Aci federal Coalition luel ka bï wëu ke ye Labor ka tëm tɛ leer keek kuäny ak bïk ku tëk ke loilooi bï wëu maar abïk tek yic tɛ leer kuäny bïk tiɛ̈ɛ̈m cuɛ̈t kuɛ̈ny Akumadit Australia.
Bɛ̈ny America Donald Trump a gɛ̈ɛ̈k Joe Biden wɛt ci latuëŋ panden dhuok piny kaam pɛi kadiäk yiic mën tɛn leer yen bääny yic, Latuëŋ pan America aci dhuk piny 0.3 kaam pɛi tuëŋ kadiäk yic ruön kënë yic.
Bɛny Salva Kiir aci raandit akutnhom General Intelligence Bureau (GIB) ku waar raan bɛt wɛ̈ɛ̈t alɔŋ gëlgël baai war kööl kua aci keek caal SSBC yic wathei ku aci nyiënken kuɛ̈ny yiic. Aci Madut Dut Yel kuany ke yeen raan bï bɛny wɛ̈t käk gëlgël baai ku aci Thoi Chany Reat kuany ke yeen bɛny GIB director general.
Akutnhom UN Security Council wäköle aci kaamden ke bï ken United Nations Mission rɛɛl South Sudan waköl bïk rëëlden juäk gut aköl niin 9 pën dhiëc, rɛ̈ɛ̈lden ake bi yiic thöök Penŋuan aköl niiin 30 ku yemënë a bïk juak tɛn niin ka dhoŋuɛ̈n agut cä akol niin 9 May. Kënë ee keek puöl bïk näŋ käk kɔ̈k jɛ̈ɛ̈mke yiic kam ceekic cïk gät piny löŋ 2778 (2025) (ku abïk gäm ke ye athor ).
