የፌዴራል ተቃዋሚ ቡድኑ የፍልሰተኞችን ቁጥር በ25 ፐርሰንት እንደሚቀንስና ለ12 ወራት የሚዘልቅ ጊዜያዊ የነዳጅ ድጎማ እንደሚያደርግ አስታወቀ

ጠቅላይ ሚኒስትር አንቶኒ አልበኒዚ፤ አውስትራሊያውያን የሀገሪቱን 48ኛ ፓርላማ ለመምረጥ ሜይ 3 ወደ ምርጫ ጣቢያዎች እንዲያመሩ በነገው ዕለት ጥሪ ሊያደርጉ ነው

Peter Dutton.png

Opposition Leader Peter Dutton has laid out his vision for Australia. Credit: AAP / Mick Tsikas

የተቃዋሚ ቡድን መሪ ፒተር ዳተን፤ ለአራተኛ ጊዜያት ባደረጉት የበጀት ምላሽ ንግግራቸው ቀዳሚ ትኩረታቸውን ወደ አውስትራሊያ የሚዘልቁ ፍልሰተኞችን ቁጥር በ25 ፐርሰንት በመቀነስና የጋዝ ፕሮጄክት ዕቅዳቸውን በተመረጡ ማግሥት ለግብር እንዲበቃ ድንጋጌ በማሳለፍ ለመራጮች የመብራት ክፍያ እፎይታን እንደሚያስገኙ አመላክተዋል።

እንዲሁም፤ ለአሥራ ሁለት ወራት የሚዘልቅ የስድስት ቢሊየን ዶላር የነዳጅ ድጎማ በማድረግ በቤተሰብ በሳምንት በአንድ መኪና 14 ዶላር ወይም 700 ዶላር ያህል እስከ ድጎማው ፍፃሜ ለመቸር ተልመዋል።
ሀገር አቀፍ ምርጫ

ጠቅላይ ሚኒስትር አንቶኒ አልባኒዚ ነገ ዓርብ ማርች 28 / መጋቢት 19 የአውስትራሊያ ፌዴራል ምርጫ ሜይ 3 እንዲካሔድ ቀን የቆርጡ መሆኑን ለማሳወቅ መሰናዷቸውን እንዳጠናቀቁ አንድ ገዲብ የመንግሥት ምንጭ ለSBS ጠቁመዋል።

እንዲያም ሆኖ፤ ምርጫው ሜይ 3 ወይም 10 ወይም 17 እንደሚካሔድ የተለያዩ ቀነ ግምቶች እየተነገሩ ነው።
Anthony Albenese.png
Prime Minister Anthony Albanese will lead the Labor party into the 3 May election. Credit: AAP / Lukas Coch
ገዢው ሌበር ፓርቲ ወደ ሀገር አቀፉ ምርጫ ለፉክክር የሚገባው ከ151 የሕዝብ ተወካዮች ምክር ቤት ውስጥ 77 መቀመጫዎችን ይዞ ሲሆን፤ ተቃዋሚ ቡድኑ 53 የተቀሩት የአነስተኛ ፓርቲና የግል ተመራጮች 19 ወንበሮችን ለማስጠበቅ ወይም ለማከል የምረጡን ዘመቻዎቻቸውን ያካሂዳሉ።

በዘንድሮው ምርጫ ለሕዝብ ተወካዮች ምክር ቤት ለምርጫ የሚቀርቡት በአንድ ወንበር ቅናሽ 150 የታችኛው ምክር ቤት መቀመጫዎች ሲሆኑ፤ በየሶስት ዓመቱ የሚካሔደውን ሀገር አቀፍ ምርጫ ተከትሎ የሥራ ዘመናቸው ለስድስት ዓመታት ከሚቆየው የላይኛው ምክር ቤት 76 ወንበሮች ውስጥ 40ዎቹ ለ2025 ምርጫ ይቀርባሉ።

Share
Published 27 March 2025 9:49pm
By Kassahun Seboqa Negewo, NACA
Source: SBS

Share this with family and friends