Prime Minister Anthony Albanese alɔ ke jam ke kɔc baai alɔŋ wën muök raan Green thööc pan Griffith ku aye ŋɔ̈ɔ̈th lɔ̈n bïk keek yeen dhuök ciën tɛn raan Akut Green pan ciɛ̈l Brisbane.
Bɛny akut Opposition Peter Dutton alɔ ke neem bɛ̈ɛ̈i juëc kɔk rëël thööc wik ciën thöök jamke kɔc kamtuëŋ bïk kɔc cuɛ̈t yom Thabit kenë.
Bɛ̈ny Ukrainian President Volodymyr Zelenskyy aye luel piny nhiom aci leu ku bï tïïk gut ca aköl niin 8 Pendhiëc bï tɔ̈ŋ jäl kɔ̈ɔ̈c ke cï cëëŋthin ruun kadiäk wɛ̈t kënë aci jäl bɛ̈n war aköl ci Bɛny Russia yen caal ka bi näŋ niin kadiäk bi dhɛ̈ɛ̈ŋ tɔɔu piny ku köl kënë aye ke yen ruön 80 ci Russia tiɛ̈ɛ̈m tɛn Germany tɔŋ world war two.
Akutnhïïm Roman Catholic cardinals ee piny nhom e ben abi rɔɔm bïk cuɛ̈tden kuömnhom ci Conclave bïk raan bi pope löök yic ke yeen Pope Kanitha jɔk aköl niin dhorou Pendhiëc yic.
Bɛny pan South Sudan Salva Kiir Mayardit waar aköl acä Akuei Bona Malwal kuäny ke yeen bɛny buɔ̈th bɛny luɔi käk aɣer ku mɛ̈tmɛ̈t Piny nhom.
