Kë ë ye ciɛɛŋ thɛɛr ye tɔ̈ në bɛ̈i yiic ku ɣän ke muthilimin lɔ̈ŋ acï bɛ̈n ke ye kë dït apɛi de tajiir.
Thɛɛr ke lɔ̈ŋ, miɛt de piɔ̈u ku röök aye jɔɔk në thaa thiɔ̈kic ku ka ye lɔ agut cï thök de pɛɛi de diäk.
Jɔɔk në nuur ye ɣɛɛr agut cï pɛɛi ye ɣɛɛr, Käk ë dhɛ̈ŋ ë Ramadan aye thuuk ku bɛ̈i waar yiic në Australia ëbɛ̈n.
"Ɣɛn nhiar yic lɔn ye kɔc juëc jɔɔk bïk kä juëc ë thää ke Ramadan dhuëëŋ. Yïn ë gɛɛr tɛ tëëk yin paan raan dɛ̈t thok ku tïŋ ke cï dhuëëŋ ëbɛ̈n ku ka ye tïŋ ke cï thɔ̈ɔ̈ŋ ëbɛ̈n. Anɔŋ kë wïc apɛi ku anɔŋ kɔc juëc wïc bïk käŋ jɔɔk bïk ɣɔɔc. Ku ɣɛn ë yök ke kë ril ee ba ɣɔɔc në thää ke Ramadan ë thää ë Ramadan abɛ̈n acï jɔk bï jäl."
Cï man cenë Ms Sari ye luel, ke Ramadan ee ya dhöl benë akuut ke kɔc ke Muthilimïn ya rɔm në ciɛɛŋden yic.
"Ramadan tënë ɣɛn ku kɔc ke paandiɛ̈, acie tɔ̈ ëtënë abac, acie tɔ̈ tënë mäthkiɛ̈ ke Muthilimïn abac, wok nɔŋ mäth juëc cie Muthilimïn, ku keek aaye bɛ̈n ku camkë wook ëya dɛ̈t në thäämane. Anhiar keek bïk ciɛɛŋda tïŋ në dhöl töŋ ye ke nyuɔɔth wok , ciɛɛŋden cït mɛn de Dhiɛ̈ɛ̈th de Yecu ku käjuëc. Buk rɔm cäm kënë keek ku nyuɔ̈th ku keek ëya dɛ̈t kë ye cɔl Ramadan në kë yen pɛ̈i ye kɔc gäm käŋ."
Kɔc ke tajiir ke Australia aye wök ëyadɛ̈ ke nɔŋ kë cë kek yök në pïïrden yic agokë kä kɔɔr kɔc ke Muthilimïn ke baai ya yök.
Raan nɔŋ tajiir cɔl Sayo Bakri ee jam ye wïc de kä ke dhɛ̈ŋ ke Ramadan acï lɔ nhial në thuŋden tɔ̈ në Sydney.
"Aɣön ë ɣɔɔcdiɛ̈ acï jɔɔk në kë thiin koor (ciin de) käke dhɛ̈ŋ ke Ramadan, ku ruɔ̈ɔ̈n ëbɛ̈n ee rot waar në kë yenë ruɔ̈ɔ̈n ëbɛ̈n wok kä wääc bɛ̈i ku ruɔ̈ɔ̈n kënë wok nɔŋ kä juëc apɛi. Kä ke dhɛ̈ŋ ke Ramadan në ruɔ̈ɔ̈n kënë yic aye wuɔ̈ɔ̈c apɛi, në kë nɔŋ wok kä juëc ke lööŋ rin raan ëbɛ̈n abï ɣöötken looi bïk piath ku wok nɔŋ kä juëc ke dhɛ̈ŋ ke Ramadan."
Ku acie ɣän ke ɣɔɔc abac - ɣän kɔ̈k dït ke ɣɔɔc ëya dɛ̈t aye käke Ramadan ɣaac ëmɛɛn.
Në ruɔ̈n kënë yic, ke Nestle aci mio ë Kit-Kat gam ke kenne Ramadan.
Kai Sari ee jam lɔn cenë kä juec luor.
"Agut cï Coles ku Woolwoorths, raan ëbɛ̈n acï jɔɔk bï käŋ muk në nïn yiic, agut cï thök ë Kit Kat. Raan ëbɛ̈n acï jɔɔk bï kä juëc ŋic në Ramadan ku kä ye kek ɣaac wei ago yïn ya yök (käŋ kedhiɛ) jɔɔk në thɛ̈n ke cäm agut cï kä juëc ëmɛn. Kä juëc apɛi tɔ̈u tëdɛ̈t ëmɛɛn."
Ramadan ee pɛ̈i lajik në nïn ke Muthilimïn yiic, wën yenë Muthilimïn lɔ̈ŋ në akɔ̈l gɔl në miäkduur agut cï akɔ̈l, ku yekë puɔ̈th miɛt kenë kɔc keen baai ku yekë wëu gaam tënë akuut ke kuɔɔny, ke ye dhöl ye kek käken ke tiɛ̈p looi.
Në mïïth yiic, ke Ramadan ee thaar ë thööŋ ku ëya dɛ̈t ë miɛt de piɔ̈u.
"Thoŋ de kuɛ̈n ee kë dït apɛi ku ka nɔŋ nïn kaa 30 ke Ramadan. Ku na yïn ya, ke kööl ëbɛ̈n të cï kek thök ku ka ye thök ë thök, ke ka ye liep. Në thanduŋ yic, anɔŋ kë cït kë ye Kinder gäi wala wëu wala këdɛ̈ŋ ye looi. Acït mɛn de ariööp ye kek yök në kööl thok ëbɛ̈n të cï kek thök ë thök."
Kä juëc awär kä ye nyuɔɔth në nïn ke miɛt de piɔ̈u yiic, kä ye keek dhuëëŋ në Ramadan aye kä ye nyuɔɔth ke akutnhom, ciɛɛŋ, ku thööŋ.
Akölköl kënë aci gɔɔr kɔc cɔl Hadil Al Swaiedi ku Edwina Guinan tënë SBS News, ciɛɛl (Kotnyin Bul Thon) në SBS (Dinka)
