پبلک تھنک ٹینک آسٹریلیا انسٹی ٹیوٹ کے ۲۰۰۹ میں قیام کے بعد سے یہ دن 22 نومبر 2023 تک اب تک ۱۵ بار منایا گیا ہے۔
اسی دن، انسٹی ٹیوٹ نے اپنی تحقیقی رپورٹ بھی جاری کی، جس میں بلا معاوضہ اوور ٹائم کے بارے میں ایک سروے کا خاکہ پیش کیا۔ کسی ملازم کے اوور ٹائم کام کرنے سے انکار کرنے کے حق پر اگلے ہفتے وفاقی پارلیمنٹ میں بحث کی جا رہی ہے۔ تجویز کردہ اصلاحات کے ذریعے فیئر ورک ایکٹ 2009 میں وسیع تر اصلاحات کے تحت کارکنوں کو “دفتر اوقات کے بعد کام سے ربط ختم کرنے کا حق” دینے کی تجویز کی گئی ہے
اس تناظر میں کام کے اوقات سے مراد اس وقت کے بعد فون کالز نہ لینا، ای میلز، ٹیکسٹ پیغامات کا جواب نہ دینا یا کسی ملازم کے دن کے لئے سائن آف کرنے کے بعد ڈیجیٹل مواصلات کی کسی بھی شکل میں دستیاب نہ رہنا شامل ہے۔ آسٹریلیا انسٹی ٹیوٹ کے مرکز برائے فیوچر ورک کی 2022 کی ایک رپورٹ کے مطابق، آسٹریلیا میں، 79 فیصد کل وقتی کارکنوں نے اپنے طے شدہ اوقات کے بعد کام کیا ہے۔
کل وقتی کارکنوں کی اکثریت طے شدہ اوقات سے باہر کام کرتی ہے۔ Credit: SBS News
ربط منقطع کرنے کا کیا حق ہے؟
منقطع کرنے کا حق ایک قانونی حق ہے جو پہلی بار 2017 میں فرانس میں متعارف کروایا گیا تھا تاکہ کارکنوں کو کام کے اوقات سے باہر اپنے فون کا جواب نہ دینے پر سزا دینے سے بچایا جاسکے۔
تب سے، 20 سے زیادہ ممالک نے اسی طرح کی پالیسیاں متعارف کروائی ہیں جن میں اسپین، فرانس اور آئرلینڈ کے ساتھ ساتھ کینیڈا کے صوبہ اونٹاریو شامل ہیں۔
آسٹریلیا انسٹی ٹیوٹ کے 2023 کے مطالعے میں پتہ چلا ہے کہ آجر “ہر سال اپنے ملازمین سے 280 گھنٹے سے زیادہ بلا معاوضہ کام لیتے ہیں جو کام کے سات ہفتوں کے برابر ہے۔
Many Australian workers feel they have to work overtime because their workloads are too big. Credit: SBS News
وکٹوریہ پولیس سمیت آسٹریلیا کی کچھ کام کی جگہوں پر کام کے اوقات کے بعد رابطہ ختم کرنے کی پالیسی ہے تاہم، فی الحال وفاقی اور ریاستی سطح پر ایسی کوئی پالیسیاں نہیں ہیں۔
گرینز کے رہنما ایڈم بینڈ نے پہلی بار 2023 میں فیئر ورک ایڈیمنٹ (رابطہ منقطع کرنے کا حق) بل کا تصور متعارف کرایا۔ Source: AAP
ربط منقطع کرنے کا حق کیوں متعارف کروایا گیا ہے؟
منقطع کرنے کے حق کا بل پہلی بار گرین کے رہنما ایڈم بینڈ نے گذشتہ سال متعارف کرایا تھا اور حکومت فیئر ورک قانون سازی میں ترمیم (کلوزنگ لوپ ہولز) ایکٹ 2023 میں اپنی وسیع تر اصلاحات کے حصے کے طور پر اس کو شامل کرنے کی تجویز دے رہی ہے۔
اصلاحات میں جُز وقتی اور عارضی ملازمین کو مستقل بننے کی اجازت دینا اور فیئر ورک کمیشن کو 'گیگ اکنومی' کے کارکنوں اور ٹرک ڈرائیوروں کے لئے کم سے کم تنخواہ اور شرائط طے کرنے کا شامل ہے۔ وزیر ٹونی برک نے اس ہفتے اہم کراس بینچرز کو ترمیمی بلِ کا مسودہ دکھایا ہے اور اسے عوامی طور پر جاری کرنے کے لئے کاروباری گروپوں کے دباؤ کا سامنا ہے۔
آسٹریلین افراد دفتر سے رابطہ منقطع ہونے کے حق سے کیسے فائدہ اٹھا سکتے ہیں؟
پانچ میں سے چار آسٹریلیائی لوگوں کا خیال ہے کہ منقطع ہونے کا حق ہوگا
Research from the Australia Institute found that, working overtime has significant impacts on health, wellbeing and productivity.
