Yen apath tɛn midhiët bïk miëthken bïk kek tïŋ ku bïk muöknhiäl loilooi wën mith piɔ̈ɔ̈c erin ku bïk lɔ riääk rot looi yic, erin ee gëlgël bï mith e yën ke tuëŋ wïc midhiëët bik looi ke ye kë rilic.
Manyang Gabriel Berberi ee raan wën luui kek akut riënythii Mlebourne ku ke keek piööc thuëc ka yeke thuɛ̈ɛ̈c yiic.
Aci Manyang Gabriel Berberi bɛn mat thin ku lueel yen apɛth bä näŋ jam pɛth keek dupiööc pan piööc, ku ba lɛ̈ŋ ciɛ̈ɛ̈ŋ path keek dupiööc ku kek kɔc mith piɔ̈ɔ̈c thuëc kura.
Aci luel aye meth ŋic na rɛɛl maan wala wun nyin thin ka looi yiic ka cïï leu bi riëëc bei dhël rin rëël keek nyiin thin ku aye ka tïŋ ke leŋ raan daai ke looike.
Thook jamde yiic aci Manyang Berberi luel tɛ meth yen tïŋ ke leŋ raan dhiëët yen rɛɛl nyin ka leu bï ya luui kapɛth tɛ thööŋ yen kek mɛ̈ɛ̈nh wën caath ke cïnic midheet rɛɛl nyin thin, kua leu bï laac lɔ riääk yic rin cïn yen raandit rɛ̈ɛ̈l nyin thin bi ya miɛ̈k nyin thin, erin mith jɔl latueŋ ke diet tɛ cïn yen raan nyin tiët yen ke yen kaam wën yen keek rïïc bei ciökken yiic.
Wɛtden thööl yen wëlke aci luel yen apɛth bï baai rot maat ku lëŋ ka looi kek bïk mïth ya muöknhiäl ku kënë aleu bï keek nyaai ku muk keek wei karɛɛc yiic.
